Wuj Richin ri Jeremías 3:1 - Kaqchiquel Bible

¹ Ri Jehová xch'on chik wik'in y xubij chuwe: Wi k'o ta jun achin nujech-ri' rik'in ri rixjayil y ri ixoq ri' nik'ule' ta rik'in jun chik achin, ¿nitikir kami ri nabey rachijil nitzolin rik'in re ixoq re'? ¿Roma ta kami ri' ri ruwach'ulew xtok man ch'ajch'oj ta? Rix xa xitzeqelibej ch'aqa' chik dios, achi'el nuben jun ixoq itzel ruk'aslen. Jak'a yin Jehová ninbij chi kixtzolin chik pe wik'in.

Wuj Richin ri Jeremías 3:1 ပူးပေါင်းရင်းမြစ်များ

Ez 16:26

Chuqa' xasuj-awi' chikiwech ri aj-Egipto, winaqi' ri kan k'o-wi janila kuchuq'a' y kan jebel nikina' yemakun. Roma ri' xaben chuwe richin xyakatej janila woyowal.

Wuj Richin ri Jeremías 4:1

Yin Jehová kere' ninbij: Rix nuwinaq israelita, wi ta niwajo' nitzolin-pe ik'u'x, titzolin k'a pe ik'u'x wik'in yin. Tiwelesaj k'a el chi'ikojol ri wachibel ri kan man utz ta nintz'et y kan man tijech'ej chik el iwi' wik'in yin.

Wuj Richin ri Jeremías 2:20

Kan k'o yan chik q'ij ri ix yakatajineq-pe chuwij. Kan man xiwajo' ta xinimaj nutzij y xibij chi man niwajo' ta yinisamajij. Roma ri' pa ruwi' taq juyu' y chuxe' ronojel che' ri janila kixaq, chiri' xijech-wi-iwi' pa kiq'a' ch'aqa' chik dios, achi'el nujech-ri' jun ixoq ri itzel ruk'aslen pa ruq'a' jun chik achin.

Os 1:2

Toq ri Jehová xuchop nich'on wik'in, kere' xubij: Oseas, kak'ule' rik'in jun ixoq itzel ruk'aslen y kek'oje' awalk'ual rik'in ri e achi'el ri ruk'aslen rija'. Roma ri tinamit Israel xa janila xutz'ilobisaj-ri' achi'el jun ixoq ri yerukanola' achi'a' richin nimakun kik'in, xcha' chuwe.

Ez 33:11

Jak'a yin Jehová ninbij chi man ninwajo' ta chi niken jun wineq, stape' rujachon-ri' chubanik etzelal. Ri ninwajo' yin chi nujel ta ri ruk'aslen y xtiyaloj xtik'ase'. Roma ri' tabij chike chi tikiya' kan ri itzel k'aslen richin man yeken ta.

Wuj Richin ri Jeremías 4:14

Winaqi' richin Jerusalem, tich'ajch'ojirisaj k'a ri iwánima richin xkixkolotej. Tiya' kan ri itzel taq ich'obonik,

Wuj Richin ri Jeremías 3:9

Ri tinamit Israel kan man xkich'ob ta ri xkiben y xkitz'ilobisaj ri kiruwach'ulew. Y rije' xa xekitzeqelibej ch'aqa' chik dios achi'el nuben jun ixoq itzel ruk'aslen yerutzeqelibej ch'aqa' chik achi'a' y xkiya' kiq'ij ri abej y ri che' ri janila kixaq.

Wuj Richin ri Jeremías 2:23

¿Achi'el toq nibij chi man ix tz'ilobitajineq ta, ni man jun bey xitzeqelibej ch'aqa' chik dios? Toqaqa chi'ik'u'x ri ibanobal ri xiben chiri' pa taq'aj kojol juyu'.*f2* Toqaqa k'a jebel chi'ik'u'x ri achike ri e ibanalon. Rix xa kan xitzeqelibej achi'el nuben jun ixoq camello ri nibujuj richin nukanoj jun achij y xabakuchi nibe-wi.

Wuj Kichin ri To'onela' 19:2

Y ri ixoq ri' xanimej-el rik'in ri rachijil, y xbe chirachoch ri rutata' ri k'o pa Belén. Y kaji' yan k'a ik' k'o chiri'

Wuj Richin ri Miqueas 2:10

Kixyakatej k'a y tichapa' bey roma rix man xtiwil ta chik uxlanibel-k'u'x chuwech re ruwach'ulew. Iwoma rix re ruwach'ulew re' man ch'ajch'oj ta chik, y roma ri' xtiwulex kan.

