Wuj Richin ri Jeremías 22:3 - Kaqchiquel Bible

³ Kere' nubij ri Jehová: Tiq'ata-tzij pa ruchojmilal y tikolo' ri nitz'ilox roma jun chik wineq y man ke'iq'ol. Man kixeleq' kik'in ri man e iwinaq ta, ni kik'in ri meba'i', ni kik'in ri malkani'. Chuqa' man ke'ikamisaj ri winaqi' ri xa maneq kimak.

Wuj Richin ri Jeremías 22:3 ပူးပေါင်းရင်းမြစ်များ

Wuj Richin ri Jeremías 21:12

Rix ri aj pa rachoch kan ri rey David, kan tiq'ata' k'a tzij pa ruchojmilal ronojel q'ij. Kan tikolo' ri wineq ri nitz'ilox roma jun chik wineq. Roma wi man keri' ta xtiben y man niya' ta kan ri itzel taq ibanobal, ninwelesaj woyowal chiwij ri achi'el q'aq' rubanik. Nik'at k'a y man jun nitikir nichupun. Yin Jehová ri yibin.

Wuj Richin ri Miqueas 6:8

Ri Jehová kan ruq'alajirisan chik k'a chiqe ri utz ri k'o chi niqaben. ¿Achike k'a nrajo' chiqe roj? Rija' nrajo' k'a chi roj xaxe ta ri ruchojmilal ri niqaben. Nrajo' chi niqajoyowaj ta kiwech ri ch'aqa' chik winaqi', y rik'in qasanri'il niqanimaj rutzij ri Dios.

Wuj Richin ri Jeremías 22:17

Jak'a rat xaxe nawajo' richin nik'oje' ta más améro ri man ach'akon ta pa ruchojmilal. Kan xe'akamisaj ri winaqi' ri xa maneq kimak y kan janila xe'aya' pa tijoj-poqonal.

Santiago 1:27

Roma ri kan qitzij nuya' ruq'ij ri Dios, yerutola' ri malkani' taq ixoqi' y ri ak'uala' ri e maneq chik kite-kitata', y chuqa' man nunim ta chik ri' chupan ri etzelal richin re ruwach'ulew.

Ez 22:7

Ek'o winaqi' chi'ikojol ri man nikiya' ta kiq'ij ri kite-kitata'. Chuqa' rix niben chike chi nikitej poqon ri man e iwinaq ta, y kan nik'o chik ruwi' ri niben chike ri meba'i' y ri malkani'.

Wuj Richin ri Malaquías 3:5

Ri Jehová ri k'iytisanel richin ronojel kan xtipe richin noruq'ata-tzij pan iwi' rix. Chuqa' kan chi'anin xtuya' rutojbalil-mak pa kiwi' ri yebanon itz, pa kiwi' ri winaqi' e k'ulan yekikanoj ch'aqa' chik richin yek'oje' kik'in, pa kiwi' ri nijikiba' kitzij y xa man qitzij ta, pa kiwi' ri nikiq'ol jun kisamajel, jun malka'n, jun meba' o jun wineq ri man israelita ta, y pa kiwi' ri man nikiqasaj ta ki' chuwech ri Jehová.

Joel 3:19

Jak'a ri ruwach'ulew Egipto kan xtitole' kan, y ri Edom kan xtibe'ok jun tz'iran ruwach'ulew; roma kan xekikamisaj ri aj-Judá, y chupan ri kiruwach'ulew xbiyin kikik'el ri xa man jun kimak.

Wuj Richin ri Jeremías 9:24

Jak'a wi k'o ta jun ri nuna' ri' chi runimirisan-ri', kan tunimirisaj k'a ri' roma retaman chi ja yin Jehová y kan ronojel ninben rik'in ajowabel, ruchojmilal y joyowanik, roma kan jari' ri niqa' chinuwech. Yin Jehová ri yibin.

Wuj Richin ri Jeremías 5:28

Y kan janila e ti'oj, roma jebel yetzuq. Ri kimak kan ik'owineq chik ruwi' ri nikiben, roma man nikiben ta pa ruchojmilal kik'in ri meba'i', ni man nikiq'et ta tzij pa ruchojmilal pa kiwi' ri man jun ok k'o kik'in.

Wuj Richin ri Isaías 1:23

Ri e aj-raqen ri ek'o pan iwi' kan man e nimey ta tzij, y kan xe'ok kachibil ri eleq'oma'. Chikijujunal niqa' chikiwech chi yepuaqix, y xaxe sipanik nikajo' nikik'ul. Man nikiben ta pa ruchojmilal kik'in ri meba'i', ni man yekito' ta ri malkani' toq ek'o chuwech ri q'atbel-tzij.

Wuj Richin Etamabel-Tzij 23:10

Rat, kan man k'a tajeluj-apo ri ak'ulba't pa jun ulew, toq ri k'ulba't ri' kan ojer ri k'o-pe chiri'; chuqa' kan man katok-apo pa rulew ri xa maneq chik rute-rutata'.

