Wuj Richin ri Jeremías 38:4 - Kaqchiquel Bible

⁴ Y ri aj-raqen xkibij chire ri rey: ¡Tikamisex re achin re'!, roma rik'in re ch'abel re nubij, nuben chike ri juba' aj-labal ri k'a ek'o kan, chi nikimalij kik'u'x y keri' chuqa' nuben chike ri winaqi' ri ek'o kan chiri' pa tinamit, roma re achin re' man ja ta ri utz nukanoj pa ruwi' re tinamit re', xa ja ri itzel ri nukanoj!, xecha'.

Wuj Richin ri Jeremías 38:4 ပူးပေါင်းရင်းမြစ်များ

Wuj Richin ri Jeremías 26:11

K'ari' ri e sacerdote y ri nikibananej chi e q'alajirisey ri ruch'abel ri Dios xech'on kik'in ri aj-raqen y kik'in ri winaqi' richin chijun ri tinamit y xkibij chike: Re achin re' k'atzinel richin nikamisex roma kan xch'on itzel chirij ri qatinamit y rix kan jebel xiwak'axaj, xecha'.

Hechos 16:20

Toq xebekipaba' chikiwech ri q'atoy taq tzij ri', xkibij: Re achi'a' re' xa e judío y nikiyoj kich'obonik ri winaqi' wawe' pa tinamit.

Am 7:10

Ri Amasías jari' ri sacerdote chiri' pa Betel. Y rija' xuteq rubixik chire ri Jeroboam rey richin Israel, y xubij chi yin yibiyaj chikikojol ri qawinaq israelita richin yich'on itzel chirij ri rey. Y xubij chuqa' chi ri winaqi' kan xik'o yan kik'u'x richin yinkak'axaj,

Wuj Richin ri Jeremías 29:7

Kan kixsamej k'a richin nibe ta q'anej pa jotol ri ruwach'ulew ri akuchi ixk'o-wi. Kan tik'utuj k'a chuwe chi utz ta xtuben ri ajawaren ri', richin keri' kan utz chuqa' xkixk'oje' rix.

Wuj Richin ri Nehemías 6:9

Rik'in ronojel ri nikibij xkajo' ta chi xojkixibij. Rije' xkich'ob chi roj niqamalij kan ri samaj, richin keri' man nik'is ta rubanik. Jak'a yin xink'utuj chire ri Dios chi tuya' wuchuq'a'.

1 Rey 21:20

Y ri Acab xubij chire ri Elías: ¿Y kan xino'awila' chik re wawe' rat etzelanel wichin?, xcha'. Y ri Elías xubij chire: Ja' xatonwila' chik, roma rat kan ajachon awi' chubanik ri etzelal chuwech ri Jehová.

Ex 5:4

Jak'a ri rey xubij chike: Rix Moisés y Aarón ¿Achike roma toq niben chike ri iwinaq richin rije' nikipaba' ri kisamaj? Y rix tibana' ri isamaj ri k'o chi niben, xcha'.

Hechos 28:22

Jak'a roj qetaman k'a chi xabakuchi at q'axineq-pe, ri winaqi' kan janila k'a yech'on itzel chirij ri yetzeqeliben ri i-Cristo. Roma ri' niqajo' yatqak'axaj, xecha' chire.

Hechos 24:5

Roma re jun achin re', kan qetaman chi jun itzel achin. Ja rija' ri nibanon chi ri judío yeyakatej pa ronojel tinamit. Ja rija' ri aj-raqen chikikojol ri juley winaqi' ri yenatan rubi' ri Jesús aj-Nazaret.

Hechos 17:6

Jak'a xa man xekil ta pe ri Pablo y ri Silas. Roma ri' toq xa ja chik ri Jasón y ch'aqa' chik qach'alal ri xekik'uaj-el k'a chikiwech ri q'atoy taq tzij. Kan rik'in k'a kuchuq'a' yech'on-apo, y nikibij: Ri Pablo y Silas e yojoy kich'obonik konojel winaqi' richin re ruwach'ulew, y xe'oqaqa yan k'a re wawe' chupan re qatinamit.

San Lucas 23:2

Ri chiri' chuwech ri q'atoy-tzij, nikisujula' k'a apo y nikibij: Roj qetaman chi re Jesús k'iy rumak. Rija' nuya' kina'oj ri winaqi'. Rija' nubila' chuqa' chike chi man tikitoj ri k'o chi nitoj chire ri César. Chuqa' nubila' chi ja rija' ri Cristo, y re' kan nuq'alajirisaj k'a chi ja rija' ri rey, xecha'.

Ez 22:27

Y ri e aj-raqen xa e achi'el utiwa' ri kan yekiwech' ri yekichop. Yekikamisaj k'a ri winaqi' richin chi ja rije' ri yebeyomer-q'anej.

Wuj Richin ri Esdras 4:12

Niqaq'alajirisaj chawe rey, chi ri judío ri xe'el-pe pan aruwach'ulew, ri xepe chik wawe' pa Jerusalem nikich'ob nikipaba' chik q'anej jun bey ri nimalej tinamit ri'. Y rije' janila e itzel y kan nikajo' yeyakatej chawij, y roma ri' nikiben ruchojmil ri ruxe' y xkichop yan q'anej rubanik ri tz'aq.

2 Crón 24:21

Jak'a ri winaqi' xa xeyakatej chirij, y ri rey xubij chike chi tikik'aqa' chi abej chiri' chuwa-jay chire ri rachoch ri Jehová.

Wuj Richin ri Jeremías 11:21

Roma ri' kere' xubij ri Jehová pa kiwi' ri aj-Anatot ri kan nikikanoj ri nukamik y nikibij chuwe: Man yach'on chik pa rubi' ri Jehová, richin chi man yatkikamisaj ta, xecha' chuwe.

Wuj Richin ri Jeremías 18:23

Jak'a rat Jehová, kan awetaman ronojel ri kich'obonik ri kibanon chuwij y chi kan nikajo' yinkikamisaj. Man k'a takuy ri itzel taq kibanobal, ni man tamestaj ri kimak. Kan tabana' k'a chike chi chawech rat xtikipajk'ij-wi ri kaqen y kan rik'in k'a ri awoyowal taya' ri rutojbalil pa kiwi', xicha'.

Wuj Richin ri Jeremías 38:16

K'ari' ri rey Sedequías xuya' rutzij pan ewel chuwe y xubij: Ninjikiba' nutzij chuwech ri Jehová ri xya'on ri qak'aslen chi man xtinteq ta akamisaxik y man xkatinjech ta pa kiq'a' ri nikajo' yatkikamisaj, xcha'.

Wuj Richin ri Jeremías 38:25

Rik'in juba' ri aj-raqen xtikak'axaj chi yin xich'on awik'in y xkepe awik'in y xtikibij chawe: Tabij chiqe achike xatzijoj rik'in ri rey y tabij chiqe achike xubij rija' chawe, man tawewaj chiqawech y man xkatqakamisaj ta, xkecha' chawe.

Wuj Richin ri Jeremías 43:3

Xa ja ri Baruc yataqchi'in richin yojaq'ol, xaxe richin chi yojajech pa kiq'a' ri aj-Babilonia, richin chi yojkikamisaj o yojkik'uaj-el, xecha'.