Wuj Richin ri Esdras 7:6 - Kaqchiquel Bible

⁶ Re Esdras re' xjote-el pa Babilonia. Rija' jun aj-tz'ib ri kan nucha-ruk'u'x chire ri rupixa' ri Jehová Dios richin Israel ri rujachon chire ri Moisés. Y ri rey kan xuya' ronojel ri achike xuk'utuj rija', roma ri ruq'a' ri Jehová ri ru-Dios kan k'o k'a pa ruwi' ri Esdras.

Wuj Richin ri Esdras 7:6 ပူးပေါင်းရင်းမြစ်များ

Wuj Richin ri Esdras 8:22

Xqaben keri' roma yin kan xik'ix k'a richin nink'utuj chire ri rey, richin yeruteq achi'a' ri yech'oke' chikij kiej, richin chi yojkito' chikiwech ri e etzelanel qichin chupan ri bey. Y chuqa' roma xa kan xqabij yan chire ri rey chi ri Dios kan yojruto' qonojel ri yojkanon richin. Jak'a ri nimalej ruchuq'a' y ri labal kan k'o pa kiwi' ri winaqi' ri nikimalij kan rija'.

Wuj Richin ri Esdras 7:28

Y xajoyowaj k'a nuwech chuwech ri rey, chikiwech ri rupixabanela' y chikiwech ri e tata'al ri kan k'o janila kiq'ij ri kan e rusamajela' ri rey, xcha' ri Esdras. Y yin, kan xk'oje' wuchuq'a' roma kan xuya' ruq'a' ri Dios pa nuwi'. Xenmol k'a konojel ri e tata'al richin ri tinamit Israel richin chi yebe-el chuwij.

Wuj Richin ri Esdras 8:31

Y xojel-pe chiri' rik'in ri raqen-ya' Ahavá chupan ri q'ij kablajuj richin ri nabey ik' chire ri juna', richin xojbe pa Jerusalem. Ri ruq'a' ri Jehová ri qa-Dios k'o k'a pa qawi', y xojrukol pa kiq'a' ri eleq'oma' ri ye'el-pe pa taq bey y chuqa' ri e etzelanel qichin.

San Mateo 28:20

Y tik'utu' chikiwech chi tikitaqej ronojel ri nubin kan. Y yin kan q'ij-q'ij k'a xkik'oje' iwik'in; k'a toq re ruwach'ulew xtapon chupan ri ruk'isibel q'ij, xcha'. Kan keri' ta k'a.

Wuj Richin ri Nehemías 2:18

Jari' toq xinq'alajirisaj chike chi ri qa-Dios kan janila rutzil ruya'on pa nuwi', y keri' chuqa' ri ch'abel ri rubin-pe ri rey Artajerjes chuwe. Y toq rije' xkak'axaj re ch'abel re', jari' toq xkibij chi yeyakatej richin nikipaba-q'anej. Y keri' xkitun ri kuchuq'a' richin xkiben ri samaj ri'.

Wuj Richin ri Nehemías 2:8

Y chuqa' naya' ta el jun wuj chuwe richin ninya' chire ri Asaf ri nichajin ri k'echelaj ri awichin rat, richin tuya' juba' che' chuwe richin ninkusaj chire ri ruchi-jay richin tobel, ri ruchi' ri tz'aq richin ri tinamit y chuqa' richin ri jay akuchi xkik'oje-wi yin, xicha' chire. Y ronojel k'a ri xink'utuj chire ri Artajerjes, kan xuya' chuwe, roma ri loq'olej ruq'a' ri Jehová xuya' pa nuwi'.

Wuj Richin ri Esdras 8:18

Ri rutzil ri Dios k'o pa qawi', y roma ri' xkik'en-pe jun achin ri aj-na'oj rubini'an Serebías. Rija' ruk'ajol ri Mahli, jun chike ri rijatzul ri Leví, ri rijatzul kan ri Israel. Chuqa' xekik'en-pe ri e ruk'ajol y ri e rach'alal; konojel rije' e waqxaqlajuj.

Wuj Richin ri Esdras 7:21

Yin, ri rey Artajerjes, ninbij chiwe ri ix yakol méro ri ixk'o pa ruwach'ulew ri k'o pa qajbel-q'ij chire ri raqen-ya' Éufrates: K'o chi niya'ox chi'anin ronojel ri nuk'utuj ri sacerdote Esdras, ri tz'ibanel y kan jebel tijon chupan ri pixa' ri ruya'on ri Dios rajaw ri kaj.

Wuj Richin ri Esdras 7:9

Xe'el k'a pe pa Babilonia ri nabey q'ij richin ri nabey ik' chire ri juna', y xe'apon chi'anin pa Jerusalem ri nabey q'ij chire ri ro' ik', roma ri ruq'a' ri Dios kan k'o pa kiwi' rije',

Wuj Richin Etamabel-Tzij 3:6

Xa kan ja rija' ri taya' pa nabey, chupan ronojel ri k'o chi naben, keri' ja rija' ri nuk'uan abey chupan ri ak'aslen.

