Wuj Richin ri Jeremías 4:4 - Kaqchiquel Bible

⁴ Titzolij-iwi' chiwij y tibana' chuwe richin chi ja yin ri iwajaw. Tiya' k'a pan iwánima ri retal richin ri nujikibel-tzij. Man xa rik'in juba', roma ri itzel taq ibanobal ri ye'ibanala', ri woyowal kan nibejinijo-pe achi'el q'aq', ri man jun nitikir nichupun.

Wuj Richin ri Jeremías 4:4 ပူးပေါင်းရင်းမြစ်များ

Deut 10:16

Kan tiyaka' k'a ronojel ri rujikibel-tzij ri Dios pa taq iwánima y man chaq tikowirisaj-iwi'.

Colosenses 2:11

Rix ri k'o ri Cristo pa taq iwánima, ri ix qupin richin jun retal, ri etal ri' man junan ta rik'in ri nikiben-qa ri winaqi' rik'in ri kiq'a'. Ri xuben ri Cristo chiwe ja ri xrelesaj ri itzel taq rayibel ri ek'o pa taq iwánima ri nibanon chiwe chi yixmakun.

Deut 30:6

Ri Jehová ri qa-Dios xtuya' ri retal ri rujikibel-tzij pa taq iwánima y keri' chuqa' xtuben rik'in ri kánima ri iwijatzul, richin kan xtiwajo' rija' rik'in ronojel iwánima y chijun ik'aslen, richin keri' kan xkixk'ase'.

Wuj Richin ri Jeremías 21:12

Rix ri aj pa rachoch kan ri rey David, kan tiq'ata' k'a tzij pa ruchojmilal ronojel q'ij. Kan tikolo' ri wineq ri nitz'ilox roma jun chik wineq. Roma wi man keri' ta xtiben y man niya' ta kan ri itzel taq ibanobal, ninwelesaj woyowal chiwij ri achi'el q'aq' rubanik. Nik'at k'a y man jun nitikir nichupun. Yin Jehová ri yibin.

Am 5:6

Titzolej-pe ik'u'x wik'in yin rix ri ix rijatzul kan ri José, y xkixk'ase' chi utzil. Wi man xtiben ta, xtinteq-pe q'aq' pan iwi'. Y ri q'aq' ri' xtuk'is ri Betel, y man jun chik wineq ri xtik'oje' ta kan richin xtuchup ri q'aq' ri'.

Wuj Richin ri Sofonías 2:2

richin chi man napon ta ri q'ij richin xkixelesex-el wawe', achi'el toq ri kaq'iq' nuk'uaj-el ri solot; richin chi man nipe ta pan iwi' ri ruq'aq'arinen ri royowal ri Jehová; ni man noqaqa ta ri q'ij richin ri royowal ri Jehová pan iwi'.

Ez 20:33

Yin kan xtinya' nutzij chiwe chi kan ja yin ri xkibeq'aton-tzij pan iwi'. Kan rik'in k'a uchuq'a' xtinya' ri nuq'a' pan iwi' y rik'in nimalej woyowal.

Ez 24:13

Kan nutijon-pe nuq'ij iwik'in rix aj-Jerusalem richin nich'ajch'ojirisaj-iwi' chire ronojel ri imak, jak'a rix man iya'on ta q'ij. Jak'a toq xtiqaqa ri woyowal pa ruwi' ri itinamit, k'ari' xkixch'ajch'ojir.

Wuj Richin ri K'uxla'anik 4:11

Ri Jehová kan xuteq-pe ronojel ri royowal pa qawi'. Kan xuq'ej k'a pe pa qawi' ri nimalej royowal achi'el niq'ej ri ya'. Xutzij k'a jun q'aq' pa ruwi' ri tinamit Sión, y ri q'aq' ri' kan xuk'is ronojel.

Ez 24:8

Yin xinya' q'ij richin xk'oje' kan ri kik' pa ruwi' ri abej y man xmuq ta kan. Y re' kan xtik'atzin richin natabel chi xiyek woyowal y richin ninya' rutojbalil pan iwi'.

Ez 16:38

Kan xtinq'et k'a tzij pan awi', achi'el niq'at-tzij pa ruwi' jun wineq kamisanel y jun ixoq itzel ruk'aslen. Y rik'in k'a janila woyowal xkatinjech pa kamik.

Ez 8:18

Y roma ri' yin chuqa' kan xkiyakatej k'a chikij rik'in janila woyowal, y kan man xtinjoyowaj ta k'a kiwech. Stape' xkech'on wik'in rik'in raqoj-chi'ij, yin kan man xkenwak'axaj ta k'a, xcha'.

Ez 6:12

Jujun chike rije' xkeken roma yabil, ch'aqa' chik xkeken pa labal y ri winaqi' ri xketotej kan, xkeken roma wayjal; richin keri' xtik'is ri woyowal chikij rije'.

Wuj Richin ri Jeremías 36:7

Rik'in juba' xtapon ri kich'owen rik'in ri Jehová y chikijujunal nitzolin-pe kik'u'x chupan ri itzel bey ri kik'uan, roma ri Jehová kan janila yakatajineq royowal y ri royowal ri yakatajineq kan xuk'ut pa ruwi' re tinamit re', xicha' chire.

Wuj Richin ri Jeremías 23:19

Ri woyowal ri xtiqaqa achi'el jun nimalej kaq'iq' job y ri e banoy etzelal kan xke'uk'uex-el achi'el nuben jun nimalej surkum.

Wuj Richin ri Jeremías 21:5

Kan yakatajineq janila woyowal y roma ri' kan xtinben oyowal iwik'in rix rik'in nimalej wuchuq'a'.

