Wuj Richin ri Esdras 9:2 - Kaqchiquel Bible

² Rije' kan e k'ulan kik'in ri kimi'al re winaqi' re', y keri' chuqa' ri kik'ajol, y kan xkixol-pe-ki' qik'in roj, ri kan oj ch'aron. Y pa ruwi' re' ja ri e tata'al y ri e aj-raqen pa kiwi' ri qatinamit, ja rije' ri e nabey ri xebanon re mak re', xecha'.

Wuj Richin ri Esdras 9:2 ပူးပေါင်းရင်းမြစ်များ

Deut 7:6

Roma rix kan ix jun tinamit ri kan ix ch'aron chire ri Jehová ri qa-Dios; rija' kan xixrucha' chikikojol chijun ri ruwach'ulew ri ek'o, richin keri' rix xkixok jun rutinamit ri kan k'o rejqalen chuwech rija'.

Ex 34:16

Y toq rix xke'ik'en-apo ri kimi'al rije' richin chi ye'ik'uluba' kik'in ri ik'ajol rix; toq ri xtani' ri' xtikiya' kiq'ij ri ki-dios, xa kan xtikiben chike ri ik'ajol chi tikibana' chuqa' keri'.

Wuj Richin ri Esdras 10:2

K'ari' ri Secanías, ruk'ajol ri Jehiel y rijatzul kan ri Elam. Xch'on k'a q'anej y xubij chire ri Esdras: Roj kan xojmakun chuwech ri qa-Dios, roma xeqak'en xtani' ri man e qawinaq ta, richin xojk'ule' kik'in. Man rik'in ri', xa kan k'a yojtikir k'a niqachojmirisaj-qi'.

1 Corintios 7:14

Roma wi jun achin k'ulan rik'in jun qach'alal ixoq, ri achin ri' roma ri rixjayil rukuquban ruk'u'x, kan xtiban k'a chire chi achi'el xa ta richin chik ri Dios. Y chuqa' wi jun ixoq k'ulan rik'in jun qach'alal achin, y ri ixoq ri' roma ri rachijil rukuquban ruk'u'x kan xtiban k'a chire chi achi'el xa ta richin chik ri Dios. Wi man ta keri', chuqa' ri iwalk'ual rix e achi'el ta ri kalk'ual ri man kikuquban ta kik'u'x rik'in ri Dios. Jak'a man keri' ta, roma rije' kan e loq'olej-wi.

Wuj Richin ri Malaquías 2:15

Ja ri Dios xbanon iwichin rix y ri iwixjayilal richin xa jun xiben, y chuqa' xa jun espíritu. ¿Achike kami roma xuben? Richin nik'iyer ri iwijatzul ri kan ch'aron chire rija'. Roma ri' kan tichajij-iwi', y man tiq'ol ri iwixjayil ri achoq ik'in xixk'ule-wi toq k'a ix alaboni' na.

Wuj Richin ri Malaquías 2:11

Rix tinamit Judá man xiben ta ri xijikiba' chuwech ri Jehová. Rix aj-Jerusalem xa ruyon itzel ri xiben pan Israel. Rix xa xiben chire chi man ch'ajch'oj ta ri rachoch ri Jehová roma xa xixk'ule' kik'in ixoqi' ri xa man junan ta i-dios kik'in.

Deut 14:2

Roma roj kan oj jun tinamit ri kan oj ch'aron chire ri Jehová ri qa-Dios, rija' xojcha'on chikikojol ri ch'aqa' chik ruwach'ulew richin xojok jun tinamit ri kan richin rija'.

Ex 22:31

Rix kan xixinch'er k'a chuwe yin, roma ri' man titej k'a ti'ij kichin chikopi' ri e kamisan kan koma k'uxunela' taq chikopi', ri ti'ij ri' xa tiya' chikiwech tz'i'.

Ex 19:6

Chuqa' kan xkixok jun ajawaren kichin sacerdote richin yinisamajij y rix kan xkixok xaxe wichin yin, xkacha' chike, xcha' ri Jehová chire ri Moisés.

