Wuj Richin ri Jeremías 17:4 - Kaqchiquel Bible

⁴ K'o chi xtiya' kan ri ruwach'ulew ri xinsipaj chiwe richin xiwichinaj kan. Y kan xtinben chiwe richin kan xkixok iliy kichin ri e etzelanel iwichin, chupan jun ruwach'ulew ri kan man jun bey itz'eton, roma yakatajineq woyowal achi'el jun q'aq' y re' kan xkixruk'is.

Wuj Richin ri Jeremías 17:4 ပူးပေါင်းရင်းမြစ်များ

Wuj Richin ri Jeremías 15:14

Y rix xkixok loq'on samajela' kichin ri e etzelanel iwichin, chupan jun ruwach'ulew ri man iwetaman ta, roma kan yakatajineq woyowal achi'el q'aq' y kan xkixruk'is, xcha' chuwe.

Wuj Richin ri K'uxla'anik 5:2

Ri ulew ri qichinan kan, wakami xa xok kan kichin ch'aqa' chik winaqi'. Ri qachoch, xa winaqi' aj juk'an chik ri xek'oje' kan chupan.

Wuj Richin ri Jeremías 7:20

Roma ri' yin Jehová ninbij chi kan ninwisq'opej k'a ri woyowal pa ruwi' re tinamit re', pa kiwi' re winaqi', pa kiwi' ri kichikop, pa kiwi' ri kiche' y ri kitiko'n ri ek'o pa taq juyu' y ri woyowal xtuben achi'el jun q'aq' ri man nichup ta k'a toq xtuk'is na ronojel.

Wuj Richin ri Isaías 5:25

Roma k'a re banobel re' xyakatej janila royowal ri Jehová chiwij. Y roma ri' kan xtutzeqej k'a ri ruq'a' chiwij richin nuya' ri rutojbalil pan iwi'. Ri juyu' kan xkesilon k'a, y ri kich'akul ri qawinaq ri xkeken, kan xkepunupuxin pa taq bey; xa kan achi'el k'a q'ayis xtikiben. Man rik'in ri' ri royowal ri Jehová man jani tiq'ax, roma ri royowal rija' xa kan k'o k'a pan iwi'.

Wuj Richin ri Jeremías 16:13

Roma ri' xkixinwelesaj-el chupan ri iruwach'ulew y xkixinq'axaj chupan jun chik ruwach'ulew ri man jun bey itz'eton; ni rix y ni ta ri iwati't-imama'. Y chiri' xke'iya' kiq'ij ch'aqa' chik dios chi paq'ij chi chaq'a', roma yin man xtinjoyowaj ta chik iwech y kan man xkiniman ta chik chiwe, xkacha' chike.

Wuj Richin ri Isaías 14:3

Nuwinaq israelita, toq ri Jehová xtuben chiwe chi yixuxlan chire ri tijoj-poqonal, ri ruk'ayewal y ri ximonri'il ri ixk'o-wi,

Ez 21:31

Kan xtinwelesaj k'a woyowal chiwij. Rik'in ri ruq'aq'arinen ri woyowal kan xtitzijtej q'aq' chiwij y xkixinjech k'a pa kiq'a' ri e itzel taq winaqi' ri xkewulan ronojel.

Wuj Richin ri K'uxla'anik 1:12

Y rix ri janipe' yixq'ax chupan ri bey, kixpa'e' y titz'eta'. Tich'obo-qa wi k'o ta chik jun q'axo'n, achi'el re q'axo'n re qajineq pa qawi' roj. Ri Jehová kan xuya' k'a pe re tijoj-poqonal re' pa qawi' toq xyakatej janila royowal chiqij.

Wuj Richin ri Jeremías 12:7

Y ri Jehová xubij chik: Kan janila yenwajo' ri nuwinaq, jak'a wakami xtinmalij kan ri wachoch y chuqa' xkenmalij kan rije' y kan xkenjech kan pa kiq'a' ri e etzelanel kichin.

Wuj Richin ri Jeremías 5:29

Kan xtinya' rutojbalil-mak pa kiwi' roma ronojel re'. Yin Jehová ri yibin. Chi ninya' rutojbalil pa kiwi' ri winaqi' ri'.

Wuj Richin ri Isaías 66:24

Chirij re' xke'el-el richin xtikitz'et konojel winaqi' ri xeken roma xeyakatej chuwij yin. Y ri jut ri xkek'oje' chikij ri kich'akul man jun bey xkeken, y ri q'aq' ri achoq chupan xkebe-wi ri kaminaqi' ri' kan man jun bey xtichup. Y toq xtikitz'et konojel ri winaqi', kan xtimulun kik'u'x chirij. Yin Jehová ri yibin.

