Wuj Richin ri Jeremías 26:4 - Kaqchiquel Bible

⁴ Tabij chike chi yin Jehová kere' ninbij: Tinimaj nutzij y tibana' achi'el nubij ri nupixa'.

Wuj Richin ri Jeremías 26:4 ပူးပေါင်းရင်းမြစ်များ

1 Rey 9:6

Jak'a wi rix y ri iwijatzul xtijech'ej kan iwi' wik'in yin y wi man xtitaqej ta ronojel ri nupixa' ri nuya'on chiwe, y xa xke'isamajij ri ch'aqa' chik dios y kan xtiya' kiq'ij,

Wuj Richin ri Jeremías 44:10

Rix k'a re wakami kan man iqasan ta k'a iwi', ni man jun rukiy chiwech, ni man itaqen ta achi'el ri nikibij ronojel pixa' ri xinya' chiwe rix y chike ri iwati't-imama'.

Wuj Richin ri Isaías 1:20

Jak'a wi man xtiwajo' ta xtinimaj nutzij, xa xkixkamisex k'a chi espada, roma ja yin Jehová ri yibin.

Hebreos 6:18

Ri Dios, kan qitzij wi ri nubij y man nitikir ta nutz'uk-tzij chirij ri rusujun y ri ya'on-tzij ri rubanon. Roma ri' k'o oyobenri'il qik'in roj pa ruwi' ri peteneq chiqawech.

Deut 31:20

Y toq yin xkenkusaj-apo chupan ri ruwach'ulew ri akuchi niwachin-wi ronojel ruwech tiko'n, ri ruwach'ulew ri kan nuya'on nutzij chire chi chike ri ite-itata' ninya-wi, toq rije' xewa-xe'uk'ya' yan richin xech'uch'u' y xeti'ojir yan, jari' toq xtikiya' kiq'ij ch'aqa' chik dios y xkinkimalij kan yin y xtikiq'ej ruwi' ri nujikibel-tzij.

Deut 11:32

kan titz'eta' k'a richin niben ronojel ri nubij ri pixa' ri ya'on chiwe.

Deut 4:44

Jare' k'a ri jalajoj ruwech pixa', ri xuya' ri Moisés chike ri ruwinaq:

Deut 4:8

¿Akuchi kami nilitej-wi jun nimalej ruwach'ulew ri kan k'o pixa' ri kan e choj achi'el ri ninya' chiwe wakami?

Wuj Richin ri Jeremías 17:27

Jak'a wi rix xa man ninimaj ta ri nupixa' richin man nich'er ta ri q'ij richin uxlanenri'il y k'a niq'axaj na apo ejqa'n pa taq ruchi' ri tinamit Jerusalem; wi keri' xtiben, kan xtuya' k'a pe q'aq' pa ruwi' ri tinamit. Y re q'aq' re' kan xtuk'is ri tinamit ri' y kan man jun xtitikir xtichupu, xcha' ri Dios.

Wuj Richin ri Jeremías 22:5

Jak'a wi rix man ninimaj ta re ch'abel re', kan ninbij k'a chi re jay richin q'atbel-tzij kan xtitole' kan. Yin Jehová ri yibin.

Wuj Richin ri Jeremías 32:23

Rije' xe'ok k'a chupan ri ruwach'ulew ri', jak'a xa man xkinimaj ta ri atzij, ni man xkiben ta achi'el nubij ri apixa'. Kan man jun k'a xkiben chire ronojel ri xabij chike k'a re wakami, roma ri' rat xaben chi xpe jun ruk'ayewal pa qawi'.

Wuj Richin ri Jeremías 44:23

Roma xixmakun chuwech ri Jehová y xisuj pom chikiwech ch'aqa' chik dios y man xinimaj ta ri xubij chiwe y man xitaqej ta ronojel pixa' ri ya'on chiwe, roma ri' xpe k'a re jun ruk'ayewal re' pan iwi' achi'el re wakami.

Wuj Richin ri Jeremías 7:14

Roma ri' achi'el xink'is ri tinamit Siló, keri' xtinbenk'isa' ri wachoch ri kan ch'aron chuwe yin ri k'o wawe', stape' kan xinya' chiwe rix y chike ri iwati't-imama' y ri achoq ik'in ikuquban-wi ik'u'x rix.