Wuj Richin ri Esdras 2:2 - Kaqchiquel Bible

² Y ja kibi' re' ri e aj-raqen: Zorobabel, Josué, Nehemías, Seraías, Reelaías, Mardoqueo, Bilsán, Mispar, Bigvai, Rehúm y ri Baaná. Jare' k'a ri kajlabal ri aj pa kachoch richin ri tinamit Israel ri xetzolin:

Wuj Richin ri Esdras 2:2 ပူးပေါင်းရင်းမြစ်များ

Wuj Richin ri Hageo 2:4

Ri Jehová nubij chiwe rix Zorobabel y ri Josué chi tik'oje' iwuchuq'a'. Y rix winaqi' tikuqer ik'u'x y kixsamej, roma rija' kan nik'oje' iwik'in. Ri Jehová ri k'o ronojel uchuq'a' pa ruq'a' rusujun ronojel re'.

Wuj Richin ri Hageo 1:14

Y rik'in re' ri Jehová xuk'asoj kánima ri Zorobabel, ri Josué y konojel ri winaqi' israelita. Y roma ri' xepe chupan ri q'ij juwineq kaji' chire ri ik' ri', y xkitikeriba' chik q'anej ri rachoch ri Dios.

Wuj Richin ri Hageo 1:12

Jari' toq ri Zorobabel, ri Josué y konojel ri winaqi', xkak'axaj ri ruch'abel ri Jehová ri ki-Dios ri xubij ri Hageo. K'ari' rije' xkik'en rukiy y xkiya' rejqalen ri Jehová.

Wuj Richin ri Nehemías 7:7

Y ri xek'amon-pe kibey ja ri Zorobabel, ri Josué, ri Nehemías, ri Azarías, ri Raamías, ri Nahamaní, ri Mardoqueo, ri Bilsán, ri Mispéret, ri Bigvai, ri Nehúm y ri Baaná:

Wuj Richin ri Zacarías 3:3

Y ri Josué rukusan jun tzieq tz'il-tz'il.

Wuj Richin ri Zacarías 3:1

Chirij ri jun achi'el achik' ri' k'o chik jun ri xk'utumej chinuwech: Xintz'et ri nimalej sacerdote rubini'an Josué pa'el chuwech ri ru-ángel ri Jehová. Y ri Satanás k'o-apo pa rijkiq'a' richin nusujuj-apo.

Wuj Richin ri Hageo 2:21

chi tich'on rik'in ri Zorobabel, ri q'atoy-tzij pa ruwi' ri Judá, y kere' tubij chire: Yin Jehová kan xtinsiloj ri kaj y ri ruwach'ulew.

Wuj Richin ri Hageo 2:2

Jare' ri ruch'abel ri Dios ri ninbij chawe rat Zorobabel, q'atoy-tzij pa ruwi' ri Judá, chawe rat Josué nimalej sacerdote, y chiwe rix konojel winaqi'.

Wuj Richin ri Hageo 1:1

K'o k'a jun q'alajirisey ruch'abel ri Dios rubini'an Hageo. Y chupan k'a ri nabey q'ij chire ri ruwaqxaq ik' chire ri ruka'n juna' richin ri q'atbel-tzij richin ri rey Darío, ri Dios xch'on k'a pe rik'in ri Hageo y xuya' jun rutzijol chire richin nubij chire ri q'atoy-tzij pa ruwi' ri ruwach'ulew Judá rubini'an Zorobabel ruk'ajol ri Salatiel, y chire chuqa' ri nimalej sacerdote rubini'an Josué, ruk'ajol ri Josadac.

Wuj Richin ri Esdras 5:2

K'ari' ri Zorobabel ruk'ajol ri Salatiel, y ri Josué ruk'ajol ri Josadac, xkichop chik q'anej ri samaj richin xkipaba-q'anej ri rachoch ri Dios ri k'o pa Jerusalem; y ri q'alajirisanela' ri' ek'o k'a kik'in rije' richin yekito'.

Wuj Richin ri Esdras 4:8

Chuqa' jun aj-raqen pa kiwi' ri aj-labal rubini'an Rehúm, y jun aj-tz'ib rubini'an Simsai xkitz'ibaj jun chik wuj chire ri rey, ri nich'on itzel chikij ri winaqi' aj-Jerusalem.

Wuj Richin ri Esdras 4:3

Jak'a ri Zorobabel, ri Josué y ri ch'aqa' chik aj-raqen xkibij chike: Man ruk'amon ta richin niqapaba-q'anej ri rachoch ri Dios junan iwik'in rix. Kan qayon roj xtiqapaba-q'anej ri rachoch ri Jehová, ri qa-Dios, roma kan keri' xubij chiqe ri Ciro rey richin Persia, xecha'.

Wuj Richin ri Esdras 1:11

Y ronojel ri samajibel ri banon rik'in q'anapueq y saqipueq e 5,400. Ronojel re' xeruk'en-pe ri Sesbasar toq xe'el-pe pa ruwach'ulew Babilonia, richin xepe pa Jerusalem.

Wuj Richin ri Esdras 2:1

Kere' k'a xbanatej toq xetzolej pa Jerusalem y pa ruwach'ulew Judá; chikijujunal xetzolin pa taq kitinamit. Y konojel rije' e kijatzul ri wineq israelita ri xe'uk'uex-el pa Babilonia roma ri Nabucodonosor, rey richin ri ruwach'ulew ri'.

Wuj Richin ri Esdras 2:3

Ri e rijatzul kan ri Parós, e 2,172.

Wuj Richin ri Esdras 3:2

K'ari' ri Josué ruk'ajol ri Sadoc, ri e sacerdote ri e rachibil, ri Zorobabel ruk'ajol ri Salatiel y ri e rach'alal; konojel rije' xkipaba' chik q'anej ri porobel richin ri ki-Dios, richin nikiporoj chikop pa ruwi', achi'el tz'ibatel kan chupan ri pixa' ri xya'ox chire ri Moisés ri xok rusamajel ri Dios.

Wuj Richin ri Esdras 1:8

K'ari' ri Ciro xuya' k'a el pa ruq'a' ri Mitrídates ri yakol méro. Y rija' kan xrajlaj-el y k'ari' xujech pa ruq'a' ri Sesbasar, ri tata'al richin ri ruwach'ulew Judá.

Wuj Richin ri Esdras 8:1

Ja kibi' re' ri aj-raqen pa kiwi' ri tzobaj ri xe'el-pe wik'in yin pa Babilonia chupan ri q'atbel-tzij richin ri Artajerjes:

Wuj Richin ri Nehemías 10:15

ri Binui, ri Azgad, ri Bebai,

Wuj Richin ri Nehemías 12:47

Chupan ri ruq'ijul ri Zorobabel y yin ri in aj-raqen; chupan ri q'ij ri' ri tinamit xuya' kiway ri bixanela' y ri chajinela' richin ri rachoch ri Dios. Chuqa' xkiya' juba' chire ronojel chike ri levita, y re levita re' xkiyala' chuqa' chike ri sacerdote ri e rijatzul kan ri Aarón.