Wuj Richin ri Jeremías 2:5 - Kaqchiquel Bible

⁵ ¿Achike ta k'a ri man utz ta xkitz'et chuwij ri ite-itata' richin xinkimalij kan? ¿Achike kami roma xa xekitzeqelibej ch'aqa' chik dios ri xa man jun kejqalen y kiyon rije' xkiben-qa chi maneq chuqa' kejqalen?

Wuj Richin ri Jeremías 2:5 ပူးပေါင်းရင်းမြစ်များ

2 Rey 17:15

Xa man xkitaqej ta ri pixa', y chuqa' man xkajo' ta xkitzeqelibej ri jikibel-tzij ri rubanon ri Jehová kik'in ri kite-kitata'. Pa ruk'exel ri' xa xekitzeqelibej dios ri xa man jun kejqalen, y xa kiyon rije' xkiben chi maneq kejqalen. Ri Jehová xubij chike chi kan man nikiben ta ri achi'el ri ch'aqa' chik winaqi' aj-Canaán, jak'a rije' xa xekitzeqelibej ri itzel taq banobel.

Romanos 1:21

Roma kan chikiwech k'a ek'o-wi ri yeq'alajirisan chi k'o Dios, xa jak'a rije' man kiya'on ta ruq'ij-ruk'ojlen achi'el ruk'amon chi niban, ni man kimatioxin ta chire. Pa ruk'exel chi keri' xa ja ri man jun kejqalen ri yekich'ob; xa e nakaneq y q'equmatajineq ri kánima.

Wuj Richin ri Jonás 2:8

Ri yetzeqeliben kichin ch'aqa' chik dios ri man jun kejqalen, xa niketzelaj k'a kan ri awutzil y ri ajoyowanik rat.

Wuj Richin Bix Chire ri Dios 115:8

Kan e achi'el k'a re wachibel re', e keri' ri winaqi' ri yebanon kichin; e keri' chuqa' konojel ri nikikuquba' kik'u'x kik'in.

Wuj Richin ri Isaías 44:9

Ri Isaías nubij: Konojel ri yebanon kichin ri wachibel, xa kan man jun kejqalen; roma stape' kan jebel ok rubanik ri yekiben chike, xa kan man jun yek'atzin-wi. Y ri winaqi' ri nikiya' kiq'ij ri wachibel xa e moyi'. Xa man jun ketaman, y roma ri' xa kan yek'ixbitej.

1 Sam 12:21

Man tich'er kan iwi' richin yixbe chikij ch'aqa' chik dios ri man yixkito' ta, ni man yixkikol ta, roma xa man jun kejqalen.

Deut 32:21

Xiben chuwe richin itzel xinna' chiwe, roma rix xiyala' kiq'ij ch'aqa' chik dios. Y chuqa' xiyek woyowal, roma kan xe'itzeqelibej ch'aqa' chik dios ri xa man jun yetikir nikiben. Wakami kan xtinben k'a chiwe richin itzel xtina' chuwe. Y xtinyek iwoyowal, roma rix ix jun tinamit nakanik.

Hechos 14:15

¿Achike roma toq rix niben kere'? Roj oj winaqi' achi'el rix, y oj peteneq iwik'in richin noqabij chiwe chi timestaj kan re na'oj ke taq re', ri xa man jun utz nuk'en-pe chiwe, y tinimaj k'a ri k'aslik Dios ri banayon ri kaj y ri ek'o chupan, ri banayon re ruwach'ulew y ri ek'o chuwech, ri banayon ri palou y ri ek'o chupan.

Wuj Richin ri Jeremías 2:31

Rix winaqi' ri ix richin re sol winaqi' re'; tiya' jebel ixikin chire ri nuch'abel. ¿Man jun kami nuya'on chiwe rix? o ¿Man jun kami nuq'alajirisan chiwech? Nutinamit yin, ¿achike k'a roma nibij chi rix ix totajineq chuwech ronojel y man jun bey chik xkixtzolin wik'in?

San Mateo 15:8

Rix xaxe rik'in ri ich'abel niya' nuq'ij; jak'a ri iwánima xa kan k'o janila nej chuwe yin.

Ez 11:15

ri nuwinaq ri xek'oje' kan pa tinamit Jerusalem yech'on chiqij roj ri xojbe pa ximonri'il y nikibij chi roj ojk'o nej chire rija', y chike k'a rije' ri ek'o kan wawe' niya'ox-wi ri ruwach'ulew Israel richin ye'ok rajaw,

Wuj Richin ri Jeremías 14:22

¿K'o kami jun chike ri wachibel ri xa man qitzij dios ta, ri nitikir ta nuya-pe job? ¿Ja kami ri kaj ri niya'on-pe ri job? ¡Ni, Jehová ri qa-Dios roj! Xaxe rat ri yaya'on-pe ri job, ja rat ri yabanon re ronojel re'. Roma ri' ronojel niqoyobej awik'in rat, xicha' chire.

Wuj Richin ri Jeremías 12:2

Ja rat xatikon kichin achi'el jun che' y rije' ruk'amon-qa jebel kixe'; xek'iy-q'anej y xkiya' kiwech jebel. Stape' rije' yech'on pan abi', ri kánima kan nej k'a k'o kan chawe rat.

Wuj Richin ri Jeremías 10:8

Konojel rije' xa maneq kina'oj y xa maneq kinojibal, roma xa xketamaj kik'in ri wachibel ri e banon rik'in che'.

Wuj Richin ri Isaías 29:13

Rix xaxe rik'in ri ich'abel niya' nuq'ij; jak'a ri iwánima xa kan k'o janila nej chuwe yin. Y toq niya' nuq'ij, xaxe nikamuluj pixa' ri e banon koma winaqi'.

Wuj Richin ri Isaías 46:12

Kiniwak'axaj k'a rix ri kan kow iwánima, ri kan ixk'o nej chire ri ruchojmilal.

Wuj Richin ri Jeremías 2:4

Tiwak'axaj k'a ri nuch'abel yin Jehová, rix ri ix rijatzul kan ri Jacob.

Wuj Richin ri Jeremías 8:19

Ri raqoj-chi'ij kichin ri nuwinaq nak'axatej chupan chijun ri ruwach'ulew y nikibij: Ri Jehová maneq chik wawe' pa qatinamit Sión. ¿Man qa-rey ta kami chik rija'?, xkecha'. Jak'a ri Jehová nubij: ¿Achike roma xiya' q'axo'n chuwe toq niya' kiq'ij ri wachibel, toq niya' kiq'ij dios ri xa man jun yek'atzin-wi y man iwetaman ta kiwech?, xcha'.

Ez 14:5

K'ari' yin xtinsiloj kánima konojel ri awinaq ri xkijech'ej kan ki' wik'in roma xa xekiya' kiq'ij wachibel.