Wuj Richin ri Jeremías 48:9 - Kaqchiquel Bible

⁹ Kan tiyaka-q'anej jun abej retal akuchi xkemuq-wi ri iwinaq, roma xa kan xkek'is y ri itinamit kan xtiwuluwu' kan. Y man jun chik wineq ri xtik'oje' kan chiri'.

Wuj Richin ri Jeremías 48:9 ပူးပေါင်းရင်းမြစ်များ

Wuj Richin ri Jeremías 48:28

Roma ri' rix aj-Moab xtimalij kan ri iruwach'ulew y xtibewewaj k'a iwi' chuxe' nima'q taq abej, achi'el nikiben ri taq paloma, ri nikiben kisok chuchi' nima'q taq siwan.

Wuj Richin ri Isaías 16:2

Ri ixoqi' aj-Moab xa ye'animej; Kitalun-el-ki' chupan ri raqen-ya' Arnón, achi'el niban chike ri aj-xik' taq chikopi' toq ye'elesex-el pa kisokaj.

Wuj Richin Bix Chire ri Dios 11:1

Rik'in ri Jehová nukuquban-wi nuk'u'x. ¿Achike roma nibij chuwe: katanimej, kabiyin pa taq juyu' achi'el nuben jun aj-xik' chikop?

Apocalipsis 12:14

Y roma ri' ri ixoq xya'ox-el chire, juk'ulaj ruxik' kot ri janila e nima'q, richin chi nitikir napon k'a pa tz'iran ruwach'ulew, nej chire ri nimalej chikop ri' y chiri' nilix oxi' juna' rik'in nik'aj.

Wuj Richin ri Sofonías 2:9

Roma ri' yin Jehová, ri in k'iytisanel richin ronojel, ninya' nutzij chi ri ruwach'ulew Moab xtiberuk'uluwachij achi'el ri Sodoma, y ri Amón achi'el ri Gomorra. Xtibe'ok kan juyu' richin k'ix y ulew richin atz'an. Kan xtitole' k'a kan richin q'asen. Jak'a ri xkekolotej kan chike ri nutinamit yin, xtikichinaj kan ronojel ri k'o rejqalen, y xtok kan kichin rije' richin q'asen.

Wuj Richin ri Jeremías 46:19

Rix winaqi' richin re ruwach'ulew Egipto, kan tichojmirisaj k'a iwi' richin rix yixtalutej-el, roma ri tinamit Menfis kan xtok kan jun tz'iran, kan xtiwuluwu' y man jun chik xtibek'oje' chiri'.

Wuj Richin Bix Chire ri Dios 55:6

Roma ri' xinch'ob chi k'ate' ta k'o nuxik', achi'el ruxik' ri ti paloma, richin ta chi yibe nej y yinuxlan ta.

Wuj Richin ri Jeremías 44:22

Jak'a ri Jehová man nukoch' ta chik ri itzel taq ibanobal ri ye'ibanala'. Roma ri' ri qaruwach'ulew wakami k'o pa wululen y man jun k'o chiri'. Kan xok k'a jun k'ambel-tzij richin qajineq itzel pa ruwi', y wakami kan nak'en rukiy toq natz'et.