Wuj Richin ri Jeremías 48:3 - Kaqchiquel Bible

³ Chiri' pa tinamit Horonaim xtak'axatej raqoj-chi'ij y xa wululen y ruk'ayewal ri xtik'oje' chiri'.

Wuj Richin ri Jeremías 48:3 ပူးပေါင်းရင်းမြစ်များ

Wuj Richin ri Isaías 15:5

Toq'ex iwech rix aj-Moab, roma konojel xke'animej-el, y xkebe k'a pa tinamit Sóar y k'a pan Eglat-selisiya. Rije' chi'anin xke'animej-el, achi'el nikiben ri taq wákix ri k'o oxi' kijuna'. Ri winaqi' kan xke'oq' xkejote-el pa tinamit Luhit, y kan janila xkesik'in roma bis xkebe chupan ri bey richin ri tinamit Horonaim.

Wuj Richin ri Jeremías 48:34

Ri raqoj-chi'ij richin ri tinamit Hesbón xtak'axatej k'a chupan ri tinamit Elalé y ri Jahas. Xtitiker-pe pa tinamit Sóar y xtapon k'a pa tinamit Horonaim y ri Eglat-selisiya. Chuqa' ri ti raqen-ya' Nimrim xa xtichaqi'j-qa.

Wuj Richin ri Jeremías 48:5

Kan xtibiyin ri ruya'al runaq' taq iwech toq xkixjote-el pa tinamit Luhit y chiri' pa ruwaxulan chire ri tinamit Horonaim, ri e etzelanel iwichin xtikak'axaj ri iraqoj-chi'ij roma ri ruk'ayewal.

Wuj Richin ri Jeremías 47:2

Kere' nubij ri Jehová: Kere' pa xaman e peteneq jun nimalej tzobaj winaqi', achi'el jun nimalej raqen-ya'. Y re raqen-ya' re' kan nibulbu'x y xtumuq ri iruwach'ulew, ri itinamit y konojel ri ixk'o chuwech. Y chi'iwonojel rix kan xkixsik'in roma q'axo'n.

Wuj Richin ri Isaías 22:4

Roma ri' xinbij: Tijech'ej-el-iwi' wik'in, roma ninwajo' yinoq' rik'in janila bis. Man ninwajo' ta richin nikuqubala' nuk'u'x roma re jun ruk'ayewal ri xtuq'axaj ri nutinamit, xkicha'.

Wuj Richin ri Isaías 15:8

Ri raqoj-chi'ij kichin ri winaqi' ri' xtapon k'a pa ruk'ulba't ri ruwach'ulew Moab. Ri koq'ej xtapon k'a pa tinamit Eglaim y pa Beer-elim.

Wuj Richin ri Isaías 15:2

Ri winaqi' aj-Dibón xkejote-el pa ruwi' ri juyu' richin xkebe'oq'. Konojel xkebe chupan ri rachoch ri ki-dios richin xkejiq'ijo'x, toq xkek'is ri tinamit Nebo y ri Medebá. Konojel rije' kan xtikisokaj k'a ri rusumal-kiwi' y ri rusumal-kichi' roma bis.

Wuj Richin ri Jeremías 20:16

Re ya'ol rutzijol re' kan ta xtiban rik'in achi'el xbanatej kik'in ri nima'q taq tinamit ri kan jumul xeruk'is ri Jehová ri ojer kan. Nimaq'a' yan nrak'axaj ta raqoj-chi'ij kichin ri e etzelanel richin y ri pa nik'aj-q'ij nrak'axaj ta ri raqoj-chi'ij richin ri labal ri nibanatej.

Wuj Richin ri Jeremías 48:4

Ri iruwach'ulew rix aj-Moab xtik'oje' pa wululen y ri raqoj-chi'ij kichin ri taq iwalk'ual xtapon xabakuchi.

Wuj Richin ri Jeremías 51:54

Xtak'axatej k'a raqoj-chi'ij ri xtikiben ri aj-Babilonia y ri nimalej wululen ri k'o pa kiruwach'ulew.