Wuj Richin ri Esdras 7:9 - Kaqchiquel Bible

⁹ Xe'el k'a pe pa Babilonia ri nabey q'ij richin ri nabey ik' chire ri juna', y xe'apon chi'anin pa Jerusalem ri nabey q'ij chire ri ro' ik', roma ri ruq'a' ri Dios kan k'o pa kiwi' rije',

Wuj Richin ri Esdras 7:9 ပူးပေါင်းရင်းမြစ်များ

Wuj Richin ri Esdras 7:6

Re Esdras re' xjote-el pa Babilonia. Rija' jun aj-tz'ib ri kan nucha-ruk'u'x chire ri rupixa' ri Jehová Dios richin Israel ri rujachon chire ri Moisés. Y ri rey kan xuya' ronojel ri achike xuk'utuj rija', roma ri ruq'a' ri Jehová ri ru-Dios kan k'o k'a pa ruwi' ri Esdras.

Wuj Richin ri Nehemías 2:8

Y chuqa' naya' ta el jun wuj chuwe richin ninya' chire ri Asaf ri nichajin ri k'echelaj ri awichin rat, richin tuya' juba' che' chuwe richin ninkusaj chire ri ruchi-jay richin tobel, ri ruchi' ri tz'aq richin ri tinamit y chuqa' richin ri jay akuchi xkik'oje-wi yin, xicha' chire. Y ronojel k'a ri xink'utuj chire ri Artajerjes, kan xuya' chuwe, roma ri loq'olej ruq'a' ri Jehová xuya' pa nuwi'.

Wuj Richin ri Nehemías 2:18

Jari' toq xinq'alajirisaj chike chi ri qa-Dios kan janila rutzil ruya'on pa nuwi', y keri' chuqa' ri ch'abel ri rubin-pe ri rey Artajerjes chuwe. Y toq rije' xkak'axaj re ch'abel re', jari' toq xkibij chi yeyakatej richin nikipaba-q'anej. Y keri' xkitun ri kuchuq'a' richin xkiben ri samaj ri'.

Wuj Richin ri Esdras 7:8

Y xe'apon k'a pa Jerusalem chupan ri ro' ik' chupan ri juna' wuqu' toq niq'aton-tzij ri rey Artajerjes.

Wuj Richin ri Esdras 8:22

Xqaben keri' roma yin kan xik'ix k'a richin nink'utuj chire ri rey, richin yeruteq achi'a' ri yech'oke' chikij kiej, richin chi yojkito' chikiwech ri e etzelanel qichin chupan ri bey. Y chuqa' roma xa kan xqabij yan chire ri rey chi ri Dios kan yojruto' qonojel ri yojkanon richin. Jak'a ri nimalej ruchuq'a' y ri labal kan k'o pa kiwi' ri winaqi' ri nikimalij kan rija'.

Wuj Richin ri Esdras 8:31

Y xojel-pe chiri' rik'in ri raqen-ya' Ahavá chupan ri q'ij kablajuj richin ri nabey ik' chire ri juna', richin xojbe pa Jerusalem. Ri ruq'a' ri Jehová ri qa-Dios k'o k'a pa qawi', y xojrukol pa kiq'a' ri eleq'oma' ri ye'el-pe pa taq bey y chuqa' ri e etzelanel qichin.

Wuj Richin ri Isaías 66:14

Toq rix xtitz'et ronojel re', ri iwánima kan janila xtikikot. Ri iwuchuq'a' kan xtik'iy achi'el nijotayin chi'anin ri q'ayis. Yin kan xkixinwurtisaj rix, jak'a pa kiwi' ri e etzelanel wichin kan ja ri woyowalen ri xtiqaqa pa kiwi'.

Wuj Richin ri Esdras 7:28

Y xajoyowaj k'a nuwech chuwech ri rey, chikiwech ri rupixabanela' y chikiwech ri e tata'al ri kan k'o janila kiq'ij ri kan e rusamajela' ri rey, xcha' ri Esdras. Y yin, kan xk'oje' wuchuq'a' roma kan xuya' ruq'a' ri Dios pa nuwi'. Xenmol k'a konojel ri e tata'al richin ri tinamit Israel richin chi yebe-el chuwij.

Wuj Richin ri Esdras 8:18

Ri rutzil ri Dios k'o pa qawi', y roma ri' xkik'en-pe jun achin ri aj-na'oj rubini'an Serebías. Rija' ruk'ajol ri Mahli, jun chike ri rijatzul ri Leví, ri rijatzul kan ri Israel. Chuqa' xekik'en-pe ri e ruk'ajol y ri e rach'alal; konojel rije' e waqxaqlajuj.

Wuj Richin ri Esdras 8:32

Y xojapon k'a pa Jerusalem, y xojuxlan k'a oxi' q'ij.

Wuj Richin Bix Chire ri Dios 80:18

Roj kan man xtiqach'er ta chik kan qi' awik'in rat; taya' chik qak'aslen, y roj kan jantape' xqojch'on awik'in.