Wuj Richin ri Jeremías 48:2 - Kaqchiquel Bible

² Ri iruwaq'ijaj rix aj-Moab xa xtik'is, roma chiri' pa tinamit Hesbón ri e etzelanel iwichin nikich'ob richin yixkik'is. Chuqa' rix ri aj-Madmén kan xkixkik'is y ri labal man jun bey xkixruya' kan.

Wuj Richin ri Jeremías 48:2 ပူးပေါင်းရင်းမြစ်များ

Wuj Richin ri Jeremías 31:36

Yin ninjikiba' chi rokik niyaloj ronojel re', kan jantape' k'a xkek'oje' ri rijatzul kan ri Israel, kan jantape' xke'ok nutinamit yin. Yin Jehová ri yibin.

Wuj Richin ri Isaías 16:14

Jak'a re wakami, ri Jehová nubij chi chupan-apo oxi' juna', ri runimirinen ri Moab kan xtiqasex ruwi'. Y stape' janila chi winaqi' ri ek'o chiri', xa kan e juba' ok ri xkek'oje' kan. Y ri xkek'oje' kan xa kan xtik'is ri kuchuq'a'. Y ri q'ij richin xtibanatej re' kan ja yan re wakami xtajlex-el, achi'el nrajlaj ruq'ij jun achin ri nisamej chi q'ij.

Wuj Richin ri Q'axanri'il 32:37

Ri tzobaj richin kan ri Rubén xkichojmirisaj chik q'anej ri tinamit Hesbón, ri Elalé, ri Quiriataim y

Wuj Richin ri Jeremías 49:3

¡Wakami k'a rix aj-Hesbón xtiwoq'ej ri itinamit Ai, roma xa xtich'akatej! Chuqa' rix ixoqi' aj-Rabá kan xkixoq' k'a. Xtikusaj k'a tzieq richin bis y xtibajila' k'a ruwa-ik'u'x. Xkixanin, achi'el nikiben ri ch'uja' y xtisokola' k'a iwi', roma ri i-dios Milcom xtibe pa ximonri'il, e rachibilan ri e ru-sacerdote y ri e aj-raqen.

Wuj Richin ri Jeremías 48:45

Rix ri ix yakatajineq chuwij, ri ix uk'uan-el, xkixapon pa tinamit Hesbón, ri rutinamit kan ri rey Sihón, roma xke'el-pe ri e etzelanel iwichin chiri' achi'el ruxaq q'aq'. Y ri q'aq' ri' xkeruk'et ri taq juyu' richin ri iruwach'ulew Moab.

Wuj Richin ri Jeremías 48:42

Ri iwajawaren kan xtich'akatej, roma kan xixyakatej chuwij yin Jehová.

Wuj Richin ri Jeremías 48:17

Chuqa' xtinbij chike ri tinamit ri ek'o-pe chi'inaqaj richin rije' xkebison chiwij, roma rije' ketaman ri jebelej itzijol rix. Rije' xke'oq' y xtikibij: ¡Titz'eta', kan xk'is k'a ri kiq'atbal-tzij rije', stape' janila kuchuq'a', xkecha'.

Wuj Richin ri Jeremías 46:28

Man tik'en rukiy rix ri ix rijatzul kan ri Jacob roma yin ink'o iwik'in. Stape' xkenk'is k'a konojel tzobaj winaqi' ri akuchi xixintaluj-wi-el, jak'a rix man xkixink'is ta. Xaxe k'a xtinya' jun xik'a'y chiwe richin yixchojmir, ri kan ruk'amon, roma kan man xkixinya' ta kan choj keri'. Yin Jehová ri yibin, xcha' ri Dios.

Wuj Richin ri Jeremías 33:24

¿Man awetaman ta k'a chi ri winaqi' nikibij chi ri Israel y ri Judá xerucha' ri Jehová, jak'a wakami man xerajo' ta chik?, yecha'. Roma ri' kan xkiben chike ri nutinamit richin maneq kejqalen y man e jun ruwach'ulew ta.

Wuj Richin ri Jeremías 25:17

K'ari' chupan ri achik' ri', yin xink'en-apo ri qumbel ri richin ruk'ayewal chiruq'a' ri Jehová y xinya' pa kiwi' konojel tzobaj winaqi' ri achoq kik'in xiruteq-wi richin xtiqaqa pa kiwi'.

Wuj Richin ri Jeremías 25:15

Ri Jehová xch'on wik'in pa jun achik' y xubij chuwe: Tatz'eta' re qumbel re' nojineq rik'in vino y re vino re' kan jari' ri woyowal. Tak'ama-pe y taya' chike konojel ri tzobaj winaqi' ri achoq kik'in xkatinteq-wi yin, richin nikiqum.

Wuj Richin ri Isaías 25:10

Roma ri Jehová kan xtrurtisaj re juyu' re', jak'a ri Moab xa xtipalibex chi'aqen, achi'el toq nipalibex ri páxa ri ya'on pa kiwi' ri nikipamaj ri chikopi'.

Wuj Richin ri Isaías 15:5

Toq'ex iwech rix aj-Moab, roma konojel xke'animej-el, y xkebe k'a pa tinamit Sóar y k'a pan Eglat-selisiya. Rije' chi'anin xke'animej-el, achi'el nikiben ri taq wákix ri k'o oxi' kijuna'. Ri winaqi' kan xke'oq' xkejote-el pa tinamit Luhit, y kan janila xkesik'in roma bis xkebe chupan ri bey richin ri tinamit Horonaim.

Wuj Richin ri Isaías 15:1

Ri Dios xuq'alajirisaj chinuwech ri xtiberuk'uluwachij ri ruwach'ulew Moab. Y jare' ri rutzijol: Ri tinamit Ar kan xtik'is k'a chupan jun aq'a'. Keri' chuqa' ri tinamit Quir.

Wuj Richin ri Jeremías 49:37

Xtinben chiwe richin kan xkixbaybot chikiwech ri e etzelanel iwichin y kan xtinteq-pe ruk'ayewal pan iwi'. Kan xtinwisq'opej ri woyowal pan iwi' rix y kan xtinteq-pe labal chiwij k'a toq xkixk'is na jumul.