Wuj Richin ri Esdras 3:1 - Kaqchiquel Bible

¹ Y toq xapon k'a ri ruwuq ik' chire ri juna' ri', toq kan konojel ri winaqi' ri xe'apon chiri' y jikil chik ek'o pa taq kitinamit, jari' toq konojel ri winaqi' israelita xbekimolo' k'a ki' chiri' pa Jerusalem.

Wuj Richin ri Esdras 3:1 ပူးပေါင်းရင်းမြစ်များ

1 Corintios 1:10

Wach'alal, pa rubi' k'a ri qajaw Jesucristo nink'utuj utzil chiwe, chi junan iwech tibana'. Man kepe itzel taq ch'obonik iwik'in richin nich'arala-iwi'. Pa ruk'exel chi keri', kan junan ta ch'obonik ri xtik'oje' iwik'in.

Hechos 4:32

Janipe' k'a ri winaqi' ri kikuquban kik'u'x rik'in ri Jesús junan k'a kiwech y jun kánima kibanon. Man jun k'a ri nibin chi kan xaxe ta richin qa rija' ri k'o rik'in, roma kan jun kibanon konojel.

Wuj Richin ri Chojmirisabelri'il 23:24

tubij chike ri ruwinaq: Ri nabey q'ij richin ri ruwuq ik' k'o chi yixuxlan y kan xkixnimaq'ijun richin natabel wichin, y toq xtixupux ri trompeta, jari' toq xtimol-iwi' richin niya' nuq'ij.

Hechos 2:46

Ri pa rachoch ri Dios kan q'ij-q'ij k'a ek'o-apo. Toq nikimol k'a ki' richin nikitej kiway y nikinataj ri rukamik ri ajaw Jesús, kan nikiben k'a rik'in kikoten y ronojel kik'u'x.

Wuj Richin ri Sofonías 3:9

K'ari' xtinben chike ri tzobaj winaqi' richin ch'aqa' chik ruwach'ulew chi xkech'on wik'in yin, Jehová, y xaxe wik'in yin xkech'on-wi; y konojel xtikinimaj nutzij.

Wuj Richin ri Nehemías 8:14

Y rije' xq'ax k'a chikiwech ri tz'ibatel chi k'o chi yek'oje' pa taq kachoch ri e banon rik'in ruq'a-che' chupan ri ik' ri'.

Wuj Richin ri Nehemías 7:73

Y ri e sacerdote, ri ch'aqa' chik levita, ri e chajiy ruchi' ri rachoch ri Dios, ri bixanela', ri samajela' richin ri rachoch ri Dios y k'iy winaqi' judío xebek'oje' pa taq kitinamit. Chupan k'a ri ik' wuqu' toq xkichojmirisala' yan qa ri kachoch ri nuwinaq pa taq kitinamit, jari' toq

Wuj Kichin ri To'onela' 20:1

Jari' k'a xe'el-pe ri achi'a' ri e richin ri ch'aqa' chik tzobaj richin niban jun molojri'il pa tinamit Mispá chuwech ri Jehová. Xkimol k'a ki' y xa jun xkiben, xtiker-pe pa Dan ri k'o pa xaman, k'a pa Beerseba ri k'o pa xokon, y konojel ri achi'a' ri ek'o juk'an chik chire ri raqen-ya' Jordán.

Wuj Richin ri Chojmirisabelri'il 16:29

Jak'a ruchojmilal re' ri xinya' chiwe richin jantape' niben y xtiben chupan ri q'ij lajuj chire ri ik' wuqu'. Chupan ri q'ij ri' man k'a yixsamej ta, nichajij-iwi' y man k'a yixwa' ta, roma ri q'ij ri' kan janila rejqalen, keri' niben rix y keri' chuqa' ri man e iwinaq ta ri ek'o chi'ikojol.

Wuj Richin ri Nehemías 8:1

Xqamol k'a qi' qonojel chupan ri tinamit Jerusalem akuchi niban-wi ri molojri'il ri akuchi ye'el-ye'ok-wi ri erey taq ya'. Y xkibij k'a chire ri Esdras ri aj-tz'ib chi tuk'ama-pe ri wuj richin ri pixa' ri ruya'on kan ri Moisés.

Deut 16:16

Konojel ri achi'a' k'o chi ye'apon oxi' mul pa jun juna', chuwech ri Jehová chiri' akuchi rucha'on-wi rija'; chupan ri nimaq'ij richin ri kaxlan-wey ri maneq ch'amilej-q'or rik'in, ri nimaq'ij richin ri Pentecostés y ri nimaq'ij richin ri taq jay banon rik'in ruq'a' taq che', y man jun tapon chuwech ri Jehová ri qa-Dios ri man jun ruk'uan-el.

Wuj Richin ri Nehemías 7:72

Y ri ch'aqa' chik winaqi' richin ri tinamit xkiya' oxi' quintal rik'in oxi' arroba q'anapueq, juwineq wo'o' quintal saqipueq y oxk'al wuqu' jal tzieq kichin ri sacerdote.