Wuj Richin ri Jeremías 4:8 - Kaqchiquel Bible

⁸ Roma ri' tikusaj k'a tzieq richin bis. Kixoq' y kixjilon roma ri q'axo'n, roma ri Jehová man relesan ta ri nimalej royowal chiqij.

Wuj Richin ri Jeremías 4:8 ပူးပေါင်းရင်းမြစ်များ

Wuj Richin ri Jeremías 6:26

K'ari' ri Dios xubij chike: Rix ri yixinwajo', tikusaj k'a itziaq richin bis retal richin k'o q'axo'n. Tibolqotila-iwi' pa chaj y kixk'oje' k'a pa bis achi'el toq yixbison chirij jun iwalk'ual ri kan xe'ok rija' y xken-el. Kixoq' k'a roma re jun bis re' kan janila nim, roma kan xtipe yan ri xtik'ison iwichin.

Wuj Richin ri Isaías 22:12

Chupan ri q'ij ri' ri Jehová k'iytisanel richin ronojel xkixroyoj rix richin xkixoq', y richin xkixk'oje' pa bis. K'o chi xtik'uq-el ri rusumal-iwi', y xtikusaj-el tzieq richin bis.

Wuj Richin ri Isaías 32:11

Rix ri kan man jun nimey, kan kixbaybot, rix ri kan ikuquban ik'u'x, kan kixruyikikej xibinri'il. Kan tiwelesaj k'a ri itziaq ri ikusan, y kan tikusaj tzieq richin bis.

Wuj Richin ri Isaías 10:4

Kan man jun xtik'oje' kan iwik'in, xaxe xtiqasaj-iwi' chikiwech ri xkixuk'uan-el pa ximonri'il, ó xa xkixkamisex kan. Y man rik'in ri' man ik'owineq ta qa ri royowal ri Jehová. Xa kan k'a ruya'on na q'ij richin yek'is konojel.

Wuj Richin ri Isaías 5:25

Roma k'a re banobel re' xyakatej janila royowal ri Jehová chiwij. Y roma ri' kan xtutzeqej k'a ri ruq'a' chiwij richin nuya' ri rutojbalil pan iwi'. Ri juyu' kan xkesilon k'a, y ri kich'akul ri qawinaq ri xkeken, kan xkepunupuxin pa taq bey; xa kan achi'el k'a q'ayis xtikiben. Man rik'in ri' ri royowal ri Jehová man jani tiq'ax, roma ri royowal rija' xa kan k'o k'a pan iwi'.

Am 8:10

Chuqa' xtinben chi ri nimaq'ij xa xtibe'ok richin oq'ej roma ri kaminaqi', Chuqa' ri bix xaxe chik richin q'axo'n. Xtinben chiwe chi xtikusaj itziaq richin bis y kan xtisokaj-el ri rusumal-iwi' richin retal q'axo'n. Xkixoq' k'a achi'el toq noq'ex jun juney ak'ual toq niken. Y kan ronojel xtik'is rik'in q'axo'n.

Ez 30:2

Rat Ezequiel, taq'alajirisaj re jun rutzijol re' y tabij chi kere' ninbij yin: Kan xkixsik'in k'a, toq xtapon ri q'ij ri'.

Ez 21:12

Y rat Ezequiel, kasik'in k'a chi oq'ej rik'in janila bis, roma re espada re' kan k'o chik pa kiwi' ri awinaq. Chuqa' richin xkerukamisaj konojel ri e q'atoy taq tzij ri ek'o pa Judá. Y junan k'a xkeken kik'in ri ch'aqa' chik winaqi'. Roma ri' takajila' k'a ruwa-ak'u'x roma bis.

Wuj Richin ri Jeremías 48:20

Y rije' xtikibij: Ri ruwach'ulew Moab xwulatej yan; xqasex ruq'ij y kan janila ruxibin-ri'. Kan kixoq' kik'in y kan tiraqa' ichi' roma ri qaq'axo'n. Tiya' rutzijol chiri' pa raqen-ya' Arnón chi ri ruwach'ulew Moab kan xk'is yan, xkecha' chiwe.

