Wuj Richin ri Esdras 2:1 - Kaqchiquel Bible

¹ Kere' k'a xbanatej toq xetzolej pa Jerusalem y pa ruwach'ulew Judá; chikijujunal xetzolin pa taq kitinamit. Y konojel rije' e kijatzul ri wineq israelita ri xe'uk'uex-el pa Babilonia roma ri Nabucodonosor, rey richin ri ruwach'ulew ri'.

Wuj Richin ri Esdras 2:1 ပူးပေါင်းရင်းမြစ်များ

2 Rey 25:11

Y k'ari' xeruk'uaj k'a el ri winaqi' ri k'a ek'o na kan chiri' pa Jerusalem, chuqa' ri winaqi' ri junan kiwech xkiben kik'in ri aj-Babilonia y ri ch'aqa' chik winaqi' aj-Judá.

Hechos 23:34

Toq rutz'eton chik k'a ri nubij ri wuj, ri Félix xuk'utuj k'a chire ri Pablo chi achike ruwach'ulew peteneq-wi. Toq rak'axan chik k'a chi pa Cilicia peteneq-wi,

Wuj Richin ri Sofonías 2:7

Ri tinamit ri' xtok kichin ri aj-Judá ri xkekolotej kan. Y chiri' rije' kan xkekikot k'a. Ri pa taq chi'aq'a' xkek'oje' kan pa kachoch ri winaqi' aj-Ascalón, y chiri' k'a xkewer-wi. Man jun xtinaqo kichin, roma ri Jehová ri qa-Dios xkeruchajij. Rija' kan xkerurtisaj y xkeruya-q'anej pa jotol.

Wuj Richin ri K'uxla'anik 4:22

Jak'a roj ri oj aj-Sión xtik'is ri ruk'ayewal pa qawi'. Ri Jehová kan xqojruk'en-pe jun bey chik chupan ri qaruwach'ulew. Jak'a pa kiwi' ri winaqi' edomita kan xtuya' k'a ri rutojbalil. Ri mak ri xekiben xa kan xtuq'alajirisaj k'a ronojel.

Wuj Richin ri K'uxla'anik 1:5

Ri e etzelanel richin xa kan xe'ok-q'anej tata'al pa ruwi'. Ri itzel yetz'eton richin, wakami xa xebe pa jotol. Ronojel re tijoj-poqonal re' xuya' ri Jehová pa kiwi' ri winaqi', kere' xkik'uluwachij roma ri kimak kan pa ruk'iyal ri xkiben. Ri winaqi' kan xe'uk'uex-el pa ximonri'il koma ri e etzelanel kichin.

Wuj Richin ri K'uxla'anik 1:3

Ri winaqi' aj-Judá pa ruwi' ri kan janila xkitej poqon y janila kow xesamej. Chuqa' kan xbekiya' k'a ki' pa ximonri'il. Rije' xebek'oje' chikikojol ch'aqa' chik winaqi' kichin ri ruwach'ulew, kan man xkil ta uxlanen. Konojel ri xe'oqotan kichin xebekila' k'a akuchi kewan-wi-ki', kan xekiya' k'a pa latz'.

Ester 8:9

Xeri' xe'oyox konojel ri tz'ibanela' richin ri rey chupan ri q'ij juwineq oxi', richin ri rox ik', ri nibix Siwan chire. Y ronojel ri ruchojmilal ri xuya' ri Mardoqueo, xtz'ibatej-el chike ri judío, konojel ri tata'al, ri nima'q taq samajela', ri e aj-raqen kichin ri aj-labal y ri e aj-raqen pa kiwi' ri 127 nima'q taq ruwach'ulew; ri nitiker-el pa relebel-q'ij chire ri ruwach'ulew India, y napon k'a pa qajbel-q'ij chire ri ruwach'ulew Etiopía. Y xtz'ibex-el pa ronojel ch'abel, y xetaqalox-el chike konojel ri tinamit ri'.

Ester 1:11

kebe richin nibekik'ama' ri reina Vasti, y tukusaj-pe ri ru-corona, richin keri' konojel ri achi'a' y ri e tata'al xtikimey roma kan jebejoj ok rubanik.

Ester 1:8

Y ri rey xubij k'a chi chikijujunal ri winaqi' ri ek'o chupan ri nimaq'ij ri', tikiqumu' ri vino ri xa janipe' nikirayij; y man jun tiq'aton kichin, ni man jun tibanon chire jun chi kan tuqumu' ri vino ri'.