Wuj Richin ri Jeremías 3:22

Titzolej k'a pe ik'u'x wik'in, rix alk'ualaxela' ri ix yakatajineq chuwij y yin xkixinwaq'omaj rik'in ri iyakatajinenri'il. Y rije' nikibij: Jare' ojk'o wawe' chawech richin yojch'on-q'anej awik'in, roma kan ja rat ri at qa-Dios.

Wuj Richin ri Jeremías 2:7

Yin xenk'en-pe chupan re ruwach'ulew akuchi jebel nuya' ronojel ruwech tiko'n, richin chi nikitej ri ruwech y ronojel ri nuya' chiri', jak'a rix toq xixok chupan, xa xitz'ilobisaj ri nuruwach'ulew y xiben chire chi yin man utz ta chik nintz'et.

Wuj Richin ri Isaías 24:5

Ri ruwach'ulew kan xok man ch'ajch'oj ta roma rije' kan man xkitaqej ta ri pixa'. Kan man xkiben ta ri xbix chike, y kan xkiq'ej ruwi' ri jikibel-tzij richin ri Dios.

Deut 22:21

k'ari' xtelesex-el chuchi' ri rachoch ri rutata' y ri achi'a' richin ri tinamit ri' xtikikamisaj chi abej, roma kan janila nim ri itzel xuben pan Israel, roma xk'oje' yan achin rik'in toq k'a k'o na pa rachoch ri rutata'. Y keri' xtelesex ri etzelal chi'ikojol rix.

San Mateo 5:31

Y chuqa' iwetaman chi ri ojer kan xbix chi wi jun achin ri man nrajo' ta chik ri rixjayil y nujech-ri' rik'in; tubana' jun wuj ri richin jachojri'il y tuya' chire ri ixoq.

Wuj Richin Bix Chire ri Dios 106:38

Xekikamisaj k'a ri kalk'ual ri xa man jun kimak. Xekisuj k'a chikiwech ri wachibel ri e kibanon ri aj-Canaán. Y roma ri' xkitz'ilobisaj k'a ri ruwach'ulew ri' rik'in ri kik'.

Wuj Richin ri Jeremías 22:20

Rix ri aj-Jerusalem, ¡Kixjote-el pa ruwi' ri juyu' richin Líbano, kixbiyin pa ruwach'ulew Basán o pan Abarim! y chiri' tiraqa' ichi' roma konojel ri ye'ajowan iwichin, kan xech'akatej yan.

Wuj Richin ri K'uxla'anik 1:2

Ri pa taq chaq'a' kan nuk'is-ri' chi oq'ej. Ri ruya'al runaq' taq ruwech kan nibiyin k'a qa chupalej. Man jun k'a chike ri xe'ajowan richin ri nikuquban ta juba' ruk'u'x. Konojel k'a ri e rachibil xa xepiskolin chirij y xe'ok etzelanel richin.

Os 2:2

Ri Jehová xubij chik chuwe: ¡Kan tisujuj k'a ri Israel rik'in ri itzel rubanobal! Roma rija' xa man wixjayil ta chik y yin xa man in rachijil ta chik. Tik'utuj utzil chire chi titane' chire ri itzel taq rubanobal, chi kerumestaj jumul ri achi'a' ri ye'ajowan richin.

Wuj Richin ri Jeremías 31:22

¿K'a janipe' k'a niya' kan ri yixbe-kela' yixbe-kela' niben? Rix ix achi'el jun alk'ualaxel ri man nunimaj ta tzij. Jak'a yin Jehová k'o jun k'ak'a' ri xintz'uk chupan re ruwach'ulew re'; ja ri man jun bey k'uluwachitajineq.

Ez 16:30

Roma ronojel re', yin Jehová ninbij chi rat kan janila yawa' ri awánima, roma naben itzel taq banobel achi'el nuben jun ixoq itzel ruk'aslen, ri kan man jun k'ix chuwech.

Ez 16:35

Rat Jerusalem abanon achi'el jun ixoq itzel ruk'aslen y roma ri' k'o chi xtawak'axaj ri nuq'atbel-tzij ri xtinya' pan awi'.