Wuj Richin ri Jeremías 4:7 - Kaqchiquel Bible

⁷ Ri nik'ison kichin ri tzobaj winaqi' ruchapon chik pe bey, achi'el jun koj ri xel yan pe pa rusok. Y rija' noruk'isa' ri iruwach'ulew richin chi nuben kan tz'iran chire y richin nuwulaj kan ronojel.

Wuj Richin ri Jeremías 4:7 ပူးပေါင်းရင်းမြစ်များ

Wuj Richin ri Jeremías 5:6

Roma ri' ri koj ri k'o pa k'echelaj kan xkerukamisaj, ri utiwa' ri ek'o pa tz'iran ruwach'ulew kan xkekiwech', ri balma xtuchop ri' kik'in chiri' chunaqaj ri kitinamit y kan xkeruk'ajij toq xke'el-pe, roma janila k'iy mak e kibanalon y janila k'iy q'oloj ri xekibanala'.

Wuj Richin ri Jeremías 2:15

Ri koj xkireq kichi' chirij, xeq'ajan chirij y xkiben chire ri ruwach'ulew chi man jun chik xk'oje' kan. Kan xkiwulaj k'a ri itinamit, xkiporoj kan y man jun chik wineq ri xk'oje' kan chupan.

Wuj Richin ri Isaías 6:11

Y yin xink'utuj chire ri janipe' q'ij xtiyaloj re ruk'ayewal re'. Y rija' xubij chuwe: K'a ja toq ri tinamit xtitole' kan, y kan man jun chik kajaw: K'a ja toq man jun chik wineq chupan ri taq jay, y toq ri ruwach'ulew richin tiko'n xtok kan tz'iran:

Wuj Richin ri Isaías 1:7

Ri iruwach'ulew xa kan man jun chik k'o chuwech; y konojel ri itinamit kan xeporox. ri e etzelanel iwichin kan chiwech rix nikitej-el ri itiko'n ri ibanon-qa, y kan nimalin kan achi'el toq nikiwulaj kan ri man e aj wawe' ta.

Dn 7:4

Ri rubanik ri nabey chikop kan achi'el k'a jun koj. Ek'o k'a ruxik' achi'el ri ruxik' ri kot. Yin kan nutzuliben k'a ri chikop ri' y xintz'et k'a chi ri ruxik' xa xetz'oq-el. Y xban k'a chire ri chikop ri' chi xpa'e' pan ulew pa ruwi' ri raqen achi'el nipa'e' jun wineq, y kan xban k'a chire chi ri ruch'obonik kan xok ruch'obonik wineq.

Wuj Richin ri Jeremías 50:17

Rix winaqi' israelita ri italun-iwi' achi'el karne'l ri e sachineq y e tzeqeliben koma koj. Ri nabey koj ja ri rey richin Asiria, ri xixrutej rix. K'ari' xpe ri Nabucodonosor rey richin Babilonia y xupaq'aq'ej ri ibaqil.

Wuj Richin ri Jeremías 25:9

roma ri' yin xtinteq koyoxik konojel tzobaj taq winaqi' ri ek'o pa xaman y ri nusamajel Nabucodonosor rey richin Babilonia, richin yepe y nokichapa' chi oyowal re jun ruwach'ulew re' y konojel ri ek'o chupan y konojel tzobaj winaqi' ri ek'o chunaqaj. Kan xkenk'is k'a jumul xtinben chi xkeyojobex, xkek'ixbitej. Y iwoma rix ri ch'aqa' chik winaqi' xtisach kik'u'x.

Wuj Richin ri Jeremías 49:19

Yin Jehová ri yibin. Xkipe k'a chiwij rix richin yixinwoqotaj, achi'el nuben jun koj ri nel-pe pa taq q'ayis richin ri raqen-ya' Jordán toq nibe pa jun soq'olbel richin yeroqotaj ch'aqa' chik chikopi'. Y ri iyuq'unela' man xketikir ta chuwij. Y chiri' xtinben chiwe chi xkixanimej-el chupan ri iruwach'ulew. Rix man iwetaman ta achike xtinteq-el richin yixroqotaj-el y ja yin ri'.

Wuj Richin ri Jeremías 34:22

roma kan xtinben k'a chike chi xkepe chirij re tinamit re'. Xkixkichop chik chi oyowal, xke'ok chupan ri itinamit y xtikiporoj kan. Chuqa' xtinben k'a chike ri ch'aqa' chik tinamit richin Judá chi kan man jun xtik'oje' kan chupan y kan xtitole' kan, xcha' ri Jehová chuwe.

