Wuj Richin ri Jeremías 5:3 - Kaqchiquel Bible

³ Jehová, ¿man ja ta kami ri qitzij nakanoj rat? Rat xaya' rutojbalil-mak pa kiwi' y man xeq'axomer ta; xaya' wululen pa kiwi', jak'a man xkajo' ta xatkinimaj. Kan xkikowirisaj k'a ri kánima, más chuwech ri abej y kan man xkajo' ta xetzolin chupan ri utzilej bey.

Wuj Richin ri Jeremías 5:3 ပူးပေါင်းရင်းမြစ်များ

Wuj Richin ri Jeremías 7:28

Tabij chike: Ja rix ri' ri man xiwajo' ta xiwak'axaj ri ruch'abel ri Jehová ri qa-Dios, ni man xiwajo' ta ri pixabanik, ni man xikusaj ta chik ri qitzijri'il. Xa kan xaxe chik k'a ri man qitzij ta ri yixch'on.

Wuj Richin ri Jeremías 2:30

Xa man jun xuq'ajuj richin xixinjich'aj, rix y ri iwinaq, roma xa man xik'ul ta ri nupixa'. Roma chaq k'ate' xe'ikamisaj ri e q'alajirisey nuch'abel achi'el nuben ri koj.

Wuj Richin ri Sofonías 3:7

Rija' xuch'ob k'a chi rik'in ri keri' ri aj-Jerusalem xtik'oje' rukiy rija' chikiwech. y xtikik'ul ri rupixabanik. Richin keri' man xke'elesex ta el ri chiri', y ri rutojbalil-mak man xtiqaqa ta pa kiwi' rije'. Man rik'in ri' rije' xa chi'anin xemakun rik'in jalajoj ruwech mak.

Wuj Richin ri Isaías 9:13

Jak'a rije' xa man xtzolej ta kik'u'x rik'in ri Dios, ni man xkikanoj ta ri Jehová k'iytisanel richin ronojel, stape' rija' xuya' tijoj-poqonal pa kiwi'.

2 Crón 16:9

Keri' xuben ri Jehová roma rija' kan rutzuliben-pe chijun ri ruwach'ulew richin nuya' kuchuq'a' ri kan qitzij kijachon-ki' pa ruq'a' rik'in ronojel kánima. Rat xa kan achi'el jun nakanik na'oj ri xaben, y roma ri' re wakami chiqawech-apo xtipe más labal chawij, xcha' ri Hananí.

Wuj Richin ri Isaías 42:25

Roma ri' yin kan xinya' k'a ri woyowal pan iwi', y kan xinya' labal pan iwi'. Y ri labal ri' kan xixruk'is, achi'el nuben ri q'aq', man rik'in ri' man xq'ax ta chiwech, y man xixniman ta chuwe.

Hebreos 12:9

Toq roj k'a oj kokoj na, ri qatata' xojkipixabaj, y man xeqetzelaj ta roma ri'. Xa kan xqaya' kiq'ij. ¿Y man más ta kami ruk'amon chi niqanimaj rutzij ri qatata' Dios, richin niqil ri k'aslen?

Romanos 2:2

Kan qetaman k'a chi ri Dios kan pa ruchojmilal nuben toq nuq'et-tzij pa kiwi' ri winaqi' ri nikiben ri etzelal ri'.

Ez 24:13

Kan nutijon-pe nuq'ij iwik'in rix aj-Jerusalem richin nich'ajch'ojirisaj-iwi' chire ronojel ri imak, jak'a rix man iya'on ta q'ij. Jak'a toq xtiqaqa ri woyowal pa ruwi' ri itinamit, k'ari' xkixch'ajch'ojir.

Wuj Richin ri Jeremías 32:19

Rat kan janila at nim rik'in ri apixabanik y at nimalej rik'in ronojel ri naben. Rat natz'et ronojel ri yekiben ri winaqi' y chikijujunal naya' rutojbalil pa kiwi' achi'el ri ruk'amon.

Wuj Richin ri Jeremías 19:15

Ri qa-Dios Jehová ri k'iytisanel richin ronojel kere' nubij: Wakami k'a nink'en-pe ri ruk'ayewal pa ruwi' re tinamit re' y pa kiwi' konojel tinamit ri ek'o chunaqaj, ri nuya'on chik rutzijol roma xixyakatej chuwij y kan xikowirisaj ri iwánima richin man xiniwak'axaj ta, xicha' chike.

