Wuj Richin ri Jeremías 4:1 - Kaqchiquel Bible

¹ Yin Jehová kere' ninbij: Rix nuwinaq israelita, wi ta niwajo' nitzolin-pe ik'u'x, titzolin k'a pe ik'u'x wik'in yin. Tiwelesaj k'a el chi'ikojol ri wachibel ri kan man utz ta nintz'et y kan man tijech'ej chik el iwi' wik'in yin.

Wuj Richin ri Jeremías 4:1 ပူးပေါင်းရင်းမြစ်များ

Joel 2:12

Jak'a ri Jehová nubij chiwe chi kan k'a yixtikir na nitzolej-pe ik'u'x rik'in. Nubij chi kixmewayin, kixoq' y kixbison richin nik'ut chi rix nitzolej ik'u'x rik'in.

Wuj Richin ri Jeremías 3:22

Titzolej k'a pe ik'u'x wik'in, rix alk'ualaxela' ri ix yakatajineq chuwij y yin xkixinwaq'omaj rik'in ri iyakatajinenri'il. Y rije' nikibij: Jare' ojk'o wawe' chawech richin yojch'on-q'anej awik'in, roma kan ja rat ri at qa-Dios.

Ez 43:9

Wakami k'a, wi xtikimalij kan ri itzel taq banobel ri man niqa' ta chinuwech yin y wi man xtikiben ta chik ri wachibel ri kan nikiya' kiq'ij, k'ari' yin xkik'oje' chikikojol richin q'asen.

Wuj Richin ri Jeremías 25:5

Rije' nikibij k'a chiwe chi kixtzolin k'a pe chi'ijujunal. Tiya' kan ri itzel bey ik'uan y ri itzel taq ibanobal, richin chi rix yixbek'oje' richin q'asen chupan ri ruwach'ulew ri xuya' ri Jehová chiqe y chike ri qati't-qamama'.

Wuj Richin ri Jeremías 3:12

Wakami k'a Jeremías, kabiyin y tabeya' re jun rutzijol re' chike ri winaqi' israelita ri ek'o pa xaman y tabij chike: Titzolin-pe ik'u'x wik'in rix ri xiniya' kan, yin kan xkixink'ul chi utzil y man xtipe ta woyowal chiwe richin jantape', xcha'.

Wuj Richin ri Jeremías 3:1

Ri Jehová xch'on chik wik'in y xubij chuwe: Wi k'o ta jun achin nujech-ri' rik'in ri rixjayil y ri ixoq ri' nik'ule' ta rik'in jun chik achin, ¿nitikir kami ri nabey rachijil nitzolin rik'in re ixoq re'? ¿Roma ta kami ri' ri ruwach'ulew xtok man ch'ajch'oj ta? Rix xa xitzeqelibej ch'aqa' chik dios, achi'el nuben jun ixoq itzel ruk'aslen. Jak'a yin Jehová ninbij chi kixtzolin chik pe wik'in.

Wuj Richin ri Rutikeribel 35:2

Y roma ri' ri Jacob xubij chike ri rixjayilal, ri ruk'ajol y chike konojel ri ek'o pa rachoch: Ke'iwelesaj-el jumul chi'ikojol ri kiwachibel ri i-dios. Tich'ajch'ojirisaj-iwi' y tijala' ri itziaq.

Os 14:1

Tinamit Israel, kan titzolej chik k'a ak'u'x rik'in ri Jehová ri qa-Dios. Roma xa kan at tzaqineq k'a roma ri amak.

Os 2:2

Ri Jehová xubij chik chuwe: ¡Kan tisujuj k'a ri Israel rik'in ri itzel rubanobal! Roma rija' xa man wixjayil ta chik y yin xa man in rachijil ta chik. Tik'utuj utzil chire chi titane' chire ri itzel taq rubanobal, chi kerumestaj jumul ri achi'a' ri ye'ajowan richin.

2 Crón 33:8

Y chuqa' xubij chi wi xtikitaqej ronojel ri nubij ri jalajoj ruwech pixa' ri ya'on chire ri Moisés, kan man jun bey chik xkerelesaj-el ri israelita chupan ri ruwach'ulew ri' ri ruya'on chik chike ri kati't-kimama'.

2 Crón 15:8

Toq ri Asá xrak'axaj ri ruch'abel ri Dios ri xuq'alajirisaj ri Azarías, kan xk'oje-el ruchuq'a' richin xerelesaj-el ronojel ri itzel taq wachibel ri kan ruk'amon richin ye'etzelex, ri ek'o chupan chijun ruwach'ulew Judá y ri ruwach'ulew Benjamín y chuqa' ri ek'o pa taq tinamit ri xeruch'ek, ri ek'o-el chuwi' taq juyu' richin ri ruwach'ulew Efraín. Chuqa' kan xuchojmirisaj ri porobel ri k'o-pe chuwech ri rachoch ri Jehová.