Wuj Richin Bix Chire ri Dios 68:5

Ri Dios kan tata'aj k'a chike ri meba'i' y to'onel kichin ri malkani' Kan k'a chupan k'a ri rachoch yeruto-wi-pe.

2 Rey 24:4

Y chuqa' rija' xuben chi xbiyin kikik'el ri winaqi' ri maneq kimak. Roma ri' ri Jehová man xukuy ta ri rumak.

Deut 24:7

Wi jun wineq nilitej chi releq'an-el jun ruwinaq richin nibe'ok rusamajel o richin nuk'ayij-el, ri nibanon keri' kan xtikamisex, richin nik'is-el ri etzelal chi'ikojol rix.

Wuj Richin ri Jeremías 26:16

K'ari' ri e aj-raqen y ri winaqi' richin ri tinamit xkibij chike ri e sacerdote y chike ri nikibananej chi e q'alajirisey ri ruch'abel ri Dios chi man jun achike roma yinkikamisaj, roma yin xich'on kik'in pa rubi' ri Jehová.

Wuj Richin Etamabel-Tzij 6:17

Y jare' k'a ri wuqu' banobel ri más nretzelaj rija': Ri nimirisanen; ri tz'ukuj-tzij; ri banoj kamik;

Wuj Richin Bix Chire ri Dios 94:21

Ri winaqi' ri' xa kan nikimol k'a ki' richin nikelesaj ri ruk'aslen ri utzilej wineq. Nikiben k'a chire ri maneq rumak, chi nutoj rumak.

Wuj Richin Bix Chire ri Dios 94:6

Kan yekikamisaj k'a ri malkani' y ri winaqi' man e qawinaq ta. Yekikamisaj k'a chuqa' ri meba'i' roma kan man yetikir ta nikito-ki'.

Wuj Richin ri Achin Job 24:9

Y kan ek'o k'a chike ri itzel taq achi'a' ri kan yekimajila-el ri taq ak'uala' maneq chik kitata', chikiwech ri teja', stape' k'a yetz'uman na. kan ja ri ak'uala' yekik'en chuwech ri kik'as ri winaqi' ri man jun k'o kik'in.

Wuj Richin ri Achin Job 22:9

Y toq ri ixoqi' malkani' xbekik'utuj to'onik chawe, kan man jun xaya' pe chike, kan xaben chike ri meba'i' ak'uala' chi xkitej poqon.

2 Sam 23:3

Ri qa-Dios roj israelita xch'on. Ja ri to'onel qichin ri xbin re ch'abel re' chuwe: Toq jun niq'aton-tzij pa ruchojmilal, kan achi'el ri saqil ri nel-pe nimaq'a' yan ri man jun sutz' k'o chuwech. Toq jun q'atoy-tzij kan k'o rukiy ri Dios chuwech, kan achi'el ri job ri nibanon chi nibek'ulun-pe ri q'ayis pan ulew.

Deut 25:1

Toq k'o jun oyowal chikikojol e ka'i' achi'a', k'o chi ye'uk'uex chuwech ri q'atbel-tzij, richin niq'at-tzij pa kiwi'. Y ri to'onela' nikiq'alajirisaj ri achike ri aj-mak y nikiya' ri rutojbalil pa ruwi'.

Deut 10:18

Rija' kan yeruto' k'a ri meba'i' y ri malkani', y chuqa' kan yerajo' ri man e aj pa qatinamit ta, y roma ri' kan nuya' kiway y kitziaq.

Wuj Richin ri Chojmirisabelri'il 19:15

Toq niben ri q'atoj-tzij, kan tibana' pa ruchojmilal; man roma ta jun wineq ri man jun k'o rik'in nijoyowaj ta ruwech, ni man roma ta chi jun beyom nixibij ta iwi' chuwech. Xa kan pa ruchojmilal k'a tibana' kik'in ri iwinaq.

Wuj Richin ri Miqueas 3:11

Ri e q'atoy taq tzij xa k'o chi yepuaqix na richin nikiq'et-tzij. Ri e sacerdote xa roma k'a méro toq yetijon. Y ri e q'alajirisanela' xa kan nikik'utuj kajel richin nikibij ri niq'alajirisex chikiwech. Stape' rije' nikiben ronojel re', kan nikibij chi ri Jehová kan k'o kik'in. Y chuqa' nikibij chi man jun ruk'ayewal xtiqaqa pa kiwi' rije' roma kan k'o ri Jehová kik'in.

Ex 22:22

Man ke'iya' pa tijoj-poqonal ri meba'i' y ri malkani' taq ixoqi'.