Wuj Richin ri Isaías 51:17

Kixyakatej, kixyakatej rix aj-Jerusalem, ri itijon poqon roma royowal ri Jehová. Rix janila ruk'ayewal ik'owisan, ri kan man yixtikir ta yixpa'e', achi'el nuben jun wineq ri janila k'iy vino ruqumun.

Wuj Richin ri Chojmirisabelri'il 26:28

yin chuqa' xtinpaba-wi' chiwech y rik'in k'a woyowal xtinya' chik wuqu' mul rutojbalil pan iwi' roma ri mak ri ye'iben.

Ez 21:17

Yin chuqa' kan xtinpaq'apa' k'a nuq'a' roma ri ch'akonik ri', y xtiqaqa ruwi' ri woyowal. Yin Jehová ri yibin, xcha'.

Ez 18:31

Kan tijech'ej k'a iwi' chire ronojel etzelal ri ibanon chinuwech yin, kan rik'in k'a ronojel iwánima tijala' ri ik'aslen. ¿Achike ta k'a roma niwajo' yixken rix ri ix rijatzul kan ri Israel?

Deut 32:22

Ri ruq'aq'alen ri woyowal ri yakatajineq kan achi'el k'a jun nimalej q'aq'. re q'aq' re' kan xtapon k'a ri ruchuq'a' k'a akuchi ek'o-wi-qa ri kaminaqi'. kan xtuk'is ri iruwach'ulew y ri tiko'n ri ek'o chuwech, y chuqa' xtuq'i' y xtuk'is ri kixe' ri juyu'.

Romanos 2:25

Roj achi'a' judío xojqupix richin xiya'ox qetal*f4* chi niq'alajin chi oj judío. Wi roj niqataqej ronojel ri nubij chupan ri pixa', ri etal ri' k'o rejqalen. Jak'a wi man niqaben ta, man jun nik'atzin-wi chi k'o qetal.

Wuj Richin ri Chojmirisabelri'il 26:41

Roma ri' yin xtinpaba-wi' chikiwech rije', y xkenteq chuqa' el pa kiruwach'ulew ri etzelanel kichin. Y chiri' xtiqasex k'a kiq'ij y xtikejqalej ri kimak.

Wuj Richin ri Isaías 10:17

Ri Dios kan nusaqirisaj ri kibey ri winaqi' israelita. Jak'a chike ri aj-Asiria xa kan xtok jun achi'el ruxaq-q'aq'. Kan pa jun q'ij k'a xkeruporoj konojel, achi'el nuben ri q'aq' toq nuk'et ri k'ix y ri ruxulu-kiej.

Wuj Richin ri Isaías 30:33

Kan k'o yan chik pe q'ij naban-pe pa ruwi' ri rey richin Asiria, ri akuchi xtik'at-wi. Ri akuchi niya'ox-wi ri q'aq' janila nim ruwech y kan janila nim rupan; y kan janila k'iy si' ukusan chire. Y kan ja ri Jehová ri xtiya'on ruq'aq'al achi'el nibiyin ri chuwilej-abej.

Wuj Richin ri Jeremías 9:25

Ri winaqi' aj-Egipto, ri aj-Edom, ri aj-Amón, ri aj-Moab y ri ek'o pa tz'iran ruwach'ulew, konojel rije' k'o ketal chirij ri kich'akul y re etal re' nik'atzin richin nikisamajij ri ki-dios. Jak'a pa taq kánima, maneq re jun etal re'. Noqaqa yan k'a ri q'ij toq xtinya' rutojbalil-mak pa kiwi' konojel rije'. Y rix israelita chuqa' k'o iwetal,*f4* jak'a maneq pa taq iwánima. Y roma ri' junan kik'in rije' xtinya' rutojbalil-mak pan iwi'.

Wuj Richin ri Jeremías 44:22

Jak'a ri Jehová man nukoch' ta chik ri itzel taq ibanobal ri ye'ibanala'. Roma ri' ri qaruwach'ulew wakami k'o pa wululen y man jun k'o chiri'. Kan xok k'a jun k'ambel-tzij richin qajineq itzel pa ruwi', y wakami kan nak'en rukiy toq natz'et.

Ez 44:7

Rix niben chire ri wachoch chi maneq rejqalen. Chuqa' niya' q'ij chike ri man e iwinaq ta richin ye'ok-apo chupan ri wachoch, winaqi' ri maneq ketal richin ri nujikibel-tzij ri nubanon iwik'in y ni ta k'o ketal pa taq kánima richin niq'alajin chi e wichin yin. Xiben chire chi maneq rejqalen ri wachoch, roma xisuj q'en y kik' kichin ri kamelabel chiri'. Chuqa' xixolq'otij ruwi' ri nujikibel-tzij ri nubanon iwik'in, roma xiben itzel taq banobel ri kan man utz ta nintz'et yin.

2 Crón 34:25

Roma ri winaqi' xa xinkimalij kan, y xa xkisuj kamelabel chikiwech ch'aqa' chik dios, y xkiben chuwe chi xpe woyowal chirij ronojel ri kisamaj ri kibanon; roma ri' xtiqaqa k'a ri woyowal pa ruwi' re tinamit re', y ri woyowal kan man xtik'o ta qa, nicha' ri Jehová.

Wuj Richin ri Jeremías 15:14

Y rix xkixok loq'on samajela' kichin ri e etzelanel iwichin, chupan jun ruwach'ulew ri man iwetaman ta, roma kan yakatajineq woyowal achi'el q'aq' y kan xkixruk'is, xcha' chuwe.