2 Rey 23:24

Keri' chuqa' ri Josías xeruk'is k'a el konojel ri aj-itza' y ri yek'uluben ri itzel taq espíritu. Xerelesaj-el chuqa' ri taq wachibel ri richin pa taq jay, y ronojel ri man niqa' ta chuwech ri Dios ri ek'o chiri' pa ruwach'ulew Judá y pa Jerusalem, richin chi rija' nutaqej ri pixa' ri tz'ibatel kan chupan ri wuj ri xril ri sacerdote Hilquías chupan ri rachoch ri Jehová.

2 Rey 23:13

Chirij re', ri rey kan xerelesaj-el chuqa' ri akuchi nikiya' kiq'ij wachibel pa ruwi' ri juyu' Olivo, ri k'o pa relebel-q'ij chire ri tinamit Jerusalem y xuwulaj-el ri porobel ri xerupaba' kan ri Salomón richin nikiya' kiq'ij ri itzel dios Astarté ri ki-dios ri aj-Sidón, ri Quemós ri ki-dios ri aj-Moab y ri Milcom ri itzel ki-dios ri aj-Amón.

1 Sam 7:3

Y ri Samuel xch'on k'a kik'in konojel rije' y xubij: Wi kan qitzij rik'in ronojel ik'u'x yixtzolej-pe rik'in ri Jehová, kan ke'iwelesaj k'a el konojel dios y chuqa' ri ixoq dios Astarté ri niya' ruq'ij rix. Kan tijacha' k'a ri iwánima chire ri Jehová. Kan xaxe k'a rija' xtiwilij y rija' kan xkixrukol pa kiq'a' ri aj-Filistea, xcha'.

Wuj Kichin ri To'onela' 10:16

Y rije' kan man xekisamajij ta chik ri dios ri ek'o chikikojol, y xkiya' ruq'ij ri Jehová. Y rija' xq'axon ránima roma ri ruk'ayewal ri nikiq'axaj ri rutinamit.

Os 7:16

Xa jak'a ri wachibel ri xekitzeqelibej kan, rije' xa kan e achi'el k'a jun rute-ch'ab ri xa kotokik rubanon. Ri e aj-raqen chikikojol rije' xa xekamisex chi espada roma ri kinimirisanen. Chupan ri ruwach'ulew Egipto xtiban k'a yojobenik chikij, nicha' ri Dios.

Ez 18:13

Kan nuk'ul ral ri méro ri nuya' pa qajik chike ri ruwinaq y toq nuya' pa qajik chike ri man e ruwinaq ta kan nuk'utuj k'iy ral chike. Re itzel alk'ualaxel re' kan man xtik'ase' ta k'a k'iy q'ij. Roma ronojel ri itzel taq rubanobal ri xeruben, kan xtiken k'a. Kan man jun makul chire y kan xtrejqalej ri rumak.

Ez 11:18

Y toq xkixtzolej-pe, rix kan xtimalij k'a kan ronojel ruwech itzel taq banobel y ri jalajoj kiwech wachibel ri k'o iwik'in.

Wuj Richin ri Jeremías 36:3

Rik'in juba' xtikak'axaj ta ri awinaq ri itzel ri ninch'ob richin ninya-pe pa kiwi' y nitzolin ta pe kik'u'x chikijujunal rije' chupan ri itzel laj bey ri kik'uan kan. K'ari' yin xtinkuy ri itzel taq kibanobal y ri kimak, xcha' chuwe.

Wuj Richin ri Jeremías 35:15

Y kan jantape' k'a xenteq-pe nusamajela' ri e q'alajirisey nuch'abel iwik'in, richin chi xkibij chiwe chi titzolej-pe ik'u'x chupan ri itzel bey ri ik'uan y kan tichojmirisaj ri ik'aslen. Chuqa' xkibij chiwe chi man ke'itzeqelibej ch'aqa' chik dios richin niya' kiq'ij. Wi keri' xtiben, kan xkixk'ase' k'a chupan ri ruwach'ulew ri xinya' chiwe rix y chike ri iwati't-imama'. Jak'a rix xa man xiya' ta ixikin chike ri q'alajirisey nuch'abel, ni man xinimaj ta ri nutzij.

Wuj Richin ri Jeremías 24:9

Kan koma k'a rije', ri winaqi' richin ri ch'aqa' chik ruwach'ulew kan xtisach kik'u'x. Chuqa' e ya'ol k'ix, kan xkeyojobex y kan xtiqaqa itzel pa kiwi' ri akuchi xkenteq-wi-el.

