Wuj Richin ri Esdras 9:3 - Kaqchiquel Bible

³ Toq xinwak'axaj re', xinretz ri nutziaq chuwij y xinretz ri ko'ol raqen tzieq ri nuq'un, y chuqa' xink'uq ri rusumal-nuwi' y ri rusumal-nuchi', y rik'in janila bis xitz'uye'.

Wuj Richin ri Esdras 9:3 ပူးပေါင်းရင်းမြစ်များ

Wuj Richin ri Nehemías 1:4

Toq xinwak'axaj k'a re ch'abel re' xitz'uye' k'a qa y xinoq'. Kan xinchajij k'a ri nubis y k'o k'iy q'ij ri man xiwa' ta, y xich'on k'a rik'in ri aj-chikajil Dios.

Wuj Richin ri Josúe 7:6

K'ari' ri Josué y ri e tata'al kichin ri e rijatzul kan ri Israel xkiretz ri kitziaq chikij y xkijopij ulew pa kijolon, retal richin yebison. K'ari' xkiqasaj-ki' k'a pan ulew chuwech ri káxa richin ri rujikibel-tzij ri Jehová; keri' xkiben k'a toq xqaqa na ri q'ij. K'ari' xeyakatej-q'anej.

Wuj Richin ri Miqueas 1:16

Y ri winaqi' aj-Judá xtikisokaj-el ri rusumal-kiwi' richin nikik'ut chi yebison. Xtikijos-el ri rusumal-kiwi', y xketz'anatz'o' kan achi'el ri k'uch. Y ri kalk'ual rije' ri janila yekajo' xa kan xke'uk'uex-el pa ximonri'il.

Dn 8:27

Chirij ronojel re', yin nina' chi xk'is wuchuq'a' y kan xiyawej k'a ka'i-oxi' q'ij. Y toq xik'achoj-el xiyakatej-el y xibe chik pa nusamaj rik'in ri rey, jak'a xa janila nuxibin-wi', roma ri xintz'et. Y kan man niq'ax ta chinuwech.

Dn 4:19

Toq xrak'axaj ronojel re' ri Daniel kan xpax ránima y jun xk'oje-wi chuch'obik, y keri' k'a xk'oje' jubama jun hora. Kan janila k'a xuxibij-ri' y roma ri' yin Nabucodonosor xinbij chire: Beltsasar, man tach'ujirisaj-awi' rik'in ri wachik', y ri nel chi tzij, xicha' chire. K'ari' rija' xubij chuwe: Wajaw yin, re achik' re' kan ta pa kiwi' ri e etzelanel awichin xtiqaqa-wi. Ri nel chi tzij re achik' re', kan ta k'a ja ri itzel nikirayij chawij ri xkek'uluman.

Ez 7:18

Xtikikusaj k'a tzieq qiriqoj-qiriqoj retal richin bis, kan xkebaybot roma xibinri'il, kan xtikaqer ri kipalej roma k'ix y xtikisokaj ri rusumal-kiwi' retal richin k'ixbilal.

Ez 3:15

Y keri' xitzolin kik'in ri nuwinaq ri ek'o pa ximonri'il chiri' pa tinamit Tel-abib ri k'o chunaqaj ri raqen-ya' Quebar. Y wuqu' k'a q'ij xik'oje' chiri' chikikojol rije' y kan sachineq nuk'u'x y kan man xinwil ta k'a achike xinben y xinbij.

Wuj Richin ri Jeremías 36:24

Y stape' ri Elnatán, ri Delaías y ri Guemarías xkik'utuj utzil chire ri rey chi man tuporoj ri wuj, rija' kan man xunimaj ta kitzij. Y man xkik'en ta k'a rukiy y man xkiretz ta k'a ri kitziaq chikij retal richin yebison, ni ri rey, ni konojel ri aj-raqen ri xkak'axaj ronojel ri xusik'ij ri Baruc.

Wuj Richin ri Jeremías 7:29

Rix winaqi' richin ri tinamit Jerusalem tisokaj ri rusumal-iwi' y tik'aqa-el y kixbe'oq'-q'anej pa ruwi' la juyu'. Roma ri Jehová kan xixrixowaj yan y xixrumestaj yan kan, roma kan ja rix ri xixbanon chire richin xyakatej royowal chiwij, kacha' chike.

Wuj Richin ri Isaías 15:2

Ri winaqi' aj-Dibón xkejote-el pa ruwi' ri juyu' richin xkebe'oq'. Konojel xkebe chupan ri rachoch ri ki-dios richin xkejiq'ijo'x, toq xkek'is ri tinamit Nebo y ri Medebá. Konojel rije' kan xtikisokaj k'a ri rusumal-kiwi' y ri rusumal-kichi' roma bis.

Wuj Richin Bix Chire ri Dios 143:4

Yin kan xinmalij k'a nuk'u'x; ri wánima kan xmayamo' yan qa.

Wuj Richin Bix Chire ri Dios 66:3

Kan kere' k'a tibixaj chire ri Dios: ¡Janila k'a e meyel ri abanobal! Roma ri runimirinen ri awuchuq'a', nikiqasaj-ki' chawech ri e etzelanel awichin.

Wuj Richin ri Achin Job 1:20

Kan jari' toq ri Job xuretz ri rutziaq chirij roma bis, y xujuk'uk'ej-el ri rusumal-ruwi', y xuxuk-xumej-ri' richin xuya' ruq'ij ri Dios roma ri xuk'uluwachij,

Wuj Richin ri Nehemías 13:25

Y xench'olij rije', y xinbij chike chi nipe etzelanik pa kiwi'. Y keri' chuqa' xench'ey jujun chike rije', y xink'uq ri rusumal-kiwi'. Y keri' chuqa' xinben chike richin tikiya' kitzij chuwech ri Jehová Dios richin man yek'ule' ta chik ri kimi'al, ni ri kik'ajol kik'in ri aj juk'an chik tinamit.

Wuj Richin ri Chojmirisabelri'il 21:5

Man tisokaj ri rusumal-iwi' pan isut, y man k'a tisokaj ri rutza'n ri rusumal-ichi', y chuqa' man ke'iyala-qa iwetal roma bis.

2 Sam 1:11

Toq ri David xrak'axaj chi keri' xbanatej, xuretz ri rutziaq chirij roma bis, y chuqa' keri' xkiben konojel achi'a' ri ek'o-apo rik'in.

Wuj Richin Bix Chire ri Dios 119:53

Yin kan niyakatej k'a woyowal chikij ri e banoy taq etzelal, chikij ri xa nikimalij kan ri apixa'.