Wuj Richin ri Jeremías 2:2 - Kaqchiquel Bible

² Kabiyin pa tinamit Jerusalem y tabij chike ri winaqi' chi ja ch'abel re' ri ninbij yin chike: Noqaqa k'a chinuk'u'x chi ri pa rutikeribel, ri ite-itata' kan kiniman-wi nutzij, achi'el nuben jun ixjayilonel ri k'a juba' tik'ule', ri janila nrajo' ri rachijil. Ri ite-itata' kan xinkitzeqelibej pa tz'iran ruwach'ulew.

Wuj Richin ri Jeremías 2:2 ပူးပေါင်းရင်းမြစ်များ

Ez 16:60

Jak'a ri chawech-apo, yin kan xtinben jun utzil chawe, achi'el nubij ri jikibel-tzij ri nubanon awik'in toq rat k'a at xten na. Y kan xtinben k'a jun k'ak'a' jikibel-tzij awik'in richin q'asen.

Ez 16:8

Chirij ri' xiq'ax chik jun bey chi'anaqaj y xintz'et chi k'o chik ajuna' richin nawajo' achin. Y xinrik' ri nuq'a' chawij richin xatinkuch y xinxim nutzij awik'in, richin xatok wichin.

Wuj Richin ri Jeremías 11:6

Chuqa' ri Jehová xubij chuwe chi tinwelesaj rutzijol re ch'abel re' pa taq tinamit richin Judá y pa taq bey richin Jerusalem. Y jare' ri rutzijol: Tiwak'axaj re ch'abel ri k'o chupan re jikibel-tzij re' y kan tibana' k'a achi'el ri nubij.

Wuj Richin ri Jeremías 7:2

Kak'oje' chiri' chuchi' ri wachoch ri k'o chuwa-jay y taya' re jun rutzijol re' chike ri awinaq.

Deut 2:7

Ri Jehová ri qa-Dios kan ruya'on k'a urtisanik pa ruwi' ronojel ri qabanon-pe; y kan oj ruchajin k'a pe chupan re jun nimalej tz'iran ruwach'ulew re'. Kan chupan k'a chi kawineq juna' k'o-pe qik'in y man jun ri man ta xuya' chiqe.

Os 2:15

Xtintzolij chik k'a chire ri rutiko'n richin uva. Ri taq'aj k'o kojol juyu' richin Acor kan xtok k'a ruchi' ri oyobenri'il chire rija'. Chiri' pa tz'iran ruwach'ulew xtibixan chik k'a rik'in kikoten achi'el ri q'ij toq xk'oje' chupan ri ruq'opojil, achi'el ri q'ij toq xel-pe pan Egipto.

Wuj Richin ri Jeremías 2:6

Rije' kan man xoqaqa ta k'a chikik'u'x akuchi ink'o-wi yin ri xinelesan-pe kichin pan Egipto y xenyuqej chupan ri tz'iran ruwach'ulew; jun ruwach'ulew nojineq rik'in nimalej taq siwan, ruwach'ulew akuchi maneq ya' y akuchi chi'anin yaken, jun ruwach'ulew akuchi man jun wineq niq'ax y ni man jun nik'oje' chiri'.

Deut 8:2

Y toqaqa k'a chi'ik'u'x ri tijoj-poqonal ri xqak'owisaj-pe toq xojruk'en-pe ri Jehová ri qa-Dios re kawineq juna' re', chupan re tz'iran ruwach'ulew, richin xqetamaj ta ri qasanri'il chuwech rija' y richin xojrutejtobej, chuqa' richin xretamaj ri achike k'o pa qánima y wi niqayek ri rupixa' o ni.

Ex 14:31

Y toq ri winaqi' israelita xkitz'et ri nimalej banobel ri xuben ri Jehová kik'in ri aj-Egipto, rije' xkixibij-ki' chuwech ri Jehová y xkikuquba' k'a kik'u'x rik'in y chuqa' xkikuquba' kik'u'x rik'in ri Moisés, ri rusamajel.

San Mateo 11:15

¡Rix ri k'o iwak'axabal, kan tiwak'axaj k'a ri xinbij!

San Lucas 12:13

Chuqa' jun chike ri kimolon-apo-ki' chiri' xubij chire ri Jesús: Tijonel, tabana' utzil kach'on rik'in ri wach'alal y tabij chire chi tuya-pe ri k'o chi ninwichinaj kan yin, xcha'.

Wuj Richin ri Jonás 1:2

Kabiyin chupan ri nimalej tinamit Nínive y taya' rutzijol chike, chi ri kimak kan xik'o yan ruwi', y roma ri' xkenk'is, xcha' ri Dios chire.

Os 8:1

Ri Dios nubij: Kan taxupuj k'a ri trompeta; ri etzelanel kan achi'el k'a kot ri peteneq pa ruwi' ri ruwach'ulew Israel. Roma ri israelita xa xkiq'ej ruwi' ri tununri'il ri qabanon kik'in. Xa man xkitaqej ta ri nupixa'.

Ez 23:19

Ri Oholibá kan más xuk'ayij ri' chubanik itzel k'aslen, xoqaqa k'a chuk'u'x ri xuben toq k'a xten na toq xk'oje' chiri' pan Egipto toq xuchop itzel k'aslen.

Ez 23:8

Man rik'in ri', kan man ruya'on ta kan ri itzel taq rubanobal kik'in ri aj-Egipto. Man xuya' ta kan ri itzel ruk'aslen y ri itzel banobel. Kan k'a pa ruq'opojil k'a toq janila e k'iy xek'oje' rik'in.

