Wuj Richin ri Jeremías 38:9 - Kaqchiquel Bible

⁹ Rat rey ri wajaw, re achi'a' re' man utz ta xkiben rik'in ri Jeremías, roma kan xkiya-qa chiri' pa jul. Y chiri' xtiken-wi roma wayjal, roma maneq chik kaxlan-wey pa qatinamit, xcha' chire.

Wuj Richin ri Jeremías 38:9 ပူးပေါင်းရင်းမြစ်များ

Wuj Richin ri Jeremías 37:21

K'ari' ri rey Sedequías xuteq woyoxik richin chi yin yik'oje' chiri' chuwa-jay ri akuchi k'o-wi ri cárcel y chi ronojel q'ij tiya'ox jun kaxlan-wey chuwe ri nik'ayix pa taq bey. Y kan keri' k'a xban chuwe k'a ja toq xk'is ri kaxlan-wey pa tinamit. Y keri' yin xik'oje' kan chiri' chuwa-jay ri akuchi k'o-wi ri cárcel.

Wuj Richin ri Jeremías 52:6

Chupan ri q'ij beleje' chire ri ik' kaji' chupan ri juna' julajuj chire ri q'atbel-tzij richin ri Sedequías, kan xnimer k'a ri wayjal chiri' pa tinamit y kan man jun chik k'o richin nikitej ri winaqi'.

Wuj Richin ri Achin Job 31:34

Yin man nuxibin ta wi' chuwech ri achike nikibij ri winaqi', ni man jun bey nutz'apen ta wi' pa wachoch roma ninxibij-wi chire ri nikibij chuwij.

Wuj Richin ri Jeremías 38:8

K'ari' ri Ebed-mélec xapon akuchi k'o-wi ri rey y xubij chire:

Wuj Richin ri Jeremías 38:10

Xeri' ri rey xuteq-el ri Ebed-mélec y xubij-el chire chi keruk'uaj-el e juwineq lajuj achi'a' richin yinkelesaj-pe chupan ri jul richin man yiken ta qa chiri'.

Wuj Richin ri K'uxla'anik 1:11

Konojel ri winaqi' ye'oq' rokik nikikanoj ri k'atzinel richin nikitej. Rije' nikijel ri kibeyomel chuwech juba' kiway. Kere' xkiben xaxe richin man yeken ta. Tabana' utzil, Jehová, qojatzu' chi kan ojk'o pa jun k'ixbilal.

Wuj Richin ri K'uxla'anik 3:53

Rije' kan xinkiya' pa jun jul richin ta xiken. Kan xinkik'eq k'a qa chi abej.

Wuj Richin ri Jeremías 19:9

Xtinben k'a chi ri e etzelanel iwichin xtikisutij-rij ri itinamit y roma ri wayjal, xtitej-qa ri iwalk'ual y chi'ijujunal xtitej-qa-iwi' chi iwachibil-iwi', xkacha'.

Wuj Richin ri Jeremías 39:17

Jak'a yin chupan ri q'ij ri', xkatinkol chuwech ronojel y keri' kan man xkaqaqa ta pa kiq'a' ri achoq chuwech janila naxibij-awi'.