Wuj Richin ri Jeremías 1:9 - Kaqchiquel Bible

⁹ Jari' toq ri Jehová xuya-apo ri ruq'a' y xuchop ri nuchi' y xubij chuwe:

Wuj Richin ri Jeremías 1:9 ပူးပေါင်းရင်းမြစ်များ

San Lucas 21:15

roma kan ja yin ri xkiya'on ch'abel chiwe. Xtinya' chuqa' etamabel chiwe richin keri' man jun xketikir xtikibij chiwe ri ye'etzelan iwichin.

San Lucas 12:12

Roma xa kan ja ri Loq'olej Espíritu ri xtibin chiwe ri k'o chi nibij ri ramaj ri', xcha'.

Wuj Richin ri Isaías 51:16

Yin ri kan xinrik' ri kaj, y xinben ri ruwach'ulew, y xixincha' rix aj-Sión. Roma ri' ja rix ix nuwinaq. Yin kan xinya' ri nuch'abel pan ichi', y kan yixinto' rik'in ronojel, achi'el xa ta nuya'on ri nuq'a' pan iwi' richin imujal.

Wuj Richin ri Isaías 50:4

Ri rusamajel ri Dios nubij chire: Ajaw Jehová, rat aya'on ch'abel wik'in, richin naya' kuqubabel-k'u'x chike ri e kosinaqi'. Ronojel nimaq'a' naben chuwe richin yiyakatej yan, y kan naben chuwe, achi'el ri winaqi' ri k'o na'oj kik'in,

San Mateo 10:19

Jak'a toq ri winaqi' xkixkijech pa kiq'a' ri q'atoy taq tzij, man k'a tich'ob ri achike ri xtibij y achike rubanik xtiben richin yixch'on chikiwech. Roma chupan ri ramaj ri', ri Dios xtuya' k'a pe chiwe ri ruk'amon chi nibij.

Wuj Richin ri Jeremías 5:14

Roma ri' kere' nubij ri Jehová ri Dios k'iytisanel richin ronojel: Roma xkibij re ch'abel re', yin ninbenbana' chawe Jeremías chi rat xkatok achi'el jun q'aq' y ri tinamit xtok achi'el si'. Y toq rat yach'on, ri q'aq' kan xkeruk'is.

Ez 3:10

Kan taya' k'a ri axikin y tik'oje' pan awánima ronojel ri xinbij chawe.

Wuj Richin ri Isaías 49:2

Ri Dios xuben chi ri qach'abel xok pa taq kánima ri ye'ak'axan, achi'el jun espada ri kan janila rey ri nikamisan, y achi'el jun ch'ab ri janila ch'ut rutza'n. Kan xojrewaj chuxe' ri ruq'a', y kan xojruchajij.

Marcos 7:33

Ri Jesús xuch'er k'a el ri achin ri'. Xuju' ruwi-ruq'a' pa taq ruxikin, xchuban, y k'ari' xuneq ri raq'.

Wuj Richin ri Q'axanri'il 23:5

Y ri Jehová kan xubij k'a el chire ri Balaam ri achike chi ch'abel ri ruk'amon chi niberubij y xubij chi titzolin ri akuchi k'o-wi ri Balac, y tubij chire ri xubij-el chire.

Deut 18:18

Yin xkibanon richin chikikojol rije' xtel-wi-pe jun q'alajirisey ri nuch'abel achi'el rat, jun ri kan iwinaq rix, y kan xtubij chike ri winaqi' achike ri xtinbij chire.

Wuj Richin ri Jeremías 36:2

Tachapa' k'a jun boton wuj y tatz'ibaj chupan ri wuj ri' ronojel ri ch'abel ri xinbij chawe, pa ruwi' ri ruwach'ulew Israel y pa ruwi' ri Judá y pa kiwi' konojel ri tzobaj winaqi' richin re ruwach'ulew, kan k'a ja chupan ri q'ij richin ri q'atbel-tzij richin ri rey Josías k'a re wakami.

Dn 10:10

Y k'o k'a jun q'abaj xichapo-qa, y xuben chuwe richin xixuke-q'anej y xinchakalibej ri nuq'a'.

Dn 10:16

Jari' toq rija' xuchop ri nuchi', y kan jari' k'a xich'on y xinbij chire: Roma ri xk'utumej chinuwech, yin kan janila yibison, y maneq chik wuchuq'a'.

Deut 18:16

Re' kan roma keri' ri xik'utuj chire ri Jehová ri qa-Dios, toq xch'on qik'in pa ruwi' ri juyu' Horeb, ri q'ij toq xqamol-qi' chiri'. Jari' toq rix xibij chi man niwajo' ta chik niwak'axaj ri ruch'abel ri Jehová ri qa-Dios, ni man niwajo' ta chik nitz'et ri jun nimalej ruxaq-q'aq' ri', richin keri' man yixken ta.

Deut 18:17

K'ari' ri Jehová xubij chuwe: Ja' kan utz wi ri xkibij.

Wuj Richin ri Isaías 59:21

Pa ruwi' ronojel re' ri Jehová xubij: Yin kan xtinben jun jikibel-tzij iwik'in, chi ri nu-Espíritu kan man xtel ta chik iwik'in rix, y ri nutijonik ri ik'ulun, kan man xtimestaj ta kan, y ni ta kik'in ri iwijatzul richin tibe-q'ij tibe-seq, xcha'.

Wuj Richin ri Jeremías 15:19

K'ari' ri Jehová xubij chik chuwe: Wi yatzolin-pe wik'in, xkatink'ul chik jun bey y xkatikir chik xkinasamajij. Man chaq ch'owen man ch'owen taben y ri xtabij xaxe ri ch'abel ri kan k'o rejqalen, wi keri' xtaben ja rat ri xkach'on pa nuk'exel. Ja rije' ri k'o chi yetzolin-pe awik'in y man ja ta rat ri k'o chi yatzolin kik'in.

Wuj Richin ri Jeremías 34:6

K'ari' xinkamuluj k'a ronojel re' chire ri rey Sedequías chiri' pa Jerusalem,