Wuj Richin ri Jeremías 5:4 - Kaqchiquel Bible

⁴ K'ari' yin xinbij: Kan qitzij na wi rije' man jun ok k'o kik'in; kan man tz'aqet ta ri kich'obonik, roma man ketaman ta ri bey richin ri Jehová y man ketaman ta ri nubij.

Wuj Richin ri Jeremías 5:4 ပူးပေါင်းရင်းမြစ်များ

Os 4:6

Ri nutinamit maneq etamabel rik'in roma ri' xk'is, roma rix sacerdote ximalij kan ri etamabel; Yin chuqa' xa xtinwelesaj chiwe ri samaj richin sacerdote. Roma kan ximestaj kan ri pixa' ri xinya' chiwe. Yin chuqa' kan xkenmalij kan ri iwijatzul.

Wuj Richin ri Jeremías 8:7

Chuqa' ri al, ri aj-xik' taq chikopi' ri yebe chikaj, ketaman toq nik'atzin yetzolin. Keri' chuqa' ri ch'aqa' chik aj-xik' taq chikopi' kan ketaman toq k'atzinel richin yebe juk'an chik ruwach'ulew. Jak'a rix ri nutinamit kan man iwetaman ta ri nuq'atoj-tzij yin.

San Mateo 11:5

Chi ri moyi' yetikir chik yetzu'un; ri winaqi' ri man kan ta yetikir yebiyin roma e jetz', yebiyin jebel; ri e yawa'i' rik'in ri yabil ri nutaluj-ri', kan xech'ajch'ojir-el; ri man ye'ak'ex ta xek'achoj; ri kaminaqi' xek'astej; y ri winaqi' ri meba' kánima chuwech ri Dios, kan nitzijox k'a ri utzilej ch'abel richin kolotajik chike.

Wuj Richin ri Isaías 27:11

Y toq ri ruq'a' ri che' ri' xtiq'aj-el roma nichaqi'j-qa, k'ari' xkepe ri ixoqi' richin nikisik'-el, y nikibox kiq'aq' rik'in. Xtibanatej ronojel re' roma ri qawinaq maneq kinojibal. Roma ri' ri Dios ri xbanon qichin man xtujoyowaj ta kiwech, ni man jun utzil xtuben chike.

Wuj Richin ri Jeremías 7:8

Rix kan ikuquban ik'u'x rik'in ri tz'ukun taq tzij ri xa man jun utz nuk'en-pe chiwe.

Wuj Richin ri Jeremías 4:22

Ri nuwinaq kan maneq kina'oj, man ketaman ta nuwech. Kan e alk'ualaxela' ri maneq ketamabal y kan man jun niq'ax chikiwech. Kan janila e nowineq richin nikiben etzelal, jak'a man ketaman ta nikiben ri utz.

Wuj Richin ri Jeremías 9:3

Y ri Jehová nubij: Xa kan beneq ruwech ye'el-pe tz'ukun taq tzij pa kichi' chikij ch'aqa' chik winaqi' achi'el toq yek'aq k'iy ch'ab. Chupan ri ruwach'ulew ri' más tz'ukun taq tzij ri yeban ke chuwech ri qitzij. Pa ruk'exel utz nikiben xa ja ri etzelal ri más nikiben. Kan man nikajo' ta nikibij chi ja yin ri in ki-Dios.

Wuj Richin ri Jeremías 10:8

Konojel rije' xa maneq kina'oj y xa maneq kinojibal, roma xa xketamaj kik'in ri wachibel ri e banon rik'in che'.

Wuj Richin ri Isaías 29:12

Y wi ta niya' chire jun wineq ri man retaman ta ruwawuj, y nibij chire chi tusik'ij, rija' xtubij chiwe chi man retaman ta ruwawuj.