Wuj Richin ri Isaías 30:33

Kan k'o yan chik pe q'ij naban-pe pa ruwi' ri rey richin Asiria, ri akuchi xtik'at-wi. Ri akuchi niya'ox-wi ri q'aq' janila nim ruwech y kan janila nim rupan; y kan janila k'iy si' ukusan chire. Y kan ja ri Jehová ri xtiya'on ruq'aq'al achi'el nibiyin ri chuwilej-abej.

Wuj Richin ri Nehemías 9:28

Y toq k'o chik uxlanibel-k'u'x kik'in, jun bey chik xkiben ri etzelal chawech rat. Y roma ri' xe'amalij kan, y xaya' q'ij richin xeqaqa pa kiq'a' ri e etzelanel kichin y kan xekich'ek. Jak'a toq rije' xesik'in chik jun bey awik'in, rat kan k'a chila' chikaj xawak'axaj-pe ri raqoj-chi'ij, roma rat kan jantape' xajoyowaj kiwech y k'iy k'a mul xe'akol.

2 Rey 25:21

Y ri Nabucodonosor xerukamisaj chiri' pa Riblá pa ruwach'ulew Hamat. Keri' toq xe'elesex-el ri ch'aqa' chik aj-Judá pa kiruwach'ulew.

1 Rey 9:7

wi keri' xtiben, yin xkixinwelesaj-el chupan re ruwach'ulew re nuya'on chiwe. Y ri itinamit Israel kan xtitze'ex y chuqa' itzel rutzijoxik xtiban koma ri winaqi' kichin ch'aqa' chik tinamit chuwech re ruwach'ulew. Chuqa' re jay re akuchi niya-wi nuq'ij, xa kan xtinmalij kan.

Deut 28:25

Ri Jehová kan xtuben chi xkixrujech pa kiq'a' ri e etzelanel iwichin, y rix xkixanimej-el chikiwech. Xa kan itzel k'a xkixtz'et koma konojel ri winaqi' richin ri ruwach'ulew.

Wuj Richin ri Jeremías 2:14

¿Jun kami loq'on samajel ri tinamit Israel? ¿Man ix alaxineq ta kami pan iwachoch? ¿Achike k'a roma toq ixk'o pa ximonri'il wakami?

Wuj Richin ri Jeremías 18:23

Jak'a rat Jehová, kan awetaman ronojel ri kich'obonik ri kibanon chuwij y chi kan nikajo' yinkikamisaj. Man k'a takuy ri itzel taq kibanobal, ni man tamestaj ri kimak. Kan tabana' k'a chike chi chawech rat xtikipajk'ij-wi ri kaqen y kan rik'in k'a ri awoyowal taya' ri rutojbalil pa kiwi', xicha'.

Wuj Richin ri Jeremías 21:12

Rix ri aj pa rachoch kan ri rey David, kan tiq'ata' k'a tzij pa ruchojmilal ronojel q'ij. Kan tikolo' ri wineq ri nitz'ilox roma jun chik wineq. Roma wi man keri' ta xtiben y man niya' ta kan ri itzel taq ibanobal, ninwelesaj woyowal chiwij ri achi'el q'aq' rubanik. Nik'at k'a y man jun nitikir nichupun. Yin Jehová ri yibin.

Wuj Richin ri Jeremías 22:28

Ri Jeconías achi'el xa ta jun paxineq bojo'y ri man jun chik nik'atzin-wi. Rija' achi'el jun k'ojelibel ri man jun nipoqonan richin. Keri' xtinben chire rija' y chike ri aj pa rachoch. Y achi'el nik'aq-el jun paxineq bojo'y keri' xtinben yin kik'in rije' pa jun chik ruwach'ulew ri man jun bey kitz'eton.

Wuj Richin ri Isaías 50:11

Rix ri nibox jun q'aq' richin nitz'et ri ibey, kan kixbiyin k'a chupan ri saqil ri'. Y rix ri nitzij jun chej richin nuya' saqil, kan titzeqelibej k'a ri saqil richin ri chej ri'. Jak'a ri Jehová kan xtuteq-pe jun nimalej ruk'ayewal pan iwi', y ronojel re' xa xtuk'en-pe bis.

Wuj Richin ri Jeremías 5:19

Toq xtik'utux chawe ri achike roma yin kere' xinben, rat Jeremías, xtabij k'a chike: Ri Jehová xixrumalij kan, roma rix xa xe'iwilij ch'aqa' chik dios ri man e richin ta re tinamit re'. Keri' chuqa' k'o chi xke'iwilij winaqi' ri man e richin ta re tinamit re', ri ek'o pa jun chik ruwach'ulew, xkacha'.

Ez 7:24

Yin xkenk'en k'a pe itzel taq winaqi' ri e richin ch'aqa' chik ruwach'ulew richin xke'ok'oje' chupan ri iwachoch. Chuqa' ri jay ri akuchi niya-wi kiq'ij ch'aqa' chik dios, re' xke'ok man ch'ajch'oj ta. Y kere' kan xtinqasaj k'a kiq'ij ri e nima'q taq iwinaq.