Wuj Richin ri Jeremías 3:3 - Kaqchiquel Bible

³ Roma ri itzel taq ibanobal ri', roma ri' maneq chik job rubanon, ni ri nabey taq job, ni ri ruk'isibel taq job. Man rik'in ri' kan man xk'oje' ta juba' ik'ix, achi'el ri ixoq itzel ruk'aslen maneq ruk'ix.

Wuj Richin ri Jeremías 3:3 ပူးပေါင်းရင်းမြစ်များ

Wuj Richin ri Chojmirisabelri'il 26:19

Kan xtinqasaj k'a iq'ij, ri kaj man chik xtuya' ta pe job, y roma ri' kan xtikowir ri iwulew.

Wuj Richin ri Jeremías 14:4

Ri achi'a' ri yesamej pa juyu' kan sachineq k'a kik'u'x y kan kitz'apelon k'a ri kijolon retal richin bis, roma man nuben ta chik job y ri ruwach'ulew kan xrajro-qa.

Wuj Richin ri Jeremías 14:22

¿K'o kami jun chike ri wachibel ri xa man qitzij dios ta, ri nitikir ta nuya-pe job? ¿Ja kami ri kaj ri niya'on-pe ri job? ¡Ni, Jehová ri qa-Dios roj! Xaxe rat ri yaya'on-pe ri job, ja rat ri yabanon re ronojel re'. Roma ri' ronojel niqoyobej awik'in rat, xicha' chire.

Wuj Richin ri Jeremías 5:24

Kan man xibij ta qa: Tiqaya' ruq'ij ri Jehová ri qa-Dios, roma kan pa ruq'ijul nuya-pe ri nabey y ri ruk'isibel taq job y kan ruya'on k'a pe jun q'ij richin niqak'ol ruwech ri tiko'n, man yixcha' ta qa.

Wuj Richin ri Isaías 5:6

Y xtinben chi kan man jun chik xtik'oje' kan. Man chik k'a xkenjol ta ri ruq'a', ni man xtiban ta chik makoj chupan. Kan xtik'iy k'a pe q'ayis y k'ix chupan. Y chuqa' kan xkich'on rik'in ri sutz' chi man chik xtuteq-pe job, xcha'.

Deut 28:23

Y ri kaj man xtuya' ta chik pe ri job; y ri ruwach'ulew man xtuya' ta chik pe ri tiko'n.

Wuj Richin ri Hageo 1:11

Y xinben chi man niwachin ta chik ri k'echelaj, ri juyu', ri itiko'n, ri juwi-uva, ri olivo y ronojel ri nuya' pe ri ruwach'ulew. Y chuqa' man xkixk'iyer ta chik rix, ni ta ri iwawej man xkek'iyer ta chik. Y ronojel ri itiko'n man xtel ta chik pe, nicha' ri Jehová, xcha' ri Hageo.

Am 4:7

Chuqa' ja yin xibanon chi man xuben ta chik job pan iwi'. Man xinya' ta pe job toq k'a oxi' na ik' nrajo' richin nik'ol ri itiko'n. Xinya' job chupan ch'aqa' tinamit, jak'a chupan chik ch'aqa' man xinya' ta. Chupan ch'aqa' ulew richin tiko'n xinya-pe job. Jak'a ch'aqa' ulew richin tiko'n xa xechaqi'j-qa. Man rik'in ri' man xtzolej ta pe ik'u'x wik'in. Yin Jehová ri yibin.

Wuj Richin ri Jeremías 9:12

Y yin xink'utuj chire ri Dios achike rubanik richin niq'ax chinuwech ronojel re'. ¿Achoq chire ta k'a xuk'ut-wi-ri' ri Jehová ronojel re' richin chi nitikir nuq'alajirisaj chike ri ch'aqa' chik? ¿Achike roma re ruwach'ulew re' k'o pa ruk'ayewal y kan chaqi'j achi'el tz'iran ruwach'ulew ri kan man jun chik niq'ax?

Wuj Richin ri Jeremías 8:12

Rije' ruk'amon ta richin nik'oje' kik'ix, roma ri itzel taq kibanobal. Jak'a rije' xa maneq kik'ix. Roma ri' toq xtinya' rutojbalil-mak pa kiwi', kan xtikipajk'ij kaqen y xketzaq achi'el ri ch'aqa' chik. Yin Jehová ri yibin.

Wuj Richin ri Jeremías 6:15

Rije' ruk'amon ta richin nik'oje' kik'ix, roma ri itzel taq kibanobal. Jak'a rije' xa maneq kik'ix. Roma ri' toq xtinya' rutojbalil-mak pa kiwi', kan xtikipajk'ij kaqen y xketzaq achi'el ri ch'aqa' chik. Yin Jehová ri yibin.