Wuj Richin ri Jeremías 33:10

Yin Jehová kere' ninbij: Rix nibij chi chupan re tinamit re' kan man jun chik wineq k'o, ni chikop. Pa taq tinamit richin Judá y pa taq bey richin Jerusalem xa kan tolan chik.

Wuj Richin ri Jeremías 26:9

¿Achike roma yatikir nabij pa rubi' ri Jehová chi ri rachoch re k'o wawe' kan nuben chire achi'el ri rachoch ri k'o pa Siló ri ojer kan y chi ri qatinamit xtik'is y kan man jun chik xtik'oje' kan chupan?, xecha' chuwe. Y konojel k'a ri winaqi' richin ri tinamit xkimol-apo-ki' chuwij chiri' chupan ri rachoch ri Dios.

Wuj Richin ri Jeremías 25:38

Xel k'a pe achi'el jun koj ri nel-pe chupan ri rujul y roma ri nimalej royowal, ri ruwach'ulew kan xtik'is y kan xtok kan tz'iran. Chuqa' xtuteq-pe jun nimalej ruk'ayewal richin chi ri winaqi' kan xkekamisex k'a chi espada.

Wuj Richin ri Isaías 5:9

Ri Jehová k'iytisanel richin ronojel kan xubij k'a chuwe chi ri jay ri' kan xketole' k'a kan rupan. Stape' e nima'q y kan jebel kibanik, jak'a xa kan xkemalin kan.

2 Rey 24:1

Chirij re' ri Nabucodonosor, rey richin Babilonia, xok chupan ri ruwach'ulew Judá, y ri Joaquim kan xk'oje' k'a chuxe' rutzij ri Nabucodonosor. Jak'a toq xtz'aqet oxi' juna', ri Joaquim xa xujel ri ruch'obonik y xyakatej chirij.

Dn 5:19

Roma ri nimirinen ri xya'ox chire roma ri Dios, ri winaqi' richin chijun ruwach'ulew, kan xkik'en rukiy y xkiya' ruq'ij. Rija' kan xuben k'a ronojel ri xqa' chuwech: Xerukamisaj ri xrajo' y xuya' q'ij chi yek'ase' ri xrajo'; ch'aqa' xeruya' pa jotol y ch'aqa' xuqasaj kiq'ij.

Wuj Richin ri Jeremías 50:44

Ri e etzelanel iwichin chaq k'ate' k'a xkepe achi'el nuben jun koj ri nel-pe pa taq q'ayis richin ri raqen-ya' Jordán. Y rix aj-Babilonia kan ix talutajineq achi'el nikitaluj-ki' ri karne'l ri e tzeqeliben roma ri koj chupan ri soq'olbel. Chuqa' xtinben chi ri xtiq'aton-tzij chiri' ja ri wineq ri xtincha' yin, roma man jun chik xtitikir xtujunamaj-ri' wik'in yin. Y wi yin xkipe achi'el nuben jun koj richin yixintaluj rix, ¿achike ta k'a yuq'unel ri nitikir nupaba-ri' chinuwech?

Wuj Richin ri Jeremías 27:8

Jak'a ri tzobaj winaqi' ri man nikajo' ta nikilij ri Nabucodonosor, rey richin Babilonia y ri man nikajo' ta yek'oje' chuxe' rutzij rija', yin kan xtinya' rutojbalil pa kiwi' k'a ja toq xkek'is na. Konojel k'a xkenkamisaj rik'in espada, xkeken rik'in wayjal y xkeken rik'in nima-yabil. Yin Jehová ri yibin.

Wuj Richin ri Jeremías 9:11

Y ri Dios xubij chi xtiberubana' chire ri tinamit Jerusalem chi xtipe jun wululen pa ruwi'. Chuqa' xtuben chire chi xtok kijul ri chikopi' achi'el utiwa'. Y chike ri ch'aqa' chik tinamit richin ri Judá xtuben richin xke'ok tz'iran taq ruwach'ulew y kan man jun chik wineq ri xtik'oje' chiri'.