Deut 28:1

Wi rix kan qitzij ninimaj ri rutzij ri Jehová ri qa-Dios y kan niben ronojel ri nubij ri rupixa' ri ninbij chiwe re q'ij re', rija' kan xkixrunimirisaj y kan xkixruya' pa kiwi' konojel tinamit richin chijun ri ruwach'ulew.

Deut 4:5

Yin kan nuk'utun chik chiwech rix nuwinaq ri pixa', kan achi'el ri xubij ri Jehová ri qa-Dios chuwe, richin kan nitaqej ronojel ri pixa' chupan ri ruwach'ulew ri akuchi xkixapon-wi ri kan xtiwichinaj kan.

1 Corintios 15:1

Wach'alal, pa nabey, toq xik'oje' chi'ikojol, xintzijoj chiwe ri utzilej ch'abel richin kolotajik. Y rix kan xik'ul-wi ri ch'abel ri xintzijoj chiwe, y kan xkuqer-wi ik'u'x rik'in.

1 Corintios 1:20

Wi keri', ¿akuchi k'a ek'o-wi ri etamanela' y ri tijonela'? Y ¿akuchi k'a ek'o-wi ri jebel yetikir yech'on pa ruwi' re etamabel richin re ruwach'ulew? Roma ri Dios rubanon chire ri etamabel richin re ruwach'ulew chi xa jun ch'ujerik.

San Mateo 13:52

Rija' xubij chik k'a: Jun aj-tz'ib ri janila retamabal chirij ri aj-chikajil rajawaren ri Dios kan achi'el jun tata'aj pa jun jay ri yeberelesala-pe ri rubeyomel ri ojer e yakel kan, y yeberelesala-pe chuqa' ri rubeyomel ri k'a juba' ek'o-pe rik'in, xcha' ri Jesús.

Wuj Richin ri Isaías 59:1

Ri nimalej ruchuq'a' ri Jehová man k'isineq ta qa richin yixrukol, ni ri rak'axabal man ta nrak'axaj toq yixch'on rik'in.

Wuj Richin ri Isaías 50:2

¿Achike roma toq yin xinapon, man jun k'o? ¿Achike roma xixinwoyoj, jak'a man jun xch'on wik'in? ¿Maneq kami wuchuq'a' yin richin man yitikir ta yixinkol? ¿Xk'is kami wuchuq'a' yin richin man yixinto' ta? Re wakami xaxe rik'in ri nuch'olinik, xtinben richin nichaqi'j-qa ri palou, ri akuchi ek'o nimalej raqen taq ya', kan xke'ok tz'iran. Kan xkeken k'a ri ker ri ek'o chupan, y kan xkechuwir-pe.

Wuj Richin Bix Chire ri Dios 45:1

Kan nalex k'a pe pa wánima re utzilej bix re', y ninwajo' ninbixaj chire ri rey. Ri waq' kan achi'el k'a jun tz'ibabel richin ri más utz tz'ibanel.

Wuj Richin ri Nehemías 12:36

Y chuqa' chikij rije' e beneq ri yeq'ojoman jalajoj ruwech taq q'ojom: Ri Semaías, ri Azarel, ri Milalai, ri Guilalai, ri Maai, ri Natanael, ri Judá y ri Hananí. Y rije' xkiq'ojomaj ri q'ojom achi'el xukusaj ri David ri rusamajel ri Dios ojer kan. Y ri tijonel Esdras ik'owineq chikiwech rije'.

Wuj Richin ri Nehemías 8:13

Y ri jun chik q'ij xkimol chik ki' ri winaqi' ri' y chuqa' ri e sacerdote y ri ch'aqa' chik e levita. Rije' xkimol-ki' rik'in ri Esdras richin chi niq'ax más chikiwech ri pixa'.

Wuj Richin ri Nehemías 4:15

Toq ri e etzelanel qichin xketamaj chi roj qanaban chik qi', y ri qa-Dios xuwulaj chikiwech ronojel ri kich'obonik, qonojel roj xojtzolin chik richin xqaben chik q'anej jun bey ri qasamaj rik'in ri tz'aq.

Wuj Richin ri Nehemías 2:12

xiyakatej k'a el chaq'a' yin y ka'i-oxi' achi'a' wik'in, y man jun achoq chire xinbij-wi ri xuya' ri Dios pa wánima ri k'o chi xtinben chiri' pa Jerusalem. Y kan xaxe k'a yin ri in ch'okol-el chirij kiej.

