Wuj Richin ri Jeremías 41:1 - Kaqchiquel Bible

¹ Jak'a chupan ri ik' wuqu', ri Ismael ruk'ajol ri Netanías y rumam ri Elisamá, jun chike ri rijatzul kan ri David, e rachibilan e lajuj aj-labal, xe'apon rik'in ri Guedalías chiri' pa Mispá y xewa' rik'in. Y rokik k'a yewa',

Wuj Richin ri Jeremías 41:1 ပူးပေါင်းရင်းမြစ်များ

Wuj Richin ri Jeremías 40:8

jari' toq xebe rik'in rija' pa Mispá. Y ri xe'apon rik'in ri Guedalías ja ri Ismael ruk'ajol ri Netanías, ri Johanán y ri Jonatán e ruk'ajol ri Caréah, ri Seraías ruk'ajol ri Tanhúmet, ri e ruk'ajol ri Efai ri aj-Netofá y ri Jezanías ruk'ajol jun achin aj-Maacat. Xe'apon k'a konojel rije' y ri e aj-labal.

Wuj Richin ri Jeremías 40:6

K'ari' yin xipe rik'in ri Guedalías chiri' pa Mispá y xik'oje' k'a kik'in ri winaqi' aj-Judá ri man xe'uk'uex ta el pa Babilonia.

Wuj Richin Bix Chire ri Dios 41:9

Jajun ri wachibil ri achoq ik'in nukuquban-wi nuk'u'x, y chuqa' kan wik'in yin nutej-wi ruway, kan xyakatej chuwij.

San Juan 13:18

Kan ninbij k'a chi man chi'iwonojel ta keri' xtiben, roma yin kan wetaman iwech chi'iwonojel ri xixincha'. Y chuqa' ri tz'ibatel kan, k'o k'a chi nibanatej na, roma nubij: Jajun ri wachibil ri kan nutej ruway wik'in, kan xyakatej chuwij, nicha'.*f18*

Ez 17:13

Xeri' xpe chik jun bey ri rey richin Babilonia y xuchop jun chike ri rijatzul kan ri rey y xuben k'a jun jikibel-tzij rik'in, richin nuq'et-tzij ri chiri'. K'ari' rija' xeruk'uaj-el ri ch'aqa' chik winaqi' ri k'o más kejqalen,

Wuj Richin ri Jeremías 36:20

Ri achi'a' ri' xkiya' kan ri boton wuj pa rachoch ri Elisamá ri tz'ibanel, k'ari' xe'ok k'a apo chuwa-jay akuchi k'o-wi ri rey y xkibij chire ronojel ri nubij ri wuj ri'.

Wuj Richin ri Jeremías 36:12

Jari' toq ri Micaías xbe pa rachoch ri rey akuchi k'o-wi ri rachoch ri aj-tz'ib, akuchi kimolon-wi-ki' konojel ri achi'a' ri k'o kiq'ij: Ri Elisamá ri aj-tz'ib, ri Delaías ruk'ajol ri Semaías, ri Elnatán ruk'ajol ri Acbor, ri Sedequías ruk'ajol ri Hananías y ch'aqa' chik achi'a'.

Wuj Richin Etamabel-Tzij 27:4

Kan poqon k'a ri rubanobal ri wineq ri tikil oyowal pa ránima y maneq joyowanik chuwech; jak'a ri etzelanik richin jun wineq; chirij jun chik ri utz k'o, xa más man koch'el ta.

Wuj Richin Etamabel-Tzij 13:10

Ri nimirisanenri'il, jari' ri nibanon chi k'o oyowal, jak'a kik'in ri kan nikak'axaj ri pixabanik, kan k'o na'oj.

Wuj Richin Bix Chire ri Dios 109:5

Ja ri itzel nikiben chuwe, pa ruk'exel ri utzil ri ninben chike. Nich'upun k'a kik'u'x chuwij pa ruk'exel ri ajowabel ri ninya' chike.

2 Crón 22:10

Toq ri Atalía, ri rute' ri Ocozías, xrak'axaj chi ri ral xken, jari' toq xuchop yerukamisaj ri e rijatzul kan ri Ocozías.

2 Rey 11:1

Toq ri Atalía ri rute' kan ri Ocozías xutz'et chi xken ri ral, jari' toq xyakatej chikij ri aj pa rachoch kan ri Ocozías, y kan xeruk'is konojel.

2 Sam 3:27

Y toq ri Abner xapon chik pan Hebrón, jari' toq ri Joab xuk'uaj-el chuchi' ri tinamit richin nitzijon rik'in pa ruyonil. Jari' toq xuchuq'ij chirupan. Y ri Abner xken kan chiri'. Y keri' ri Joab xuben ruk'exel chire roma xukamisaj ri Asael ri rach'alal.

Wuj Richin ri Jeremías 39:14

xkiteq welesaxik chiri' chuwa-jay ri akuchi k'o-wi ri cárcel, k'ari' xinkijech kan chire ri Guedalías ruk'ajol ri Ahicam, rumam ri Safán, richin yiruk'uaj-el pa wachoch. Y keri' xik'oje' chikikojol ri nuwinaq.

Wuj Richin ri Jeremías 40:5

Jak'a toq xinpiskolij-wi' richin yibe, rija' xubij chik chuwe: Wi más niqa' chawech yakanej kan, más utz katzolin rik'in ri Guedalías ri ruk'ajol ri Ahicam y rumam ri Safán, roma ri rey richin Babilonia xuya' kan richin nuq'et-tzij pa kiwi' ri tinamit richin Judá. Y roma ri' kak'oje' kan rik'in rija' y kik'in ri awinaq. Kabiyin akuchi ri más niqa' chawech rat, xcha'. Xeri' ri Nebuzaradán xuya-el sipanik chuwe y ri nik'atzin chuwe y xuya-el q'ij richin xibe.

Wuj Richin ri Jeremías 40:13

Y ri Johanán ruk'ajol ri Caréah y konojel ri aj-raqen pa kiwi' ri aj-labal ri e kitalun-ki' pa k'echelaj, xepe rik'in ri Guedalías chiri' pa Mispá.

2 Rey 25:22

Y ri Nabucodonosor xuya' kan ri Guedalías richin xok q'atoy-tzij pa ruwi' ri ruwach'ulew Judá. Y rija' ruk'ajol ri Ahicam y rumam ri Safán.

Wuj Richin ri Jeremías 40:7

Toq ri aj-raqen kichin ri achi'a' ri kitalun-ki' pa k'echelaj xkak'axaj chi ri rey richin Babilonia xuya' kan ri Guedalías pa ruwi' ri ruwach'ulew richin nuq'et-tzij y chuqa' xujech kan pa ruq'a' rija' konojel winaqi' y ri winaqi' ri man jun ok k'o kik'in ri ek'o chiri', ri man xe'uk'uex ta el pa Babilonia,