Wuj Richin ri Jeremías 3:2 - Kaqchiquel Bible

² Titzu' k'a jebel la ruwi' taq juyu' ri akuchi xiya' kiq'ij ch'aqa' chik dios. Kan pan ewel k'a yixtz'uye' pa taq bey richin ye'iwoyobej achi'a', achi'el nikiben ri winaqi' ri ek'o pa tz'iran ruwach'ulew richin ye'eleq'. Kan xitz'ilobisaj re ruwach'ulew rik'in ri itzel taq imak.

Wuj Richin ri Jeremías 3:2 ပူးပေါင်းရင်းမြစ်များ

Wuj Richin ri Jeremías 2:20

Kan k'o yan chik q'ij ri ix yakatajineq-pe chuwij. Kan man xiwajo' ta xinimaj nutzij y xibij chi man niwajo' ta yinisamajij. Roma ri' pa ruwi' taq juyu' y chuxe' ronojel che' ri janila kixaq, chiri' xijech-wi-iwi' pa kiq'a' ch'aqa' chik dios, achi'el nujech-ri' jun ixoq ri itzel ruk'aslen pa ruq'a' jun chik achin.

Wuj Richin ri Jeremías 2:7

Yin xenk'en-pe chupan re ruwach'ulew akuchi jebel nuya' ronojel ruwech tiko'n, richin chi nikitej ri ruwech y ronojel ri nuya' chiri', jak'a rix toq xixok chupan, xa xitz'ilobisaj ri nuruwach'ulew y xiben chire chi yin man utz ta chik nintz'et.

Wuj Richin ri Rutikeribel 38:14

Roma ri' rija' xujel kan ri rutziaq ri nik'utu chi rija' jun malka'n ixoq y xuq'uj-el jun tzieq y xutz'apej-el rupalej rik'in jun tzieq richin man jun netaman ruwech. Y xbetz'uye' chuchi' ri tinamit Enaím, chuchi' ri bey ri nibe pa tinamit Timnat. Rija' rutz'eton chik k'a chi ri Selá xk'iy yan q'anej, y k'a man jani ya'on ta chire richin chi nok rachijil.

Wuj Richin ri Jeremías 3:1

Ri Jehová xch'on chik wik'in y xubij chuwe: Wi k'o ta jun achin nujech-ri' rik'in ri rixjayil y ri ixoq ri' nik'ule' ta rik'in jun chik achin, ¿nitikir kami ri nabey rachijil nitzolin rik'in re ixoq re'? ¿Roma ta kami ri' ri ruwach'ulew xtok man ch'ajch'oj ta? Rix xa xitzeqelibej ch'aqa' chik dios, achi'el nuben jun ixoq itzel ruk'aslen. Jak'a yin Jehová ninbij chi kixtzolin chik pe wik'in.

Deut 12:2

Chupan ronojel ri tinamit ri xke'ich'ek, xke'iwulaj k'a jumul ronojel ri akuchi nikiya' kiq'ij ri ki-dios; pa ruwi' taq juyu', chuwa taq juyu' y chuxe' che' ri ek'o k'iy kixaq y kiq'a'.

San Lucas 16:23

Jak'a rija' xa xbe akuchi k'o tijoj-poqonal. Rija' xtzu'un-pe, y jari' toq xutz'et ri Abraham, k'a nej k'a k'o-wi. Xutz'et k'a chuqa' ri Lázaro raq'el-apo chuwa-ruk'u'x ri Abraham.

Ez 16:16

Ri atziaq ri xinya', rik'in ri' xe'abanala' taq jay pa taq ruwi-q'anej juyu' y chiri' xe'abanala' itzel taq banobel, achi'el nuben jun ixoq itzel ruk'aslen.

Wuj Richin ri Jeremías 7:29

Rix winaqi' richin ri tinamit Jerusalem tisokaj ri rusumal-iwi' y tik'aqa-el y kixbe'oq'-q'anej pa ruwi' la juyu'. Roma ri Jehová kan xixrixowaj yan y xixrumestaj yan kan, roma kan ja rix ri xixbanon chire richin xyakatej royowal chiwij, kacha' chike.

Wuj Richin ri Jeremías 3:21

K'o k'a jun raqoj-chi'ij ri xak'axatej ri pa taq ruwi' juyu'; y ri' ja ri kiraqoj-chi'ij ri israelita, ri ye'oq' y nikik'utuj to'onik, roma xa xkich'er kan ki' rik'in ri choj laj bey y xa xinkimestaj kan yin.