San Mateo 23:23

¡Xa kan toq'ex k'a iwech rix etamanela' chirij ri pixa' y rix fariseo ri xa ka'i' ipalej! Roma rix kan niya' ri lajujteq chire ronojel ri man kan ta janila rejqalen, achi'el ri q'ayis menta, ri anís y ri comino. Jak'a xa iya'on kan rubanik ri más rejqalen achi'el nubij chupan ri pixa' chi choj tibana' kik'in ri winaqi', chi tik'oje' joyowanik iwik'in y qitzij chi kuqurineq ta ik'u'x rik'in ri Dios. Jare' ri nabey ta ruk'amon ibanon, y k'a ta ri' niben ri yixajin chubanik.

Ex 22:21

Man ke'iya' pa tijoj-poqonal y man ke'iya' pa bis ri winaqi' ri man e iwinaq ta ri ek'o chi'ikojol, roma rix xixok chuqa' achi'el rije' toq xixk'oje' pan Egipto.

Wuj Richin ri Isaías 58:6

Man keri' ta ri rubanik. Ri meway ri niqa' chinuwech yin, chi ke'iwisq'opej ri e ximil y xa man jun kimak. Chuqa' ke'iwisq'opej-el ri e ijitz'on pa samaj, y tiya-el q'ij chi ketotej-el ri winaqi' ri ek'o pa latz'. Y man chaq ke'iya' pa poqon ri winaqi'.

Wuj Richin ri Isaías 58:7

Chuqa' kan tiya' ri iway chike ri maneq kiway, y kan tik'ulu' pan iwachoch ri maneq rachoch roma man iwinaq ta. Ri maneq kitziaq, kan tiya' kitziaq, y man tiya' kan richin ye'ito' ri iwach'alal.

Wuj Richin ri Jeremías 7:23

Xaxe xinbij chike chi wi nikak'axaj ri nuch'abel, yin xkinok ki-Dios y rije' xke'ok nutinamit. Chuqa' wi xkebe chupan ri nubey, kan utz k'a xkebe ri'.

Wuj Richin ri Jeremías 19:4

Roma ri winaqi' israelita xinkimalij kan y kan xkiben chire ri taq'aj ri' chi xenoj chi dios ri man e aj wawe' ta y man xketamaj ta kiwech ri iwati't-imama', ni ri e rey ri xek'oje' ojer kan. Y wawe' xisuj pom chikiwech y kan xinojisaj ri tinamit rik'in kik' roma xe'ikamisaj ri winaqi' ri xa man jun kimak.

Wuj Richin ri K'uxla'anik 3:36

toq nijal rubanik ri qitzij toq k'o jun ch'ojikil, ronojel re banobel re' kan man utz ta nutz'et ri Jehová.

Ez 18:12

xa kan nuben chike richin nikitej poqon ri man jun k'o kik'in. Xa kan neleq' y toq nuya' méro pa qajik man nutzolij ta chik el ri retal ri xya'ox kan chire roma ri qajonel. Kan nukuquba' ruk'u'x rik'in ri wachibel y yeruben banobel ri kan man utz ta nintz'et.

Ez 45:9

Yin Jehová ninbij: Rix ri ix q'atoy taq tzij richin ri Israel, man chik ke'iben ch'a'oj ni man chik tiben chike richin nikitej poqon ri nuwinaq. Xa kan tibana' ronojel pa ruchojmilal y rik'in ruch'ajch'ojil. Man chik timej kulew ri nutinamit.

Am 5:24

Yin ninwajo' chi man kixtane' chubanik ri ruchojmilal, achi'el jun raqen-ya' ri chaq palik nibiyin, y man jun bey nipa'e-qa. Kan ta palik utz niben achi'el ri raqen-ya' ri man jun bey nichaqi'j-qa.

Deut 24:17

Kan tibana' pa ruchojmilal kik'in ri man e iwinaq ta y ri meba'i'. Y chuqa' man tik'utuj jun rutziaq ri malka'n richin qajbel richin ri ruk'as.

Wuj Richin Bix Chire ri Dios 82:4

Ke'ikolo' ri maneq kuchuq'a', keri' chuqa' ri man jun k'o kik'in. Ke'ikolo' k'a pa kiq'a' ri e banoy taq etzelal.

Ez 18:7

Ri wineq ri man xkeruya' ta pa tijoj-poqonal ri ch'aqa' chik y toq nuya' méro pa qajik xa kan nutzolij ri retal ri xya'ox chire roma ri qajonel. Rija' man neleq' ta y kan nuya' k'a kiway ri yewayjan y nuya' kitziaq ri maneq kitziaq.

Am 5:15

Rix ri ix rijatzul kan ri José, tiwixowaj ri itzel y tiwajo' ri utz. Kan tik'oje' ruchojmilal chikiwech ri to'onela'. Wi keri' xtiben, rik'in juba' xtinjoyowaj iwech yin Jehová ri Dios ri k'o ronojel uchuq'a' wik'in ri yibin.