Wuj Richin ri Jeremías 5:2 - Kaqchiquel Bible

² K'o jujun nikijikiba' kitzij pa nubi' yin, jak'a xa nikibananej richin nikijikiba' kitzij, xcha'.

Wuj Richin ri Jeremías 5:2 ပူးပေါင်းရင်းမြစ်များ

Tito 1:16

Nikibij chi ketaman ruwech ri Dios, jak'a kan niq'alajin chi man qitzij ta, roma ri itzel ri nikiben. Rije' itzel yekitz'et konojel, y man yeniman ta tzij. Chuqa' man jun utz ri yetikir nikiben.

Wuj Richin ri Jeremías 4:2

Y wi rix niya' itzij pa nubi' yin rik'in qitzijri'il y ruchojmilal. Jari' toq yin xtinya' urtisanik y ruwaq'ijaj pa kiwi' ch'aqa' chik ruwach'ulew iwoma rix.

2 Timoteo 3:5

xtikibananej chi kiniman chik ri Dios, jak'a xa man xtikiya' ta q'ij chire chi nujel ri kik'aslen, winaqi' ri keri' man taya' q'ij chi ye'awachibilaj.

Os 10:4

Rije' kan xaxe k'a ri wololinik nikiben, nikibanala' jikibel-tzij ri xa man qitzij ta. Roma ri' ri xkitik-qa rije' xa kan xtibek'ulun k'a pe achi'el jun k'ayilej q'os chukojol ri boloj.

Wuj Richin ri Jeremías 7:9

Yixeleq', yixkamisan, ri e k'ulan taq winaqi' yekikanoj kachibil richin yemakun kik'in, niya' itzij y xa man qitzij ta yixch'on, niporoj pom chuwech ri Baal, ye'iya' kiq'ij dios ri xa man e iwetaman ta kiwech,

Wuj Richin ri Isaías 48:1

Tiwak'axaj k'a ri nuch'abel yin, rix israelita, rix ri ix rutzobaj kan ri Judá. Rix niya' itzij pa nubi' yin, y chuqa' ninataj ri nubi', yin ri i-Dios. Jak'a xa man qitzij ta niben, ni man niben ta pa ruchojmilal.

Wuj Richin ri Chojmirisabelri'il 19:12

Man k'a tijikiba-itzij pa nubi' ri xa man qitzij ta, roma kan nuben richin niyoq'otej ri nubi' yin, ri i-Dios. Yin Jehová ri yibin.

1 Timoteo 1:10

pa kiwi' ri achi'a' y ri ixoqi' e k'ulan chik, y nikikanola-ki' richin yemakun, ri achi'a' ri man chik yekajo' ta ixoqi' y xa kik'in chik achi'a' yek'oje-wi, ri ye'eleq'an winaqi', ri e tz'ukuy taq tzij stape' kijikiban chi qitzij, y pa kiwi' ri winaqi' ri ye'etzelan ri utz taq tijonik,

Wuj Richin ri Malaquías 3:5

Ri Jehová ri k'iytisanel richin ronojel kan xtipe richin noruq'ata-tzij pan iwi' rix. Chuqa' kan chi'anin xtuya' rutojbalil-mak pa kiwi' ri yebanon itz, pa kiwi' ri winaqi' e k'ulan yekikanoj ch'aqa' chik richin yek'oje' kik'in, pa kiwi' ri nijikiba' kitzij y xa man qitzij ta, pa kiwi' ri nikiq'ol jun kisamajel, jun malka'n, jun meba' o jun wineq ri man israelita ta, y pa kiwi' ri man nikiqasaj ta ki' chuwech ri Jehová.

Os 4:15

Wi rat Israel yamakun, kan tabana' k'a. Xa rik'in man ta nimakun ri Judá. Israel, man kixbe pa Guilgal, man kixjote-q'anej pa Bet-aven, y man tiya' itzij pan nubi' yin, Jehová.

Wuj Richin ri Jeremías 44:26

Roma ri' kan tiwak'axaj ri ruch'abel ri Jehová rix ri ixk'o pan Egipto ri ninbij yin chiwe: Kan nuya'on nutzij pa rubi' ri nimalej nubi', chi man xtinatex ta chik ri nubi' wawe' pa ruwach'ulew Egipto koma ri aj-Judá y xtikibij ta: Kan k'es ri Jehová, ri Ajaw.

Wuj Richin ri Sofonías 1:5

keri' chuqa' konojel ri nikiya' kiq'ij ri xmotza' pa ruwi' ri kachoch; chuqa' ri nikiya' nuq'ij yin rokik nikiya' ruq'ij ri ki-dios Milcom.

Wuj Richin ri Jeremías 9:2

Jebel ta ri' xa ta k'o akuchi yik'oje-wi chiri' pa tz'iran ruwach'ulew richin chi yibe nej chire ri nutinamit, roma konojel xa man ja ta ri utz xkiben chuwech ri Jehová y xa ja ri ruche'el-kij ri xkiya' kan chuwech, xicha' yin.