Wuj Richin ri Jeremías 17:9 - Kaqchiquel Bible

⁹ Xa ruyon q'oloj k'o pa ránima ri wineq. Man nuben ta ronojel pa ruchojmilal. Y kan man jun nitikir niq'ax chuwech ri nuch'ob.

Wuj Richin ri Jeremías 17:9 ပူးပေါင်းရင်းမြစ်များ

San Mateo 15:19

Roma xa pa kánima k'a ri winaqi' yepe-wi ri itzel taq ch'obonik. Chiri' nipe-wi ri ch'obonik toq yekamisan. Chiri' chuqa' nipe-wi ri ch'obonik toq ri winaqi' ri e k'ulan y ri man e k'ulan ta nikikanola-ki' richin yemakun; chuqa' chiri' nipe-wi toq ye'eleq', toq yetz'uku tzij, y chuqa' toq yeyoq'on.

Wuj Richin ri Molojri'il 9:3

Chuqa' yin xinwil ri man utz ta ri yebanatej chuwech ri ruwach'ulew, chi xa kan konojel junan nikik'uluwachij, jun chik chi ri ruch'obonik ri wineq xa nojineq rik'in etzelal, y rokik k'a e k'es xa kan xaxe ri etzelal ri yekiben y chi xa kan chi'anin k'a xkeken-el.

Wuj Richin Etamabel-Tzij 28:26

Ri wineq kan nuk'ut k'a chi man jun ok retaman, toq ruyon rija' nuben chi k'o ruq'ij; jak'a ri wineq ri kan k'o-wi na'oj rik'in, kan man niqaqa ta chupan ri na'oj ri'.

Hebreos 3:12

Wach'alal, tichajij ri ik'aslen chi'ijujunal, richin chi beneq ta ruwech kuqul ik'u'x rik'in ri Dios, y chi man ta k'o itzel ri pa taq iwánima, richin keri' man ta xtiya' kan ri k'aslik Dios.

Wuj Richin ri Rutikeribel 6:5

Y ri Jehová xutz'et ronojel ketzelal ri winaqi' chi kan man utz ta ri kibanobal y ri kich'obonik, ri nalex-pe pa taq kánima, kan beneq ruwech janila itzel,

Wuj Richin ri Rutikeribel 8:21

Y ri Jehová kan xqa' chuwech y kan nijubulin ri ruxla' ri kamelabel, y xubij pa ránima: Man jun bey chik xtinya' ruk'ayewal pa ruwi' re ruwach'ulew roma ri rumak ri wineq; stape' ri wineq xaxe nuch'ob nimakun ri k'a pa ralaxik-pe; kan man k'a xkenkamisaj ta chik konojel ri k'o kik'aslen, achi'el re xinben wakami.

San Mateo 13:15

Roma re winaqi' re' kan xkikowirisaj ri kánima. Kan tabana' chike richin xketokonir. Chuqa' kan xkemoyir richin man xtikitz'et ta chik. Roma, man ninwajo' ta chi rije' xtikitz'et ri nubanobal, y chuqa' xtikak'axaj ri nuch'abel, y xkinkitzeqelibej ta chik. Y man ninwajo' ta chi xkenk'achojirisaj, nicha' ri Isaías.

Wuj Richin ri Jeremías 16:12

Y rix xa kan más k'a xiben chikiwech ri iwati't-imama', roma kan chi'ijujunal niben ri rurayibel ri iwánima y man iniman ta nutzij.

Wuj Richin Bix Chire ri Dios 51:5

Yin kan in aj-mak-wi, kan ja toq xitz'ukutej-q'anej. Kan in aj-mak chik toq xiruya' chuwach'ulew ri nte'.

Marcos 2:17

Toq ri Jesús xrak'axaj-pe ri nikibij ri achi'a' ri', xubij k'a chike: Ri man e yawa'i' ta man nik'atzin ta aq'omanela' chike. Jak'a ri e yawa'i', ri' kan k'atzinel-wi ri aq'omanel chike. Yin man xipe ta chikikanoxik ri janila winaqi' ri choj kik'aslen. Yin xipe chikikanoxik ri man choj ta kik'aslen richin nitzolej-pe kik'u'x, xcha'.

Romanos 1:21

Roma kan chikiwech k'a ek'o-wi ri yeq'alajirisan chi k'o Dios, xa jak'a rije' man kiya'on ta ruq'ij-ruk'ojlen achi'el ruk'amon chi niban, ni man kimatioxin ta chire. Pa ruk'exel chi keri' xa ja ri man jun kejqalen ri yekich'ob; xa e nakaneq y q'equmatajineq ri kánima.

Romanos 7:11

Ri mak xukusaj ri pixa' richin xiruq'ol y roma ri' xiken.

Efesios 4:22

Roma ri' tiya' kan ri itzel k'aslen ri xik'uaj toq rubanon kan, toq k'a man jani jalatajineq ta ri ik'aslen; toq xa k'a ix q'olotajineq na pa kiq'a' ri itzel taq irayibel.

2 Sam 11:15

Ri wuj ri' nubij chire ri Joab chi tuya' ri Urías chuwech ri oyowal akuchi k'o-wi más ruk'ayewal, y tikijech'ej-el-ki' rik'in richin niken.

Wuj Richin ri Isaías 1:5

¿Achike k'a roma k'a niwajo' na más tijoj-poqonal? ¿K'a niwajo' na yixk'oje' chupan ri iyakatajinenri'il? Rix kan ix achi'el jun wineq ri janila yawa'. Chijun ri ijolon kan janila k'a sokotajineq, y ri iwánima janila chik niq'axon,

Wuj Richin ri Isaías 1:6

roma ri imak kan achi'el chik ri sokotajik ri nuk'uaj jun wineq; nitiker k'a el pan iwaqen y napon k'a pan ijolon. Kan man jun chik utz chire ri ich'akul; xa kan xaxe chik k'a sokotajik, kajtajik y ch'a'k. Xa kan man banon ta iwaq'omal, ni man e pison ta rik'in jun tzieq, ni man e ya'on ta juba' aceite chiwij richin yixch'uch'u' ta juba'.

Wuj Richin ri Isaías 6:10

Y rat Isaías, kan tabana' chike re awinaq re' richin kan xtikikowirisaj ri kánima. Kan tabana' chike richin xketokonir. Chuqa' kan xkemoyir richin man xtikitz'et ta chik. Roma, man ninwajo' ta chi rije' xtikitz'et ri nubanobal, y chuqa' xtikak'axaj ri nuch'abel, y xkinkitzeqelibej ta chik. Y man ninwajo' ta chi xkenk'achojirisaj, xcha'.

Wuj Richin Bix Chire ri Dios 64:7

Jak'a ri Dios kan xkerusok k'a rik'in ri ruch'ab rija'. Y kan chaq k'ate' k'a xtiqaqa pa kiwi' jun nima-ruk'ayewal.

Wuj Richin ri Jeremías 7:24

Jak'a rije' man xkak'axaj ta, ni man xkinimaj ta nutzij. Xa kan ja ri itzel taq rurayibel ri kánima ri xuk'uan kichin. Pa ruk'exel chi xetzolin ta pe wik'in, xa xkipiskolij-el-ki' chinuwech.