Ez 23:3

Ri e ka'i' ixoqi' re' kan k'a toq e xtani' na xkichop itzel k'aslen ri chiri' pan Egipto. Rije' xkiya' k'a q'ij richin xmal ri ruwa-kik'u'x y chiri' xqasex kiq'ij y xban chike chi man e xtani' ta chik.

Ez 16:22

Rik'in ri itzel ak'aslen kan man niqaqa ta chik chi'ak'u'x toq k'a at ti ko'ol na, toq man jani k'o atziaq y nabolqotila-awi' chupan ri akik'el.

Wuj Richin ri Jeremías 19:2

k'ari' kixel-el chiri' akuchi yetorix-wi ri paxineq taq bojo'y, chupan ri taq'aj Ben-hinom y xtach'abalij re ch'abel re':

Wuj Richin ri Isaías 58:1

Ri Jehová xubij k'a chire ri Isaías: Kan kow k'a kach'on, y man kakos richin yatane-qa. Kan kow k'a kach'on achi'el toq niq'ajan jun trompeta, y tabij chire ri nutinamit Judá, chi kan janila itzel ri kibanobal. Y tabij chuqa' chike chi janila kimak ri yekiben ri awinaq.

Wuj Richin ri Nimalej Bix 3:11

Rix, ixoqi' aj-Sión, kixel-pe richin no'itz'eta' ri rey Salomón. Rija' kan rukusan ri ru-corona ri xya'ox chire roma ri rute' richin ri ruk'ulubik. Y re q'ij re' ja re' ri q'ij más kikoten chire ri ruk'aslen.

Wuj Richin Etamabel-Tzij 1:20

Ri na'oj xa kan nuben achi'el jun wineq, nisik'in ri pa taq bey. Ri na'oj kan rik'in uchuq'a' nich'on, ri akuchi nikimol-wi-ki' ri winaqi'.

Ex 16:8

Re tiqaq'ij re' ri Jehová xtuya' ti'ij chiwe richin nitej, y ri nimaq'a' xtuya' ri aj-chikajil-wey chiwe richin xtinoj jebel ipan. Ri Jehová xrak'axaj ri ch'abel ri xe'ibila' chirij, roma xa kan chirij rija' xixxebexot-wi. Xa man chiqe ta roj ri xiben-wi keri', xa kan chire ri Jehová, xcha' chike.

Santiago 4:4

Rix ri ichapon chi niya' kan ri Dios, ¿man iwetaman ta k'a chi wi nibe iwánima chirij re ruwach'ulew, niq'alajin chi niwetzelaj ri Dios? Roma ri', rix ri iwojqan re ruwach'ulew, kan niq'alajin k'a chi ix etzelanel richin ri Dios.

Apocalipsis 2:4

Xa jak'a k'o ri man utz ta nintz'et chiwij; chi ri ajowabel ri xk'oje' iwik'in pa nabey, man ja ta chik ri' ri k'o iwik'in wakami.

Wuj Richin Bix Chire ri Dios 129:1

Kan k'a pa nuk'ajolil k'a ri janila in kitz'ilon-pe. Wakami tubij k'a ri tinamit Israel:

Wuj Richin ri Jeremías 2:1

Ri Jehová xch'on chik wik'in y xubij chuwe:

Wuj Richin ri Jeremías 3:4

Re wakami nibij chuwe: Qatata' roj o nibij chuwe chi ja yin ri ix wachibil richin pan iq'opojil.

Os 2:7

Ri ixoq ri' kan xkerutzeqelibej k'a el ri xe'ajowan richin jak'a xa man xkeberuq'i' ta. Xkerukanoj, jak'a xa man xkeril ta. K'ari' xtubij-qa: Kitzolej na rik'in ri nabey wachijil roma xa kan utz nubanon toq ink'o rik'in rija' ke chuwech re nubanon wakami, xticha-qa.

Deut 33:3

Kan qitzij na wi ri Jehová kan nrajo' ri rutinamit, konojel ri kijachon-ki' pa ruq'a' kan yeruchajij. rije' kan janila nikiqasaj-ki' chuwech, y chikijujunal kan nikak'axaj ri rutijonik.

Wuj Richin ri Nimalej Bix 3:6

¿Achike kami ri jotol-pe pa tz'iran ruwach'ulew, y nuyek poqolaj achi'el ja ta ri sib pa'el chikaj? Rije' kan yejubulin e peteneq rik'in ri ruxla' ri pom, ri mirra y ri jalajoj kiwech jubulej taq aq'om.

Os 2:17

Xtinwelesaj k'a pa ruchi' ri kibi' ri ch'aqa' chik dios. Kan man jun bey chik k'a xtunataj ri kibi'.

Os 9:10

Ri Dios nubij: Kan achi'el ri uva ri k'o pa tz'iran ruwach'ulew, keri' xinwil ri tinamit Israel. Kan achi'el k'a ri nabey taq ruwech ri wíkix, keri' xentz'et ri ite-itata'. Jak'a rije' xa kan xkiya' ruq'ij ri Baal-peor, xa xkich'er kan ki' richin xkiya' kik'ix, xa xkiben k'a chi xenwetzelaj kan yin, achi'el ri xekiyala' kiq'ij.

Os 11:1

Ri Dios nubij: Toq ri winaqi' israelita k'a juba' kek'iy-q'anej, yin kan janila xenwajo'. Keri', kan k'a pan Egipto xenwoyoj-wi ri e achi'el nuk'ajol.