2 Rey 25:1

Chupan ri juna' beleje' richin ri q'atbel-tzij richin ri rey Sedequías, chupan ri lajuj q'ij richin ri ik' lajuj, jari' toq ri Nabucodonosor rey richin Babilonia xyakatej chik pe chikij ri aj-Jerusalem, e rachibilan-pe konojel aj-labal. Y rije' xkisutij-rij ri tinamit. Xek'oje-qa chiri' chirij ri tinamit y xekibanala-q'anej tz'aq richin nikito-ki'.

Wuj Richin ri Jeremías 4:29

Konojel ri winaqi' richin ri ruwach'ulew ye'animej chuwech ri raqoj-chi'ij kichin ri achi'a' e beneq chirij kiej y chikiwech ri achi'a' ch'abnela'. Ri winaqi' ri' nibekewaj-ki' pa taq q'ayis ri janila q'equ'm rupan y yejote-q'anej pa ruwi' nima'q taq abej. Konojel k'a ri tinamit kan xetole' kan y kan man jun chik xk'ase' kan chiri'.

Wuj Richin ri Jeremías 22:7

Kan xkenteq k'a winaqi' richin nikik'is ri jay ri' y chikijujunal xkepe rik'in kikamisabal y kan xkekichoy kan ri tem ri banon rik'in tiox-che', richin xkekiya' pa q'aq'.

Wuj Richin ri Jeremías 44:2

Kere' ninbij yin Jehová k'iytisanel richin ronojel, ri i-Dios: Rix kan xitz'et ronojel ri ruk'ayewal ri xinteq-pe pa ruwi' ri Jerusalem y pa kiwi' konojel tinamit richin Judá. Y roma ri', re wakami kan man jun chik wineq k'o chiri' y kan xwuluwu' kan jumul,

Ez 12:20

Konojel k'a tinamit ri ek'o chiri' kan xketole' kan y xtok tz'iran. K'ari' xtiketamaj ri winaqi' chi ja yin ri' ri in Jehová, xcha'.

Ez 21:31

Kan xtinwelesaj k'a woyowal chiwij. Rik'in ri ruq'aq'arinen ri woyowal kan xtitzijtej q'aq' chiwij y xkixinjech k'a pa kiq'a' ri e itzel taq winaqi' ri xkewulan ronojel.

Ez 32:2

Rat Ezequiel, tabixaj re jun chik bix re' richin bis chire ri rey richin ri ruwach'ulew Egipto. Y kere' tabij: Rat rey at achi'el jun koj ri nibiyaj pa ruwi' chijun re ruwach'ulew. Rat chuqa' at achi'el jun nimalej ayin ri atk'o pa taq palou y ri pa raqen taq ya'. Y rik'in ri awaqen natuk ruxe' ri ya' y ch'abeq-ch'abeq nuben ruwech ri ya'.

Wuj Richin ri Chojmirisabelri'il 26:31

Kan xtitole' k'a kan ri itinamit, y kan man jun chik xke'apon ri akuchi niya-wi kiq'ij ri i-dios, y kan man utz ta chik xtinseq ri jubulej pom.

Wuj Richin ri Chojmirisabelri'il 26:33

Y yin kan xkixintaluj k'a el ri chikikojol ri winaqi' pa taq kiruwach'ulew, y yin kan xtinya' k'a pe labal pan iwi' richin chi xkixkamisex. Kan xtitole' k'a kan ri iruwach'ulew, y ri itinamit kan xkek'is k'a.

Wuj Richin ri Jeremías 8:16

Kan k'a kela' pa tinamit Dan, xak'axatej chi e peteneq chik ri e etzelanel qichin y nikixupuj pa kitza'n ri kiej. Y toq yeyijij kan nisilon chijun ri ruwach'ulew. Yepe richin nokik'isa' kan ri ruwach'ulew y ronojel beyomel, konojel ri qatinamit y qonojel roj, xkixcha'.

Wuj Richin ri Jeremías 22:6

Ri awachoch rat rey achi'el ri jebelej ruwach'ulew Galaad, achi'el ruwi' ri juyu' Líbano. Jak'a kan xtinben k'a chire richin xtok tz'iran ri man jun wineq ri xtik'oje' chuwech.

Wuj Richin ri Jeremías 46:18

Yin Jehová ri k'o ronojel uchuq'a' pa nuq'a', kan ninya' nutzij pa nubi' chi ri winaqi' ri xkepe chiwij, kan janila nima'q kipalen, achi'el ri juyu' Tabor y ri juyu' Carmelo ri kan nej e jotol chuwech ri palou.