Wuj Richin ri Esdras 4:7 - Kaqchiquel Bible

⁷ Y toq q'axineq chik k'a k'iy juna', toq niq'aton-tzij ri rey Artajerjes ri chiri' pa ruwach'ulew Persia, jari' toq ek'o jujun aj-raqen aj-Persia ri ek'o chiri' pan Israel, ri kibini'an Bislam, Mitrídates y ri Tabeel. Y rije' y ri ch'aqa' chik kachibil xkitz'ibaj jun wuj chire ri rey ri', y ri wuj ri' pa ch'abel arameo xkitz'ibaj-wi.

Wuj Richin ri Esdras 4:7 ပူးပေါင်းရင်းမြစ်များ

2 Rey 18:26

K'ari' ri Eliaquim, ri Sebná y ri Joah xkibij k'a chike ri aj-raqen ri': Tibana' utzil, kixch'on qik'in pa ch'abel arameo, roma roj niq'ax chiqawech ri ch'abel ri'. Man kixch'on qik'in pa qach'abel, richin chi konojel winaqi' ri ek'o chiri' pa ruwi' ri tz'aq man niq'ax ta chikiwech, xecha'.

Dn 2:4

Jari' toq ri etamanela' xech'on-apo chire ri rey pa ch'abel arameo y xkibij chire: Jantape' k'a xkak'ase' rat rey. Tatzijoj k'a pe chiqe ri awachik' y roj kan xtiqaq'alajirisaj chawech ri nel chi tzij, xecha' chire.

Wuj Richin ri Isaías 36:11

Ronojel re' ri aj-raqen kichin ri aj-Asiria xubij pa ch'abel hebreo. Jak'a ri Eliaquim, ri Sebná y ri Joah xkibij chire chi tich'on kik'in pa ch'abel arameo, richin man niq'ax ta chikiwech ri kiwinaq ri ek'o pa ruwi' ri tz'aq.

Wuj Richin ri Esdras 4:17

K'ari' ri rey Artajerjes xuteq rubixik chike: Ri Rehúm ri aj-raqen pa kiwi' ri aj-labal, y chuqa' chire ri Simsai ri aj-tz'ib y chike ri e kachibil ri ek'o pa Samaria y ri ch'aqa' chik tinamit ri ek'o pa qajbel-q'ij chire ri raqen-ya' Éufrates. Ja ri raxnaqil y ri uxlanibel-k'u'x tik'oje' iwik'in.

Wuj Richin ri Esdras 4:9

Y toq ri Rehúm y ri Simsai xkitz'ibaj ri wuj ri', chuqa' kan ek'o chik ch'aqa' winaqi' ri xkitz'ibaj-el: Ri ch'aqa' chik e kachibil, ri to'onela', ri ch'aqa' chik aj-raqen pa kiwi' ri winaqi' ri e apowineq chiri' pa Persia, pan Erec, pa Babilonia, pa Susa, pan Elam,

Wuj Richin ri Esdras 5:6

Ja wuj re' ri xkiteq-el ri Tatenai, ri q'atoy-tzij pa ruwi' ri ruwach'ulew ri k'o pa qajbel-q'ij chire ri raqen-ya' Éufrates, y chuqa' ri Setar-boznai y ri e kachibil.

Wuj Richin ri Esdras 4:1

Toq ri achi'a' ri e etzelanel kichin ri aj-Judá y ri aj-Benjamín xkak'axaj chi rije' nikipaba' chik q'anej ri rachoch ri Jehová, ri ki-Dios,

Wuj Richin ri Esdras 4:8

Chuqa' jun aj-raqen pa kiwi' ri aj-labal rubini'an Rehúm, y jun aj-tz'ib rubini'an Simsai xkitz'ibaj jun chik wuj chire ri rey, ri nich'on itzel chikij ri winaqi' aj-Jerusalem.

Wuj Richin ri Esdras 8:36

Y xkijech k'a ri pixa' ri ruya'on-pe ri rey chiqe, y xkijech chike ri aj-raqen y chike ri yeq'aton-tzij pa ruwi' ri ruwach'ulew ri k'o pa qajbel-q'ij chire ri raqen-ya' Éufrates. Y rije' kan xeto'on qik'in y rik'in ri rachoch ri Dios.

Wuj Richin ri Esdras 7:1

Ik'owineq chik k'a ronojel re', chupan ri q'atbel-tzij richin ri Artajerjes rey richin Persia, chi xjote-el pa Babilonia ri Esdras ri ruk'ajol kan ri Seraías, ri ruk'ajol kan ri Azarías, ri ruk'ajol kan ri Hilquías,

Wuj Richin ri Nehemías 2:1

Yin in rusamajel k'a ri rey Artajerjes, y ri nusamaj jak'a ri ninpej vino chire rija'. Y jun q'ij chupan ri ik' Nisán, toq yin ninpej-apo ri vino richin ninjech-apo chire, rija' xutz'et ajk'a chi yin yibison y man jun bey in rutz'eton ta keri'.

Dn 11:2

Wakami k'a, yin xtinbenk'utu' k'a chawech ri qitzij. Xkebeyakatej k'a pe e kaji' chik rey richin ri ruwach'ulew Persia, y ri ruk'isibel kan janila rubeyomel xtibek'oje', y kan más k'a k'iy chikiwech ri ch'aqa' chik ri xek'oje'. Y toq xtik'oje-q'anej ruchuq'a' roma ri rubeyomel, kan xtiyakatej k'a chirij ri ajawaren richin Grecia.