2 Corintios 6:14

Rix man tijunamatej-iwech kik'in ri winaqi' ri man kikuquban ta kik'u'x rik'in ri Cristo. Roma xa kan man nuk'uaj ta ri' jun k'aslen choj rik'in jun ri xa man choj ta. Ri nibiyin pa saqil man nitikir ta nibiyin rik'in jun ri nibiyin pa q'equ'm.

Wuj Richin ri Rutikeribel 6:2

jari' toq ri e ralk'ual ri Dios, xekitz'et chi ri xtani' ri', kan e jebejoj ok y roma ri' xekicha' richin xek'ule' kik'in.*f7*

Wuj Richin ri Isaías 6:13

Y stape' k'a xtik'oje' kan jun chire ri lajuj chike ri winaqi' ri', chuqa' kan xkenwelesaj-el. Jak'a achi'el toq yechoy-el ri paten-che', xa kan k'a yek'oje' kan ri kuta'm. Y keri' k'a xtibek'uluwachitej kik'in ri awinaq israelita. Jak'a xa xkek'oje' kan achi'el jun rukuta'm che'.

Wuj Richin ri Nehemías 13:28

Y jun chike ri ralk'ual ri Joiadá ruk'ajol ri nimalej sacerdote Eliasib okineq ruji' ri Sambalat aj-Horón. Y roma ri' xinwoqotaj-el re wawe'.

Wuj Richin ri Nehemías 13:17

Y xench'olij ri e aj-raqen richin ri Judá y xinbij chike: ¿Achike k'a roma niben rix re jun itzel banobel re' y nixolq'otij ruwi' ri q'ij richin uxlanen?

Wuj Richin ri Josúe 23:12

roma wi xa xtich'er kan iwi' y xtijunamatej-iwech kik'in ri winaqi' ri k'a ek'o na kan chuwech ri ruwach'ulew ri', y xkixk'ule' kik'in richin xtixol-iwi' kik'in rije' y rije' iwik'in rix;

Wuj Richin ri Esdras 9:12

Roma ri' man tiya' ri imi'al chike ri kik'ajol rije' richin yek'ule', ni man tiya' ri ik'ajol chike ri kimi'al rije' richin yek'ule'. Chuqa' man tijikiba' itzij kik'in rije' richin ye'ito'. Wi xtinimaj nutzij, rix kan xtik'oje' iwuchuq'a', y xtitej ri ruwech ri che' richin re ruwach'ulew re' y kan xtikichinaj kan ri iwalk'ual rix, richin jantape', xabij chike ojer.

Wuj Richin ri Esdras 9:14

Man ruk'amon ta chi chaq niqaq'ej ruwi' ri apixa' y man ruk'amon ta richin yojk'ule' kik'in ri winaqi' ri' ri nikiben ri man niqa' ta chawech rat. Wi niqaben keri', rat kan janila xtipe awoyowal chiqe, y kan xqojak'is.

Wuj Richin ri Chojmirisabelri'il 21:15

Richin keri' ri kiwinaq man yech'on ta itzel chirij ri rijatzul rija'. Roma yin Jehová kan nucha'on rija' chi xok wichin yin, xcha' chire ri Moisés.

Wuj Richin ri Josúe 22:15

Konojel ri e taqon-el xebe k'a pa ruwach'ulew Galaad, ri akuchi ek'o-wi ri e ka'i' tzobaj rik'in nik'aj. K'ari' xech'on kik'in y xkibij:

1 Rey 11:1

Ri rixjayil ri rey Salomón ja ri rumi'al ri rey richin Egipto, jak'a pa ruwi' ri' ek'o más ixoqi' ri xerajo' y xe'ok rixjayil. Ek'o chike rije' e aj-Moab, aj-Amón, aj-Edom, aj-Sidón y chuqa' ixoqi' hitita; konojel re ixoqi' re' man e ruwinaq ta.