Wuj Richin ri Jeremías 7:26

Jak'a ri iwati't-imama' xa man xkinimaj ta nutzij y man jun rejqalen xkiben chire ri nuch'abel. Y xa kan xkikowirisaj ri kánima y xa kan más itzel xkiben rije' chikiwech ri kati't-kimama'.

Wuj Richin ri Isaías 48:4

Ronojel re' xbanatej roma kan wetaman chi rix man ninimaj ta nutzij. Rix janila ix tix, y man niwajo' ta richin niqasex iq'ij.

Wuj Richin Etamabel-Tzij 27:22

Jun wineq ri xa maneq runa'oj, stape' kan niq'ututex, man nichojmir ta.

Wuj Richin Etamabel-Tzij 23:35

Y k'ari' rat xkatzijon ayon y xtabij: Xich'ay y man xinna' ta. K'o ri xch'ayon wichin y man noqaqa ta chinuk'u'x. Toq xtuna-el nuwech jebel, xtinbenkanoj jun chik nuya', xkacha' k'a.

Wuj Richin Etamabel-Tzij 22:12

Kan pa ruwech k'a ri Jehová ek'o-wi ri winaqi' aj-na'oj, richin chi yeruchajij; y kan pa ruwech chuqa' rija' ek'o-wi ri kan e nowineq chubanik ri etzelal, richin chi nuyoj ri nikajo' nikiben.

Wuj Richin Etamabel-Tzij 21:29

Ri wineq itzel, stape' k'ayew ri rubey ri ruk'aslen, rukoch'och'en ruwech beneq; jak'a ri wineq ri kan ja ri qitzij ri k'o pa ruk'aslen, nuchojmirisala' rubey ruk'aslen ri beneq.

Wuj Richin Bix Chire ri Dios 51:6

Rat kan niqa' k'a chawech ri wineq ri kan ch'ajch'oj ri ránima. Roma ri' kinatijoj achike rubanik yibiyin rik'in na'oj.

2 Crón 28:22

Stape' ri itzel rey Acaz kan k'o k'a pa ruk'ayewal, kan jantape' k'a nimakun chuwech ri Jehová.

Wuj Richin ri Chojmirisabelri'il 26:23

Y wi rik'in ronojel re' man xtiq'il ta iwi' xa kan chaq niben ri itzel chinuwech yin,

2 Rey 1:13

Y ri Ocozías xuteq chik k'a el ri rox aj-raqen rik'in chik e kawineq lajuj aj-labal. Y re aj-raqen re' xjote' k'a el y xxuke-qa chuwech ri Elías, y xubij k'a chire: Táta, ri at q'alajirisey ruch'abel ri Dios, nink'utuj utzil chawe chi kan k'o ta rejqalen chawech rat ri nuk'aslen, y ri kik'aslen ri e kawineq lajuj achi'a' ri ek'o wik'in.

Wuj Richin ri Jeremías 8:5

Jak'a rix aj-Jerusalem, ¿achike k'a roma xa xiniq'ol? ¿Achike roma xiben richin xixyakatej chuwij y man xiwajo' ta xixzolin-pe wik'in?

Wuj Richin ri Jeremías 35:13

Yin Jehová k'iytisanel richin ronojel, ri a-Dios, ninbij: Kabiyin y tabebij chike ri winaqi' aj-Jerusalem y chike ri aj-Judá y tabij: Rik'in ta ri kibanobal ri recabita rix kan xtinimaj ta nutzij.

Ez 2:4

Rije' kan janila kikowirisan-ki'. Jak'a re wakami rat Ezequiel, xtaya' re jun rutzijol re' chike.

Dn 9:13

Kan xpe k'a ri ruk'ayewal pa qawi' achi'el ri tz'ibatel kan chupan ri wuj richin ri pixa' ri ruya'on kan ri Moisés. Man rik'in ri' kan man at qakanon ta k'a y man qaya'on ta kan ri itzel banobel, richin ta chi yojbiyin pa ruchojmilal chawech rat.

Am 4:6

Roma re mak re' yin xinben chiwe richin xq'urul ipan roma wayjal. Chupan ronojel tinamit man xinya' ta chik wey. Man rik'in ri' man xtzolej ta pe ik'u'x wik'in. Yin Jehová ri yibin.

Wuj Richin ri Rutikeribel 19:34

Y ri ruka'n q'ij ri', ri nimalaxel xch'on rik'in ri chaq'laxel y xubij chire: Rat awetaman chi ri chi'aq'a' iwir ja yin ri xik'oje' kan rik'in ri qatata'; y wakami re aq'a' re' tiqabana' chire ri qatata' chi tuqumu' chik k'iy vino, y ja chik rat ri xkak'oje' kan rik'in, richin keri' xtik'oje' kan rijatzul qik'in, xcha'.

