Wuj Richin ri Jeremías 15:3 - Kaqchiquel Bible

³ Yin Jehová ri yibin. Yin xtinteq kaji' ruwech ruk'ayewal pa kiwi': Xkekamisex pa labal o chuqa' xkekiwech' tz'i' o ja ri aj-xik' taq chikopi' ri xketijo ri kich'akul o ri chikopi' k'uxunela' xkek'ison kichin.

Wuj Richin ri Jeremías 15:3 ပူးပေါင်းရင်းမြစ်များ

Deut 28:26

Ri ich'akul xtik'atzin richin kiway ri k'ucha' y richin kiway ri k'uxunela' taq chikopi' y ri chiri' kan man jun k'a xkexibin ta el richin man ta nitij ri ich'akul.

Wuj Richin ri Chojmirisabelri'il 26:22

Kan xtinben chi xkepe k'uxunela' taq chikopi', kan xkekitej ri iwalk'ual, chuqa' xkekitej ri iwawej y kan xkixk'is, y kan xtitole' kan ri bey.

Wuj Richin ri Chojmirisabelri'il 26:16

yin kan xtinteq k'a pe jun nimalej ruk'ayewal ri nuk'en-pe xibinri'il. Chuqa' xtinteq k'a pe jun nimalej yabil chiwij richin xtuk'is ri iwuchuq'a' y xtinteq k'a pe nimalej k'aten chiwij y xtipe k'a por pa runaq' taq iwech roma ri nimalej k'aten ri'. Y kan xkixmayamo' k'a qa. Ri itiko'n ri xtiben-qa kan man xtitej ta chik roma xa ja ri etzelanel iwichin xketijo.

Apocalipsis 6:8

Y kan jari' xintz'et chi xbe'el-pe jun q'en rij kiej ch'okoliben-pe roma jun ri rubini'an Kamik. Y chirij re' beneq ri ruk'exewach ri akuchi ye'apon-wi ri kaminaqi'. Y xjach k'a uchuq'a' pa kiq'a' richin chi kekikamisaj nik'aj chire ri nik'aj chike ri winaqi' ri ek'o chuwech ri ruwach'ulew, rik'in labal, wayjal, yabil y k'uxunela' taq chikopi'.

Ez 14:21

Roma ri' kere' ninbij yin: Xtapon k'a ri q'ij chi yin xtinteq k'a pe kaji' ruwech ruk'ayewal pa ruwi' ri tinamit Jerusalem: Ri oyowal, ri wayjal, ri k'uxunela' taq chikopi' y ri yabil. Y re' kan xkeruk'is ri winaqi' y ri kawej.

Wuj Richin ri Chojmirisabelri'il 26:25

Y kan xtinya' k'a labal pan iwi', richin nitoj roma xiq'ej ruwi' ri jikibel-tzij ri qabanon. Y wi rix kan xtiwajo' xtito-iwi' pa jun tinamit ri sutin rij chi tz'aq, yin kan xkenteq-pe nimalej taq yabil chiwij ri nikitaluj-ki' y kan xkixtzaq pa kiq'a' ri etzelanel iwichin.

Wuj Richin ri Jeremías 7:33

Ri ch'aqa' chik kich'akul ri kaminaqi' xtik'atzin richin kiway ri aj-xik' taq chikopi' y ri chikopi' e richin k'echelaj y kan man jun k'a achike ri xke'oqotan-el.

Wuj Richin ri Isaías 18:6

Y ri kich'akul ri aj-Etiopía kan xkepunupuxin kan pa taq juyu'. Kan xke'ok richin kiway ri aj-xik' taq chikopi', y ri k'uxunela' taq chikopi' ri ek'o pa k'echelaj. Y re' xtik'atzin richin kiway ri aj-xik' taq chikopi' richin ri saq'ij. Y chuqa' xtik'atzin richin kiway ri k'uxunela' taq chikopi' richin nikik'owisaj ri ruq'ijul job.

Wuj Richin Bix Chire ri Dios 68:23

richin chi xtikipalibej ri kikik'el ri e etzelanel kichin, y re kik' re' kan xtikireq' chuqa' ri tz'i'.

Wuj Richin ri Jeremías 12:9

Chuqa' rije' kan e achi'el jun kot, y xkepe k'a ch'aqa' chik aj-xik' chikopi' richin nikiben oyowal kik'in. Tikimolo-pe-ki' y kepe richin ye'okik'isa-el ri nuwinaq.

Wuj Richin ri Jeremías 14:16

Y ri winaqi' richin ri tinamit ri achoq ik'in xkech'on-wi, xkeken chuqa' chupan ri labal y ri wayjal, keri' chuqa' xkeken ri kixjayilal y ri kalk'ual. Y ri kich'akul xtipune' kan pa taq bey richin Jerusalem y man jun achike xkemuqun kichin. Kan keri' k'a xtinben chike richin xtikitoj ri kimak.

Wuj Richin ri Jeremías 16:4

Xkeken konojel rik'in itzel taq yabil y man jun xtoq'en y man jun xtimuqun kichin. Kan xkech'otot kan pa taq bey, achi'el ri pamaj, roma ch'aqa' xkekamisex chi espada y ch'aqa' chik xkeken roma wayjal. Y ri aj-xik' taq chikopi' y ri chikopi' ri ek'o pa k'echelaj xtikitej ri kich'akul.

Ez 33:27

Taya' k'a re rutzijol re' chike: Chi'iwonojel rix ri ixk'o kan pa taq tinamit ri e wulatejineq, kan xkixkamisex. Y rix ri ixk'o pa taq juyu', xtinben chiwe chi xkixtij koma ri k'uxunela' taq chikopi'. Y rix ri iwewan-iwi' kojol taq jul xkixken k'a roma yabil.

Am 5:19

Re' achi'el toq jun wineq animajineq chuwech jun koj, jak'a xa xtupojij chik ri' rik'in jun oso. Chuqa' achi'el toq jun wineq nok-apo pa rachoch, y nraq'e-apo chuwech ri tz'aq richin ri jay y xa nuti' jun kumetz.

Deut 32:24

Xtinya-pe jun nimalej wayjal pan iwi', ri kan xtik'is-xtik'is ri ich'akul pa ruq'a'. Y kan ja ri' peteneq jalajoj ruwech yabil. Chuqa' xtinben chi xkeyakatej-pe k'uxunela' taq chikopi' chiwij, y ronojel kiwech kumatzi'.

Wuj Richin ri Jeremías 14:12

Stape' rije' xkemewayin, yin man xkenwak'axaj ta toq xkech'on wik'in. Y stape' xtikisuj chikop ri niporox chijun y ch'aqa' chik sipanik chinuwech, yin kan man xtink'ul ta. Xa kan xkenk'is k'a chi espada, rik'in wayjal y rik'in nima-yabil, xcha' ri Dios.