Wuj Richin ri Jeremías 15:4

Xtinben chi konojel tzobaj winaqi' richin ri ruwach'ulew xtikik'en rukiy rik'in ri xtinbenbana' kik'in, roma ri rumak ri xuben ri rey Manasés, ri ruk'ajol ri Ezequías chiri' pa Jerusalem.

Wuj Richin ri Jeremías 4:4

Titzolij-iwi' chiwij y tibana' chuwe richin chi ja yin ri iwajaw. Tiya' k'a pan iwánima ri retal richin ri nujikibel-tzij. Man xa rik'in juba', roma ri itzel taq ibanobal ri ye'ibanala', ri woyowal kan nibejinijo-pe achi'el q'aq', ri man jun nitikir nichupun.

Wuj Richin ri Jeremías 3:14

Kixtzolin-pe wik'in yin, rix ri ix yakatajineq chuwij, roma ja yin ri in iwajaw, nubij ri Jehová. Y yin xkixink'en-pe chi'ijujunal chupan ri ch'aqa' chik ruwach'ulew akuchi ixintalun-wi y kan xtinben k'a chiwe richin xkixtzolin-pe pa tinamit Sión.

Wuj Richin ri Isaías 31:6

Roma ri', rix nuwinaq titzolej-pe ik'u'x rik'in ri qa-Dios, stape' ix yakatajineq chirij rija'.

Wuj Richin ri Josúe 24:14

Wakami k'a kan tiqasaj-iwi' chuwech ri Jehová y kan xaxe rija' tisamajij rik'in ch'ajch'ojil y tz'aqetri'il; tiwelesaj chi'ikojol ri ch'aqa' chik dios, ri xkisamajij ojer kan ri qate-qatata' ri juk'an chik chire ri raqen-ya' Éufrates y ri chiri' pan Egipto. Kan ja k'a ri Jehová tisamajij.

Deut 4:30

Toq xkixk'oje' pa bis y toq xtipe pan iwi' ronojel re', y wi ri pa taq ruk'isibel q'ij xtitzolej-pe ik'u'x rik'in ri Jehová ri qa-Dios y kan xtiben ri nrajo' rija';

Wuj Richin ri Jeremías 7:3

Yin Jehová ri k'iytisanel richin ronojel, ri in i-Dios. Ninbij tichojmirisaj ri ik'aslen y ri ibanobal y yin xtinya' q'ij chiwe richin xkixk'ase' chupan re ruwach'ulew re'.

Wuj Richin ri Jeremías 7:5

Kan tichojmirisaj ri ik'aslen y ri ibanobal. Tibana' pa ruchojmilal chiwech-qa rix.

Wuj Richin ri Jeremías 7:7

Wi xtiben ronojel re' yin xtinya' q'ij chiwe richin yixk'ase' re wawe' chupan re ruwach'ulew ri xinya' kan chike ri iwati't-imama'.

Wuj Richin ri Jeremías 15:19

K'ari' ri Jehová xubij chik chuwe: Wi yatzolin-pe wik'in, xkatink'ul chik jun bey y xkatikir chik xkinasamajij. Man chaq ch'owen man ch'owen taben y ri xtabij xaxe ri ch'abel ri kan k'o rejqalen, wi keri' xtaben ja rat ri xkach'on pa nuk'exel. Ja rije' ri k'o chi yetzolin-pe awik'in y man ja ta rat ri k'o chi yatzolin kik'in.

Wuj Richin ri Jeremías 18:11

Tiwak'axaj k'a rix aj-Judá: Kan tiwetamaj k'a chi yin ninch'ob ninteq-pe jun nimalej ruk'ayewal pan iwi'. Tiya' k'a kan ri itzel bey y tichojmirisaj ri ik'aslen.

Wuj Richin ri Zacarías 1:4

Roma ri' rix man tikowirisaj-iwi' achi'el xkikowirisaj-ki' rije' toq xban ch'owen kik'in koma ri e nabey q'alajirisey nuch'abel yin Jehová k'iytisanel richin ronojel. Ri q'alajirisanela' ri' xkibij chi titzolej-pe kik'u'x wik'in, y tikiya' kan ri itzel taq bey y ri itzel taq banobel. Jak'a rije' xa xkiben chi man xq'ax ta chikiwech y man xkak'axaj ta ri xinbij chike.

2 Crón 34:33

K'ari' ri Josías xuben chi chupan chijun ri ruwach'ulew Israel ke'elesex-el ronojel ri yekiya' kiq'ij ri winaqi' ri kan man niqa' ta chuwech ri Jehová, y xuben chi konojel tikisamajij xaxe ri Jehová ri ki-Dios. Rokik k'es ri Josías, ri winaqi' kan man xkijech'ej ta kan ki' rik'in ri Jehová ri ki-Dios, y ri Dios kichin ri kati't-kimama'.