Wuj Richin ri Sofonías 3:5

Jak'a ri Jehová kan k'o chiri' pa tinamit, y kan man jun itzel nuben. Rija' kan ronojel nimaq'a' nuq'et-tzij pa ruchojmilal, y kan man jun ri man ta nuben. Man rik'in ri' ri nibanon etzelal xa kan maneq ruk'ix.

Ez 3:7

Jak'a ri awinaq israelita xa man xkeniman ta chawe, roma xa kan man nikajo' ta yinkak'axaj. Konojel rije' xkikowirisaj-ki' richin man yeniman ta chuwe y man jun niq'ax chikiwech.

Wuj Richin ri Jeremías 5:3

Jehová, ¿man ja ta kami ri qitzij nakanoj rat? Rat xaya' rutojbalil-mak pa kiwi' y man xeq'axomer ta; xaya' wululen pa kiwi', jak'a man xkajo' ta xatkinimaj. Kan xkikowirisaj k'a ri kánima, más chuwech ri abej y kan man xkajo' ta xetzolin chupan ri utzilej bey.

Hebreos 12:25

Tiqachajij-qi' richin chi man ta niqetzelaj ri nubij ri Dios chiqe, roma wi ri qati't-qamama' ri xketzelaj ri xbix chike y roma ri' xqaqa ri ruk'ayewal pa kiwi'. Kan keri' chuqa' roj kan xtiqa-wi ruk'ayewal pa qawi', wi man xtiqak'axaj ta ri ch'abel ri nipe chila' chikaj.

Wuj Richin ri Nehemías 9:17

Rije' man xkajo' ta xatkak'axaj y man xoqaqa ta chikik'u'x ri meyel taq banobel ri xaben kik'in rije'. Y roma xkikowirisaj ri kánima, xkikanoj jun uk'uey kibey richin yetzolin chik kan pan ilinri'il chiri' pan Egipto. Jak'a rat at Dios ri nakuy ri mak, y man chi'anin ta k'a nipe awoyowal y kan janila najoyowaj kiwech y janila k'a ajowabel k'o awik'in y nim k'a ri awánima y roma ri' man xe'amalij ta kan,

Wuj Richin ri Jeremías 14:3

Ri beyoma' yekiteq-el ri kisamajela' chukanoxik ya'. Rije' yebe akuchi ek'o-wi yakbel taq ya', jak'a xa man nikil ta pe y yetzolin k'a pe rik'in ri kikuku' ri man jun ya' chupan. Sachineq-pe kik'u'x y e k'ixbitajineq-pe y nikikuch-pe ri kijolon.

Wuj Richin ri Jeremías 36:2

Tachapa' k'a jun boton wuj y tatz'ibaj chupan ri wuj ri' ronojel ri ch'abel ri xinbij chawe, pa ruwi' ri ruwach'ulew Israel y pa ruwi' ri Judá y pa kiwi' konojel ri tzobaj winaqi' richin re ruwach'ulew, kan k'a ja chupan ri q'ij richin ri q'atbel-tzij richin ri rey Josías k'a re wakami.

Wuj Richin ri Sofonías 2:1

K'ari' ri Dios xubij chuwe: Timolo' k'a iwi' y kixch'obon rix winaqi' ri maneq ik'ix;

Wuj Richin ri Rutikeribel 19:34

Y ri ruka'n q'ij ri', ri nimalaxel xch'on rik'in ri chaq'laxel y xubij chire: Rat awetaman chi ri chi'aq'a' iwir ja yin ri xik'oje' kan rik'in ri qatata'; y wakami re aq'a' re' tiqabana' chire ri qatata' chi tuqumu' chik k'iy vino, y ja chik rat ri xkak'oje' kan rik'in, richin keri' xtik'oje' kan rijatzul qik'in, xcha'.

Wuj Richin Etamabel-Tzij 21:29

Ri wineq itzel, stape' k'ayew ri rubey ri ruk'aslen, rukoch'och'en ruwech beneq; jak'a ri wineq ri kan ja ri qitzij ri k'o pa ruk'aslen, nuchojmirisala' rubey ruk'aslen ri beneq.

Wuj Richin ri Jeremías 5:25

Ja ri imak rix, ri xbanon chi xjalatej ronojel re' y ja ri imak ri xq'aton richin niqaqa ri utz pan iwi'.

Wuj Richin ri Jeremías 14:1

Xk'oje' k'a jun nimalej saq'ij. Y chupan ri q'ij ri', ri Jehová xch'on chik wik'in y xubij chuwe:

Am 4:8

Rix yixbe-kela' yixbe-kela' ri niben richin nikanoj iya', jak'a man xiwil ta k'iy ya' richin xik'o ri chaqi'j ichi'. Man rik'in ri' man xtzolej ta pe ik'u'x wik'in. Yin Jehová ri yibin.