Wuj Richin ri Esdras 4:3 - Kaqchiquel Bible

³ Jak'a ri Zorobabel, ri Josué y ri ch'aqa' chik aj-raqen xkibij chike: Man ruk'amon ta richin niqapaba-q'anej ri rachoch ri Dios junan iwik'in rix. Kan qayon roj xtiqapaba-q'anej ri rachoch ri Jehová, ri qa-Dios, roma kan keri' xubij chiqe ri Ciro rey richin Persia, xecha'.

Wuj Richin ri Esdras 4:3 ပူးပေါင်းရင်းမြစ်များ

Wuj Richin ri Nehemías 2:20

Jak'a yin xinbij chike: Ri Dios ri rajaw ri kaj, ja rija' ri xtibanon chi utz xtibe chiqawech y roj ri oj rusamajela' xqojyakatej y xtiqayek k'a q'anej re Jerusalem. Jak'a rix kan man xkixilon ta, ni ta xtiq'et-tzij y kan man xkixnatex ta chik wawe', xicha' k'a chike.

Hechos 8:21

Chuqa' rat man jun aq'a' chire re qasamaj, roma ri awánima xa man choj ta chuwech ri Dios.

San Mateo 10:16

Wakami yin yixinteq-el, achi'el taq karne'l ri yixbeqaqa chikikojol ri winaqi' ri e achi'el utiwa'. Jak'a rix xa kan kixok k'a nowineq achi'el nuben ri kumetz. Kan man tich'upu ik'u'x. Xa tibana' achi'el jun paloma ri kan man jun etzelal ri k'o ta rik'in.

Wuj Richin ri Isaías 45:4

Roma ri wajowabal pa kiwi' ri nuwinaq israelita, ri kan e nucha'on, kan ja yin xkibanon richin xtinimer ri aq'ij, stape' rat kan man awetaman ta nuwech.

Wuj Richin ri Isaías 44:28

Chuqa' ja yin ri yibin chire ri rey Ciro chi ja rija' ri xtok yuq'unel wichin, y ja rija' xtibanon ronojel ri nurayibel. Ri Ciro xtubij chi xtipabex chik jun bey ri tinamit Jerusalem, y chi ri wachoch kan xtipabex chik jun bey.

2 Crón 36:22

Chupan ri nabey juna' richin ri q'atbel-tzij richin ri Ciro rey richin Persia, richin nibanatej achi'el rubin kan ri Jehová chire ri Jeremías, ri Jehová xusiloj ránima ri rey ri' y xuben chire chi tutaluj rutzijol y tutaluj wuj chupan chijun ruq'atbal-tzij. Y ri Ciro kere' k'a xubij:

San Juan 4:9

Jak'a ri ixoq ri' xubij: Rat xa at jun judío. ¿Y achike roma jun judío nuk'utuj ruya' chire jun aj-Samaria?, xcha'. Keri' xubij roma ri e judío y ri e aj-Samaria man nikik'uaj ta ki'.

Wuj Richin ri Esdras 1:1

Chupan ri ruwach'ulew Persia, k'o k'a jun rey rubini'an Ciro. Chupan ri nabey juna' chire ri ruq'atbal-tzij, ri Jehová xusiloj ri ránima richin xuteq wuj chupan ronojel ri ruwach'ulew ri k'o pa ruq'a'. Ronojel re' xuben richin xbanatej achi'el xubij ri Jehová chire ri Jeremías toq k'a k'es na. Ri Ciro xerutaqala' wuj ri chiri', y kere' xubij:

Wuj Richin ri Esdras 1:2

Kere' k'a ri ninbij yin, Ciro, rey richin Persia: Ri Jehová, ri Dios richin ri kaj, xuya' ronojel ri q'atbel-tzij pa nuq'a' richin chijun ruwach'ulew. Y ri Dios xubij chuwe chi tinpaba-q'anej jun rachoch pa tinamit Jerusalem, ri k'o chiri' pa ruwach'ulew Judá.

Wuj Richin ri Esdras 3:8

Chupan ri ruka'n ik' chire ri ruka'n juna' toq xetzolin pa Jerusalem, jari' toq xkimol-ki' ri Zorobabel ruk'ajol ri Salatiel, y ri Josué ruk'ajol ri Josadac y ri e sacerdote, ri e levita ri e kachibil toq xetzolin. Rije' xekiya' ri e levita ri k'o chik juwineq kijuna', richin yek'oje' pa ruwi' ri samaj richin xkiben-q'anej ri rachoch ri Jehová. Rije' y konojel ri ch'aqa' chik winaqi' ri xetzolin-pe xkichop chik q'anej rupabaxik ri rachoch ri Dios.

Wuj Richin ri Esdras 1:3

Chi'iwonojel k'a rix ri ix ruwinaq ri Jehová, ja ri Dios xtito'on iwichin. Y rik'in ri ruto'onik rija' xkixbe pa Jerusalem, richin nibepaba-q'anej ri rachoch ri Jehová, ri Dios ri iwichin rix israelita, roma ja rija' ri Dios ri niya'ox ruq'ij ri chiri' pa Jerusalem.