1 Rey 13:33

Man rik'in ri', ri Jeroboam man xuch'er ta kan ri' rik'in ri itzelej bey ri ruk'uan; xa kan xerukanoj más sacerdote chikikojol ri winaqi' richin nikiya' ruq'ij ri ki-dios pa ruwi' taq juyu'. Ri achike xrajo' rija' richin xerukusaj kan sacerdote, jari' ri xesamajin ri chiri'.

Wuj Richin Bix Chire ri Dios 51:8

Tabana' chuwe chi kan xkikikot chik. Kan ta k'a xkich'uch'u' chik chire ri q'axo'n ri aya'on chuwe.

Wuj Richin Bix Chire ri Dios 55:20

Ri wachibil xa kan xyakatej k'a chuwij, stape' junan qawech rubanon-pe. Y xa kan man xutaqej ta k'a ri rujikibel-tzij ri rubanon wik'in.

Wuj Richin ri Isaías 26:11

Rat Jehová kan atzeqen k'a ri aq'a' pa kiwi' richin naya' rutojbalil-mak chike, jak'a rije' xa man nikajo' ta k'a nikak'axaj. Tabana' utzil tak'utu' ri awajowabal pa kiwi' rije' richin xkek'ixbitej. Taya' q'ij chi ri q'aq' kan xkeruk'is ta rije', achi'el xkek'is ri e etzelanel awichin rat.

Wuj Richin ri Jeremías 3:3

Roma ri itzel taq ibanobal ri', roma ri' maneq chik job rubanon, ni ri nabey taq job, ni ri ruk'isibel taq job. Man rik'in ri' kan man xk'oje' ta juba' ik'ix, achi'el ri ixoq itzel ruk'aslen maneq ruk'ix.

Wuj Richin ri Jeremías 15:7

Xkixintaluj k'a el achi'el nutaluj ri' ri páxa y xkixink'uaj-el chupan ri ch'aqa' chik ruwach'ulew. Kan iwonojel xkixk'is roma kan man xiwajo' ta xiya' kan ri itzel k'aslen.

Wuj Richin ri Jeremías 17:23

Jak'a rije' xa man xkinimaj ta, ni man xkak'axaj ta ri rutzijol. Xa kan xkikowirisaj k'a ki' y man xkixibij ta ki' chuwech ri ruk'ayewal.

Wuj Richin ri Jeremías 44:10

Rix k'a re wakami kan man iqasan ta k'a iwi', ni man jun rukiy chiwech, ni man itaqen ta achi'el ri nikibij ronojel pixa' ri xinya' chiwe rix y chike ri iwati't-imama'.

Am 4:8

Rix yixbe-kela' yixbe-kela' ri niben richin nikanoj iya', jak'a man xiwil ta k'iy ya' richin xik'o ri chaqi'j ichi'. Man rik'in ri' man xtzolej ta pe ik'u'x wik'in. Yin Jehová ri yibin.

Am 4:9

Xinya' nimalej taq kaq'iq' pa ruwi' ri itiko'n richin xechaqi'j-qa. Xinteq k'a pe yabil richin nik'is ri i-uva y ri itiko'n ri ek'o pa qejoj. Chuqa' ri sak' xekitej ri iwíkix y ri olivo. Man rik'in ri' man xtzolej ta pe ik'u'x wik'in. Yin Jehová ri yibin.

Am 4:10

Xinteq-pe nimalej taq yabil pan iwi' achi'el ri xinya' pa kiwi' ri aj-Egipto, Xinben chi ri alaboni' xeken kan chupan ri labal. Chuqa' ri e etzelanel iwichin xkimej kan ri ikiej. Xinben chi xiseq kichuwil ri kaminaqi' ri chiri' ri akuchi ixk'o-wi-qa. Man rik'in ri' man xtzolej ta pe ik'u'x wik'in. Yin Jehová ri yibin.

Am 4:11

Xinya' jun ruk'ayewal pan iwi' achi'el xinben kik'in ri aj-Sodoma y ri aj-Gomorra. Rix kan ix achi'el jun si' k'atineq rutza'n ri elesan-el pa q'aq'. Man rik'in ri' man xtzolej ta pe ik'u'x wik'in. Yin Jehová ri yibin.