Wuj Richin ri Esdras 3:2 - Kaqchiquel Bible

² K'ari' ri Josué ruk'ajol ri Sadoc, ri e sacerdote ri e rachibil, ri Zorobabel ruk'ajol ri Salatiel y ri e rach'alal; konojel rije' xkipaba' chik q'anej ri porobel richin ri ki-Dios, richin nikiporoj chikop pa ruwi', achi'el tz'ibatel kan chupan ri pixa' ri xya'ox chire ri Moisés ri xok rusamajel ri Dios.

Wuj Richin ri Esdras 3:2 ပူးပေါင်းရင်းမြစ်များ

San Lucas 3:27

Y ri Joiadá ruk'ajol kan ri Johanán, y ri Johanán ruk'ajol kan ri Resá, y ri Resá ruk'ajol kan ri Zorobabel, y ri Zorobabel ruk'ajol kan ri Salatiel, y ri Salatiel ruk'ajol kan ri Nerí.

Wuj Richin ri Hageo 1:1

K'o k'a jun q'alajirisey ruch'abel ri Dios rubini'an Hageo. Y chupan k'a ri nabey q'ij chire ri ruwaqxaq ik' chire ri ruka'n juna' richin ri q'atbel-tzij richin ri rey Darío, ri Dios xch'on k'a pe rik'in ri Hageo y xuya' jun rutzijol chire richin nubij chire ri q'atoy-tzij pa ruwi' ri ruwach'ulew Judá rubini'an Zorobabel ruk'ajol ri Salatiel, y chire chuqa' ri nimalej sacerdote rubini'an Josué, ruk'ajol ri Josadac.

Wuj Richin ri Esdras 2:2

Y ja kibi' re' ri e aj-raqen: Zorobabel, Josué, Nehemías, Seraías, Reelaías, Mardoqueo, Bilsán, Mispar, Bigvai, Rehúm y ri Baaná. Jare' k'a ri kajlabal ri aj pa kachoch richin ri tinamit Israel ri xetzolin:

1 Crón 3:17

Ri Salatiel, ri Malquiram, ri Pedaías, ri Senazar, ri Jecamías, ri Hosamá y ri Nedabías konojel re' e ruk'ajol ri Jeconías ri elesan-el chupan ri ruruwach'ulew.

Wuj Richin ri Zacarías 6:11

K'ari' xtak'uaj k'a el ri saqipueq y ri q'anapueq, richin xtiban jun nima-corona chire ri kan k'o ruwiq. Y xtaya' pa rujolon ri nimalej sacerdote Josué ri ruk'ajol ri Josadac.

Wuj Richin ri Zacarías 3:8

Wakami k'a, tawak'axaj rat Josué ri at nimalej sacerdote y ri e awachibil. Roma rix kan ix achi'el jun retal richin ronojel ri xtipe, y yin xtink'en-pe ri nusamajel ri xtetamex ruwech chi ja rija' ri xjotayin-pe.

Wuj Richin ri Zacarías 3:1

Chirij ri jun achi'el achik' ri' k'o chik jun ri xk'utumej chinuwech: Xintz'et ri nimalej sacerdote rubini'an Josué pa'el chuwech ri ru-ángel ri Jehová. Y ri Satanás k'o-apo pa rijkiq'a' richin nusujuj-apo.

Wuj Richin ri Hageo 2:23

Chupan ri q'ij ri', yin Jehová ri k'o ronojel uchuq'a' wik'in, xkatinjikiba' chi ja rat nusamajel Zorobabel xtaq'et-tzij pa nubi'. Yin Jehová ri k'o ronojel uchuq'a' wik'in kere' ninbij, xcha' ri Dios.

Wuj Richin ri Hageo 2:21

chi tich'on rik'in ri Zorobabel, ri q'atoy-tzij pa ruwi' ri Judá, y kere' tubij chire: Yin Jehová kan xtinsiloj ri kaj y ri ruwach'ulew.

Wuj Richin ri Hageo 1:14

Y rik'in re' ri Jehová xuk'asoj kánima ri Zorobabel, ri Josué y konojel ri winaqi' israelita. Y roma ri' xepe chupan ri q'ij juwineq kaji' chire ri ik' ri', y xkitikeriba' chik q'anej ri rachoch ri Dios.

Wuj Richin ri Hageo 1:12

Jari' toq ri Zorobabel, ri Josué y konojel ri winaqi', xkak'axaj ri ruch'abel ri Jehová ri ki-Dios ri xubij ri Hageo. K'ari' rije' xkik'en rukiy y xkiya' rejqalen ri Jehová.

Wuj Richin Bix Chire ri Dios 78:68

Kan jak'a ri tzobaj richin ri Judá ri xucha'; kan ja ri juyu' Sión ri janila xrajo'.

Wuj Richin ri Nehemías 12:8

Ri levita, ri bixanela' ri yepa'e' pa kik'ojelibal toq yematioxin jare': Ri Josué, ri Binuy, ri Cadmiel, ri Serebías, ri Judá y ri Matanías ri aj-raqen pa kiwi' rije'.