Wuj Richin ri Jeremías 3:9

Ri tinamit Israel kan man xkich'ob ta ri xkiben y xkitz'ilobisaj ri kiruwach'ulew. Y rije' xa xekitzeqelibej ch'aqa' chik dios achi'el nuben jun ixoq itzel ruk'aslen yerutzeqelibej ch'aqa' chik achi'a' y xkiya' kiq'ij ri abej y ri che' ri janila kixaq.

Wuj Richin ri Jeremías 2:23

¿Achi'el toq nibij chi man ix tz'ilobitajineq ta, ni man jun bey xitzeqelibej ch'aqa' chik dios? Toqaqa chi'ik'u'x ri ibanobal ri xiben chiri' pa taq'aj kojol juyu'.*f2* Toqaqa k'a jebel chi'ik'u'x ri achike ri e ibanalon. Rix xa kan xitzeqelibej achi'el nuben jun ixoq camello ri nibujuj richin nukanoj jun achij y xabakuchi nibe-wi.

Wuj Richin Etamabel-Tzij 23:28

Ri ixoqi' ri' kan nuben k'a achi'el jun eleq'om toq yeroyobej ri winaqi'; kan nuben chike ri achi'a' chi yetzaq pa mak.

Wuj Richin Etamabel-Tzij 7:11

Ri ixoq ri' kan niq'alajin k'a chi janila najowan y jebel rubanik richin nich'on. Kan man nukoch' ta nik'oje' pa jay, y xaxe ta pa bey nrajo' nik'oje-wi.

2 Rey 23:13

Chirij re', ri rey kan xerelesaj-el chuqa' ri akuchi nikiya' kiq'ij wachibel pa ruwi' ri juyu' Olivo, ri k'o pa relebel-q'ij chire ri tinamit Jerusalem y xuwulaj-el ri porobel ri xerupaba' kan ri Salomón richin nikiya' kiq'ij ri itzel dios Astarté ri ki-dios ri aj-Sidón, ri Quemós ri ki-dios ri aj-Moab y ri Milcom ri itzel ki-dios ri aj-Amón.

1 Rey 11:3

y xek'oje' e 700 rixjayil ri kan más kejqalen, y ek'o chuqa' 300 ru-concubina.*f6* Ja ixoqi' re' ri xesacho ruk'u'x ri Salomón,

Ez 20:28

Yin xenkusaj chupan ri ruwach'ulew ri xinya' chike, jak'a rije' toq xkitz'et jun juyu' o jun che' jebel ruxaq, kan chiri' k'a xkisuj-wi ri kikamelabal, chiri' k'a xkiya-wi ri kisipanik, chiri' k'a xkisuj-wi ri jebelej pom y chuqa' xkitix ri sipanik richin vino chikiwech ri wachibel. Y ronojel re' xa kan xuben chuwe richin xuyek janila woyowal.

Wuj Richin Bix Chire ri Dios 106:38

Xekikamisaj k'a ri kalk'ual ri xa man jun kimak. Xekisuj k'a chikiwech ri wachibel ri e kibanon ri aj-Canaán. Y roma ri' xkitz'ilobisaj k'a ri ruwach'ulew ri' rik'in ri kik'.

Wuj Richin ri Jeremías 3:13

Toqaqa k'a chi'ik'u'x chi kan ix makuwineq y kan ix yakatajineq chuwij yin ri in iwajaw, ri i-Dios. Kan chi'anin xe'itzeqelibej ch'aqa' chik dios chiri' chuxe' taq che' ri kan janila kixaq y kan man xinimaj ta nutzij. Ja yin Jehová ri yibin.

Wuj Richin ri Jeremías 12:12

Xkepe k'a ri itzel taq achi'a' pa ruwi' chijun ri juyu' richin ri tz'iran ruwach'ulew ri', roma rije' e achi'el jun nu-espada ri xtik'ison ri jun ruchi' k'a ri jun chik ruchi' ri ruwach'ulew y kan man jun chik nuwinaq ri xtikolotej kan.

Os 2:5

Ri te'ej xa xutz'ilobisaj ri ruk'aslen, xa ruyon rija' xuqasaj ruq'ij roma xubij-qa: Kentzeqelibej na ri ye'ajowan wichin. Rije' kan xtikiya' k'a ri nukaxlan-way y ri nuya'. Kan xtikiya' k'a nutziaq ri e banon rik'in lana y lino. Kan xtikiya' k'a ri nu-aceite y ronojel ri xtinqum, xcha-qa.