Wuj Richin ri Jeremías 30:24

Ri janila woyowal man xtik'is ta qa choj keri', k'a ja toq xtibanatej ri nuch'obon yin. Y xtapon k'a jun q'ij k'ari' xtiq'ax chiwech rix.

Wuj Richin ri Isaías 13:6

Kixsik'in k'a roma bis pa kiwi' ri aj-Babilonia, roma ri q'ij richin nuq'et-tzij ri Jehová kan xtipe-wi. Kan xtipe ri Dios ri k'o ronojel uchuq'a' pa ruq'a' richin nutoloba' kan chijun ri kiruwach'ulew.

Wuj Richin ri Isaías 9:21

Ri israelita ri ek'o pa xaman xtikiben-qa oyowal chikiwech rije', y k'ari' rije' xke'ok chirij ri qaruwach'ulew Judá. Y man rik'in ri' man ik'owineq ta qa ri royowal ri Jehová. Xa kan k'a ruya'on na q'ij richin yek'is konojel.

Wuj Richin ri Isaías 9:17

Xa roma ri' ri Jehová kan man xtujoyowaj ta kiwech; ri alaboni', ri meba'i' y ri malkani'. Roma konojel rije' xa xkimalij kan ri Dios, y kan janila e itzel. Konojel xaxe yoq'onik ri k'o pa kichi'. Y man rik'in ri' man ik'owineq ta qa ri royowal ri Jehová. Xa kan k'a ruya'on na q'ij richin yek'is konojel.

Wuj Richin ri Isaías 9:12

Ri pa relebel-q'ij xkepe ri aj-Siria, y ri pa qajbel-q'ij ja ri aj-Filistea. Y rije' kan xkekitej chi rex ri israelita. Y man rik'in ri' man ik'owineq ta qa ri royowal ri Jehová. Xa kan k'a ruya'on na q'ij richin yek'is konojel.

Wuj Richin Bix Chire ri Dios 78:49

Xuya' pa kiwi' rije' ri rukiy ri royowal, kan janila k'a ruk'ayewal ri xuya' pa kiwi'; jalajoj k'a ruwech ruk'ayewal ri xuteq-pe.

Wuj Richin ri Q'axanri'il 25:4

K'ari' ri Jehová xubij chire ri Moisés: Ke'amolo' konojel ri e aj-raqen ri ek'o pa kiwi' ri awinaq y ke'akamisaj chinuwech yin Jehová y kan paq'ij k'a toq xke'akamisaj. Richin keri' ri woyowal ri yakatajineq chiwij xtik'is-el, xcha'.

Wuj Richin ri K'uxla'anik 1:12

Y rix ri janipe' yixq'ax chupan ri bey, kixpa'e' y titz'eta'. Tich'obo-qa wi k'o ta chik jun q'axo'n, achi'el re q'axo'n re qajineq pa qawi' roj. Ri Jehová kan xuya' k'a pe re tijoj-poqonal re' pa qawi' toq xyakatej janila royowal chiqij.

Joel 1:13

Tikusaj itziaq richin bis rix sacerdote; tiraqa' ichi' roma bis rix ri ix richin ri qa-Dios. Kixbison chi junaq'a' rix ri yixsamej rik'in ri porobel, roma pa rachoch ri qa-Dios maneq chik sipanik napon; achi'el ri vino y ri jalajoj ruwech ixin.

Wuj Richin ri Jeremías 25:34

¡Kixjilon rix yuq'unela' y kixsik'in roma q'axo'n! roma xapon ri q'ij richin rix kan xkixkamisex achi'el niban chike ri karne'l jebel e ti'oj. Roma ri' tibolqotila-iwi' pan ulew richin nik'ut ri bis.

Wuj Richin ri Miqueas 1:16

Y ri winaqi' aj-Judá xtikisokaj-el ri rusumal-kiwi' richin nikik'ut chi yebison. Xtikijos-el ri rusumal-kiwi', y xketz'anatz'o' kan achi'el ri k'uch. Y ri kalk'ual rije' ri janila yekajo' xa kan xke'uk'uex-el pa ximonri'il.