Wuj Richin ri Nehemías 12:1

Jare' ri sacerdote y ri e levita ri xetzolin-pe rik'in ri Zorobabel y rik'in ri Josué. Ri sacerdote ri e aj-raqen ri ek'o pa ruq'a' ri Josué ja ri Seraías, ri Jeremías, ri Esdras, ri Amarías, ri Maluc, ri Hatús, ri Secanías, ri Rehúm, ri Meremot, ri Idó, ri Guinetón, ri Abías, ri Mijamín, ri Maadías, ri Bilgá, ri Semaías, ri Joiarib, ri Jedaías, ri Salú, ri Amoc, ri Hilquías y ri Jedaías.

2 Crón 6:6

Ri Dios xubij chuqa' chi rija' xucha' ri tinamit Jerusalem richin chi wawe' niqaya-wi ruq'ij, y chi rija' xucha' ri David richin nuq'et-tzij pa qawi'.

1 Crón 3:19

Ri e ruk'ajol ri Pedaías ja ri Zorobabel y ri Simí. Ri e ruk'ajol ri Zorobabel ja ri Mesulam y ri Hananías, y k'o jun kana' rubini'an Selomit.

Ex 27:1

Chuqa' tikibana' jun porobel richin nisuj kamelabel, rik'in ri che' acacia. Ri raqen ri porobel jun jaj rik'in ka'i' q'a'aj y kan keri' chuqa' ri ruwech, jak'a ri rujotolen xaxe nik'aj jaj.

Wuj Richin ri Esdras 3:8

Chupan ri ruka'n ik' chire ri ruka'n juna' toq xetzolin pa Jerusalem, jari' toq xkimol-ki' ri Zorobabel ruk'ajol ri Salatiel, y ri Josué ruk'ajol ri Josadac y ri e sacerdote, ri e levita ri e kachibil toq xetzolin. Rije' xekiya' ri e levita ri k'o chik juwineq kijuna', richin yek'oje' pa ruwi' ri samaj richin xkiben-q'anej ri rachoch ri Jehová. Rije' y konojel ri ch'aqa' chik winaqi' ri xetzolin-pe xkichop chik q'anej rupabaxik ri rachoch ri Dios.

Wuj Richin ri Esdras 5:2

K'ari' ri Zorobabel ruk'ajol ri Salatiel, y ri Josué ruk'ajol ri Josadac, xkichop chik q'anej ri samaj richin xkipaba-q'anej ri rachoch ri Dios ri k'o pa Jerusalem; y ri q'alajirisanela' ri' ek'o k'a kik'in rije' richin yekito'.

Wuj Richin ri Rutikeribel 12:7

Y ri Jehová xbepapo' chuwech ri Abram y xubij chire: Chike konojel awijatzul xtinya-wi re ruwach'ulew re', xcha'. Y jari' ri Abram xuben-q'anej jun porobel richin xuporoj jun kamelabel chuwech ri Jehová roma chiri' xuk'ut-wi-ri' chuwech.

Wuj Richin ri Q'axanri'il 28:2

Tabij chike ri awinaq israelita chi man tikimestaj rubanik ri k'o chi nikisuj-pe chuwe pa ruq'ijul, ri kaxlan-wey y ri sipanik ri yeporox ri kan yejubulin chinuwech.

Wuj Kichin ri To'onela' 6:24

K'ari' ri Gedeón xupaba-q'anej jun porobel chuwech ri Jehová. Re porobel re' xubini'aj Jehová Richin Uxlanibel-K'u'x, y re porobel re' k'a k'o na chiri' pa tinamit Ofrá, akuchi ek'o-wi ri e rijatzul ri Abiézer.

1 Crón 23:14

Jak'a ri Moisés, ri rusamajel ri Dios, y ri e rijatzul xa jun xkiben rik'in ri tzobaj richin ri Leví.

Wuj Richin ri Esdras 10:18

Y ri e sacerdote ri e k'ulan kik'in ri ixoqi' ri man e kiwinaq ta xkiya' kitzij chi kan yekijech-el ri kixjayilal, y kan xkisuj k'a jun kamelabel richin nikuyutej kimak. Y chikijujunal xkik'en-pe jun achij karne'l richin ri kamelabel ri'. Jare' ri e sacerdote ri e k'ulan kik'in ri ixoqi' ri man e kiwinaq ta: Ri Maaseías, ri Eliézer, ri Jarib y ri Guedalías; konojel rije' e rijatzul kan ri Josué, ruk'ajol ri Josadac y ri e rach'alal.

Wuj Richin ri Esdras 10:20

Ri Hananí y ri Zebadías, e rijatzul kan ri Imer:

Wuj Richin ri Esdras 10:21

ri Maaseías, ri Elías, ri Semaías, ri Jehiel y ri Ozías, e rijatzul kan ri Harim:

Wuj Richin ri Esdras 10:22

Ri Elioenai, ri Maaseías, ri Ismael, ri Natanael, ri Jozabad y ri Elasá, e rijatzul kan ri Pashur: