Wuj Richin ri Jeremías 40:9 - Kaqchiquel Bible

⁹ K'ari' ri Guedalías xuya' rutzij chike rije' y xubij: Man tixibij-iwi' richin ye'iwilij ri aj-Babilonia. Kixk'ase' k'a wawe' chupan re qaruwach'ulew y tisamajij ri rey richin Babilonia richin utz xkixbe.

Wuj Richin ri Jeremías 40:9 ပူးပေါင်းရင်းမြစ်များ

Wuj Richin ri Jeremías 27:11

Jak'a ri tzobaj winaqi' ri yek'oje' chuxe' rutzij rija', yin xtinya' q'ij chike richin yek'oje' chupan ri kiruwach'ulew richin chi yek'ase' chiri' y nikiben-qa kitiko'n, xcha' ri Jehová.

Wuj Richin Bix Chire ri Dios 128:2

Kan ja ri ruwech ri atiko'n ri xtatej; xkakikot k'a y kan utz xtel ronojel chawech.

Wuj Richin Bix Chire ri Dios 37:3

Takuquba' ak'u'x rik'in ri Jehová, y tabana' ri utz. Man tamalij kan y xk'ase' chupan ri ruwach'ulew.

Wuj Richin ri Rutikeribel 49:15

Y toq xutz'et chi kan utz ri ruwach'ulew ri richin uxlanen, y toq xutz'et chi ri ulew ri' kan janila jebel, xa ruyon xluke-qa richin nuk'uaj ri ejqa'n, kan ruyon xuya-apo-ri' richin chi nisamej-nipatanin, xcha'.

Wuj Richin ri K'uxla'anik 1:1

Ri nimalej tinamit ri xek'oje' e k'iy ruwinaq ojer kan, wakami xa xuyonij kan. Ri tinamit ri kan nim rubanon chikikojol ri ch'aqa' chik ruwach'ulew, wakami xa xok kan achi'el jun malka'n ixoq. Ri ojer kan ri tinamit ri' ja rija' ri reina pa kiwi' ri ch'aqa' chik ruwach'ulew; jak'a re wakami xa xxime' pa samaj.

Wuj Richin ri K'uxla'anik 5:9

Chuwi-kamik k'a niqakanoj ri k'atzinel richin niqatej, koma ri e etzelanel qichin ri yepe pa tz'iran ruwach'ulew.