Wuj Richin ri Esdras 4:2 - Kaqchiquel Bible

² jari' toq xebe rik'in ri Zorobabel y kik'in ri e aj-raqen kichin ri winaqi' y xkibij chike: Tiya' q'ij chiqe richin yixqato', roma roj chuqa' niqakanoj ri i-Dios rix. Y chuqa' kan jantape' qasujun-pe kamelabel chire ri Dios, chupan-pe ri q'ij toq xojoqaqa wawe', toq xojruteq-pe ri Esarhadón rey richin Asiria, xecha'.

Wuj Richin ri Esdras 4:2 ပူးပေါင်းရင်းမြစ်များ

2 Rey 19:37

Y k'o k'a jun q'ij rija' xbe pa rachoch ri Nisroc ri ru-dios richin nuya' ruq'ij. Jari' toq ri e ruk'ajol kibini'an Adramélec y ri Sarézer xe'apon y xkikamisaj kan chi espada. K'ari' xe'animej y xebe pa ruwach'ulew Ararat. Y ri xk'oje' kan pa ruk'exel ja ri Esarhadón ri ruk'ajol.

2 Rey 17:24

Jak'a ri rey richin Asiria xeruk'en k'a pe winaqi' richin jalajoj ruwech tinamit: Ri Babilonia, ri Cuta, ri Avá, ri Hamat y ri Sefarvaim, richin xeruya' pa taq tinamit ri ek'o pa ruwach'ulew Israel, pa kik'exel ri e rijatzul kan ri Israel. Keri' xok-qa kichin ri Samaria y ri ch'aqa' chik tinamit ri ek'o chiri'.

2 Timoteo 3:8

Rije' xa kitzeqelben ri itzel kibanobal ri ka'i' aj-itza' ri xek'oje' ojer ri xkibini'aj Janes y Jambrés, ri xkipaba-ki' chuwech ri Moisés, kan keri' chuqa' nikiben ri achi'a' ri' wakami ri nikipaba-ki' chuwech ri qitzij. Xa yojtajineq chik ri kich'obonik roma ri etzelal, nikibij chi kiniman chik ri Dios, y xa man qitzij ta.

Gálatas 2:4

Man rik'in ri', chikikojol ri qach'alal ek'o ri xa man e qitzij ta qach'alal. Y rije' kan xkajo' chi xban ta ri etal ri'. Rije' kiju'un-apo-ki' xaxe richin nikinachaj ri solberi'il richin ri k'aslen rik'in ri Cristo Jesús, roma rije' kan nikajo' chi k'a yojxime' na chuxe' ronojel ri nubij ri pixa'.

Os 14:3

Ri Asiria xa man xtitikir ta xqojrukol, man xqojtikir ta k'a xqojanimej chirij kiej, kan man jun bey chik k'a xtiqabij: Ri dios qichin roj, chike ri xa ja roj ri oj banayon-qa kichin. Roma xa kan xaxe k'a awik'in rat nril utzil ri meba', kixcha' chuwe.

Wuj Richin ri Isaías 37:37

K'ari' ri Senaquerib rey richin Asiria xbe k'a, y xtzolin pa tinamit Nínive. Y chiri' xk'oje-wi kan.

Wuj Richin Bix Chire ri Dios 73:8

Kan xaxe k'a yetze'en y ruyon etzelal ri nikibij ri kich'owen kan ruyon rik'in nimirisanen.

Wuj Richin ri Esdras 3:12

Jak'a e k'iy chike ri rijita'q taq sacerdote, levita y ri aj-raqen kichin ri winaqi', ri kan kitz'eton ri nabey rachoch ri Jehová Dios; toq nikitz'et chi xkichop chik q'anej ri rachoch ri Dios, rije' rik'in uchuq'a' xe'oq' roma bis. Y kan keri' k'a chuqa' e k'iy ri kan yesik'in roma kikoten.

Wuj Richin ri Esdras 3:2

K'ari' ri Josué ruk'ajol ri Sadoc, ri e sacerdote ri e rachibil, ri Zorobabel ruk'ajol ri Salatiel y ri e rach'alal; konojel rije' xkipaba' chik q'anej ri porobel richin ri ki-Dios, richin nikiporoj chikop pa ruwi', achi'el tz'ibatel kan chupan ri pixa' ri xya'ox chire ri Moisés ri xok rusamajel ri Dios.

Wuj Richin ri Esdras 2:2

Y ja kibi' re' ri e aj-raqen: Zorobabel, Josué, Nehemías, Seraías, Reelaías, Mardoqueo, Bilsán, Mispar, Bigvai, Rehúm y ri Baaná. Jare' k'a ri kajlabal ri aj pa kachoch richin ri tinamit Israel ri xetzolin:

Wuj Richin ri Esdras 1:5

K'ari' xeyakatej-q'anej konojel ri aj-raqen kichin ri tzobaj ri Judá y ri Benjamín, y chuqa' ri e sacerdote y ri ch'aqa' chik levita. Kan konojel k'a rije', ri Jehová xuben chike richin xusiloj ri kánima richin xkipaba' chik q'anej ri rachoch rija', ri k'o pa Jerusalem.

2 Rey 17:41

Keri' chuqa' xkiben ri winaqi' ri e k'amon-pe; xa man xkiya' ta ruq'ij ri Jehová, chuqa' xa kan xekisamajij ri ch'aqa' chik dios. Y chuqa' ri kalk'ual y ri kiy-kimam, keri' xkiben achi'el xkiben ri kite-kitata'; y kan keri' nikiben k'a re wakami.

Wuj Richin ri Rutikeribel 10:11

Y xel k'a el chiri' y xbe pa jun ruwach'ulew ri rubini'an Asiria re wakami. Y ja rija' ri xepaban-q'anej ri tinamit Nínive, ri Rehobot-ir, ri Quélah,

Wuj Richin ri Nehemías 9:32

Roma ri' nimalej qa-Dios, ri k'o ronojel uchuq'a' awik'in y kan xaxe chawech rat ruk'amon chi yojbaybot. Rat ri xajikiba-atzij chiqawech y kan xaben ri xabij. Man ta ti ko'ol ok chawech re tijoj-poqonal re niqaq'axaj roj, ri e qa-rey, ri e qatata'al, ri e qa-sacerdote, ri e q'alajirisey ri ach'abel, ri e qawinaq y ri qate-qatata'. Ri qawinaq kan xkitej-pe poqon kan ja toq xepe ri aj-Asiria, k'a chupan re q'ij re'.

Wuj Richin ri Isaías 37:38

Y kere' k'a xbanatej: Rokik ri rey nuya' ruq'ij ri ru-dios rubini'an Nisroc, chiri' chupan ri rachoch ri dios ri', jari' toq ri e ruk'ajol kibini'an Adramélec, y ri Sarézer xkikamisaj kan chi espada. Chirij re' rije' xe'animej-el, y xebe pa ruwach'ulew Ararat. Y ri xq'aton kan tzij pa ruk'exel ja ri Esarhadón, jun chik chike ri ruk'ajol.