Wuj Richin ri Esdras 7:1 - Kaqchiquel Bible

¹ Ik'owineq chik k'a ronojel re', chupan ri q'atbel-tzij richin ri Artajerjes rey richin Persia, chi xjote-el pa Babilonia ri Esdras ri ruk'ajol kan ri Seraías, ri ruk'ajol kan ri Azarías, ri ruk'ajol kan ri Hilquías,

Wuj Richin ri Esdras 7:1 ပူးပေါင်းရင်းမြစ်များ

Wuj Richin ri Nehemías 2:1

Yin in rusamajel k'a ri rey Artajerjes, y ri nusamaj jak'a ri ninpej vino chire rija'. Y jun q'ij chupan ri ik' Nisán, toq yin ninpej-apo ri vino richin ninjech-apo chire, rija' xutz'et ajk'a chi yin yibison y man jun bey in rutz'eton ta keri'.

Wuj Richin ri Esdras 7:21

Yin, ri rey Artajerjes, ninbij chiwe ri ix yakol méro ri ixk'o pa ruwach'ulew ri k'o pa qajbel-q'ij chire ri raqen-ya' Éufrates: K'o chi niya'ox chi'anin ronojel ri nuk'utuj ri sacerdote Esdras, ri tz'ibanel y kan jebel tijon chupan ri pixa' ri ruya'on ri Dios rajaw ri kaj.

Wuj Richin ri Esdras 7:12

Yin, Artajerjes, rey kichin ri e rey, ninteq rubixik re' chawe Esdras sacerdote y tz'ibanel ri k'o awetamabal rik'in ri pixa' ri xuya' ri Dios ri rajaw ri kaj. K'o ta uxlanibel-k'u'x awik'in.

Wuj Richin ri Esdras 6:14

Keri' ri aj-raqen ri ek'o pa kiwi' ri judío xkipaba' k'a q'anej ri rachoch ri Dios. Y ri winaqi' kan utz k'a xel chikiwech roma ri tijonik ri xkik'ul kik'in ri Hageo y ri Zacarías ri ruk'ajol ri Idó. Xkipaba' k'a q'anej, y xkik'is achi'el xubij ri ki-Dios ri k'o pan Israel, y achi'el xkibij ri e oxi' rey richin Persia: Ri Ciro, ri Darío y ri Artajerjes.

2 Rey 22:4

Kabiyin rik'in ri nimalej sacerdote Hilquías, y tabij chire chi tumolo' ruchi' ri méro ri kik'uan-apo ri winaqi' pa rachoch ri Jehová ri molon kan koma ri e chajiy ri ruchi' ri jay.

Wuj Richin ri Esdras 7:10

roma ri Esdras kan xucha' ruk'u'x richin xunik'oj ri pixa' ri xuya' ri Jehová chike, chuqa' xuben ri nubij y xucha' chuqa' ruk'u'x richin yerutijoj ri ruwinaq.

2 Crón 34:15

Y toq xunabej ri Hilquías chi ri wuj ri' kan richin ri rupixa' ri Dios, xubij chire ri aj-tz'ib rubini'an Safán: Yin xinwil wawe' jun wuj richin ri rupixa' ri Jehová, xcha'. Y kan xuya' k'a apo chire.

2 Crón 34:9

Rije' xebe rik'in ri nimalej sacerdote Hilquías richin xbekijacha' y richin niyak kan chiri' ri méro ri xkimol ri e levita ri e chajiy ruchi' ri rachoch ri Jehová. Y ri méro ri' xkimol-pe pa kiruwach'ulew ri aj-Manasés, aj-Efraín y kik'in ri ch'aqa' chik winaqi' ri k'a ek'o kan pan Israel, y chuqa' kik'in konojel aj-Judá, ri aj-Benjamín y ri aj-Jerusalem.

1 Crón 9:11

ri Adaías, y ri Masai. Re Azarías re' ruk'ajol ri Hilquías y rumam ri Mesulam, y ri Mesulam ruk'ajol ri Sadoc y rumam kan ri Meraiot, y ri Meraiot ruk'ajol kan ri Ahitub, y ri Ahitub aj-raqen pa ruwi' ri samaj ri k'o pa rachoch ri Dios. Ri Adaías ruk'ajol ri Jeroham y rumam ri Pashur, y ri Pashur ruk'ajol kan ri Malquías. Ri Masai ruk'ajol ri Adiel y rumam ri Jahzera, y ri Jahzera ruk'ajol ri Mesulam y rumam ri Mesilemit, y rija' ruk'ajol kan ri Imer.

2 Rey 25:18

Ri aj-raqen kichin ri chajinela' aj-Babilonia xkichop y xekik'uaj-el ri Seraías ri nimalej sacerdote, ri Sofonías jun chik sacerdote y ri e oxi' chik chajinela' richin ruchi' ri rachoch ri Dios.

2 Rey 22:8

K'ari' ri Hilquías ri nimalej sacerdote xubij chire ri Safán ri aj-tz'ib chi xril ri wuj richin ri rupixa' ri Jehová chiri' pa rachoch ri Dios. Y ri Hilquías xujech chire ri wuj ri', y ri Safán xusik'ij.

Wuj Richin ri Esdras 7:2

ri ruk'ajol kan ri Salum, ri ruk'ajol kan ri Sadoc, ri ruk'ajol kan ri Ahitub,

Wuj Richin ri Esdras 4:7

Y toq q'axineq chik k'a k'iy juna', toq niq'aton-tzij ri rey Artajerjes ri chiri' pa ruwach'ulew Persia, jari' toq ek'o jujun aj-raqen aj-Persia ri ek'o chiri' pan Israel, ri kibini'an Bislam, Mitrídates y ri Tabeel. Y rije' y ri ch'aqa' chik kachibil xkitz'ibaj jun wuj chire ri rey ri', y ri wuj ri' pa ch'abel arameo xkitz'ibaj-wi.

Wuj Richin ri Nehemías 8:1

Xqamol k'a qi' qonojel chupan ri tinamit Jerusalem akuchi niban-wi ri molojri'il ri akuchi ye'el-ye'ok-wi ri erey taq ya'. Y xkibij k'a chire ri Esdras ri aj-tz'ib chi tuk'ama-pe ri wuj richin ri pixa' ri ruya'on kan ri Moisés.