Wuj Richin ri Esdras 6:22

Y xkinimaq'ijuj k'a wuqu' q'ij rik'in janila kikoten ri nimaq'ij richin kaxlan-wey ri maneq ch'amilej-q'or rik'in. Chuqa' xenimaq'ijun rik'in kikoten roma ri Jehová xuben chi xujel ri ruch'obonik ri Darío, rey chuqa' richin Asiria, richin xto'on kik'in ri aj-Judá chupan ri samaj richin ri rachoch ri ki-Dios.

Wuj Richin ri Esdras 5:5

Jak'a ri Dios kan e ruchajin ri aj-raqen kichin ri judío, y ri etzelanel kichin kan man xetikir ta k'a xekiq'et. Y kan xesamej rokik taqon-el rubixik chire ri rey Darío, y k'a ja toq xkik'ul ri rutzijol.

Wuj Richin ri Jeremías 8:8

¿Achi'el toq yixtikir nibij chi ix aj-na'oj taq winaqi' roma k'o ri nupixa' iwik'in? Kan qitzij wi chi ri tijonela' xkik'ut ri man qitzij ta chiwech.

Wuj Richin ri Nehemías 12:26

Ri k'a juba' keqanataj-qa xek'ase' chupan ri ruq'ijul ri Joaquim ri ruk'ajol ri Josué y rumam kan ri Josadac, chupan chuqa' ri nuq'ijul toq yin Nehemías in aj-raqen pa ruwi' ri ruwach'ulew Judá, y chupan chuqa' ri ruq'ijul ri sacerdote Esdras ri tijonel.

Wuj Richin ri Nehemías 8:9

Konojel k'a ri winaqi' toq xkak'axaj ri nubij ri pixa' janila k'a xe'oq'. Yin Nehemías, ri sacerdote Esdras y ri e levita ri yojq'axan chikiwech ri winaqi', xqabij k'a chike: Man jun k'a chiwe rix tibison, ni man jun toq', roma re q'ij re' kan ch'aron-wi chire ri Jehová ri qa-Dios, xojcha'.

Wuj Richin ri Nehemías 8:4

Y toq ri Esdras xusik'ij ri wuj, k'o k'a pa ruwi' jun palibel ri banon rik'in che'. Y pa rijkiq'a' rija' ek'o k'a ri Matatías, ri Sema, ri Anías, ri Urías, ri Hilquías y ri Maaseías. Ri pa ruxokon ek'o k'a ri Pedaías, ri Misael, ri Malquías, ri Hasum, ri Hasbadana, ri Zacarías y ri Mesulam.

Wuj Richin ri Rutikeribel 32:28

Y rija' xubij chire ri Jacob: Man xtabini'aj ta chik Jacob, xa kan xtabini'aj k'a Israel, roma xatej-aq'ij richin xach'ek ri Dios y ri achi'a'; y kan xach'akon, xcha'.

San Mateo 23:2

Pa rubi' ri Moisés, e tz'uyul ri etamanela' chirij ri pixa' y ri fariseo richin nikich'ob rij ri pixa'.

Wuj Richin ri Esdras 7:5

ri ruk'ajol kan ri Abisúa, ri ruk'ajol kan ri Finees, ri ruk'ajol kan ri Eleazar, ri ruk'ajol kan ri Aarón, ri nimalej sacerdote.

Wuj Richin ri Nehemías 8:1

Xqamol k'a qi' qonojel chupan ri tinamit Jerusalem akuchi niban-wi ri molojri'il ri akuchi ye'el-ye'ok-wi ri erey taq ya'. Y xkibij k'a chire ri Esdras ri aj-tz'ib chi tuk'ama-pe ri wuj richin ri pixa' ri ruya'on kan ri Moisés.

Wuj Richin ri Esdras 8:1

Ja kibi' re' ri aj-raqen pa kiwi' ri tzobaj ri xe'el-pe wik'in yin pa Babilonia chupan ri q'atbel-tzij richin ri Artajerjes:

Wuj Richin ri Nehemías 9:13

Y k'ari' rat xaqaqa-pe pa ruwi' ri juyu' Sinaí richin xach'on kik'in rije' richin xaya' ronojel pixa' y ruchojmilal ri kan e choj.

Wuj Richin Bix Chire ri Dios 80:18

Roj kan man xtiqach'er ta chik kan qi' awik'in rat; taya' chik qak'aslen, y roj kan jantape' xqojch'on awik'in.

Wuj Richin Bix Chire ri Dios 109:27

Richin chi xtiq'ax ta k'a chikiwech ri winaqi' chi kan ja rat ri yakolon wichin; chi ja rat ri xabanon ronojel re'.

Wuj Richin Bix Chire ri Dios 147:19

Ri ruch'abel kan xuk'ut k'a chikiwech ri e rijatzul kan ri Jacob. Ri jalajoj ruwech rupixa' xuk'ut chuwech ri tinamit Israel.