Ester 1:3

Y xbanatej k'a, chi chupan ri rox juna' richin ri ruq'atbal-tzij, chi xuben jun nimalej nimaq'ij chike konojel ri e tata'al, ri nima'q taq samajela', ri e aj-raqen kichin ri aj-labal y ri e aj-raqen pa kiwi' ri nima'q taq ruwach'ulew.

Ester 1:1

Xk'oje' k'a jun achin rubini'an Asuero, ri xok rey pa ruwi' k'iy ruwach'ulew ri xubini'aj Medo-Persia, ri k'o 127 nima'q taq ruwach'ulew chupan. Y nitiker-pe pa relebel-q'ij rik'in ri ruwach'ulew India y ri pa qajbel-q'ij napon k'a pa ruwach'ulew Etiopía.

Wuj Richin ri Esdras 6:2

Y chiri' chupan ri tinamit Ecbatana, chiri' chupan ri rachoch ri rey ri akuchi niq'aton-wi-tzij pa ruwi' ri ruwach'ulew Media, xilitej k'a ri wuj ri' ri akuchi tz'iban-wi ri natabel richin y kere' nubij:

Wuj Richin ri Esdras 5:8

Niqaq'alajirisaj chawe rey, chi xojbe pa Judá pa rachoch ri nimalej ki-Dios ri aj-Israel. Jari' toq xqatz'et chi nipabex-q'anej rik'in nima'q taq abej, y ri che' e ya'on chik apo chirij ri tz'aq. Y ri samaj kan chi'anin nikiben, y kan janila nibiyin chikiwech.

Wuj Richin ri Esdras 1:11

Y ronojel ri samajibel ri banon rik'in q'anapueq y saqipueq e 5,400. Ronojel re' xeruk'en-pe ri Sesbasar toq xe'el-pe pa ruwach'ulew Babilonia, richin xepe pa Jerusalem.

Wuj Richin ri Esdras 2:2

Y ja kibi' re' ri e aj-raqen: Zorobabel, Josué, Nehemías, Seraías, Reelaías, Mardoqueo, Bilsán, Mispar, Bigvai, Rehúm y ri Baaná. Jare' k'a ri kajlabal ri aj pa kachoch richin ri tinamit Israel ri xetzolin:

Wuj Richin ri Esdras 8:35

K'ari' qonojel ri oj uk'uan-el xojtzolin pa Jerusalem, xqasuj chikop richin niporox chire ri qa-Dios. Y xqasuj kablajuj nima-alaji' achija' taq wákix, jumuch' waqlajuj achija' taq karne'l, oxk'al wuqlajuj alaji' achija' taq karne'l y kablajuj achija' tzuntzun richin nikuyutej qamak. Ronojel re' xeporox richin xqasuj chire ri Jehová.

Wuj Richin ri Nehemías 12:1

Jare' ri sacerdote y ri e levita ri xetzolin-pe rik'in ri Zorobabel y rik'in ri Josué. Ri sacerdote ri e aj-raqen ri ek'o pa ruq'a' ri Josué ja ri Seraías, ri Jeremías, ri Esdras, ri Amarías, ri Maluc, ri Hatús, ri Secanías, ri Rehúm, ri Meremot, ri Idó, ri Guinetón, ri Abías, ri Mijamín, ri Maadías, ri Bilgá, ri Semaías, ri Joiarib, ri Jedaías, ri Salú, ri Amoc, ri Hilquías y ri Jedaías.

1 Crón 9:1

Keri' toq konojel ri israelita xtz'ibatej kan ri kibi' chupan ri wuj kichin ri rey e richin Israel. Jak'a ri aj-Judá xe'uk'uex-el pa ruwach'ulew Babilonia, roma man xkiben ta ri nubij ri Jehová.

1 Crón 9:2

Ri winaqi' israelita ri nabey xetzolin-pe pa taq kitinamit y pa taq kulew, jujun chike ri sacerdote, jujun chike ri e levita y jujun chike ri yesamej pa rachoch ri Dios.

Wuj Richin ri Esdras 2:70

Y k'ari' ri e sacerdote, ri e levita, ri bixanela', ri xechajin ri ruchi' ri rachoch ri Jehová, y ri xesamej chupan ri rachoch rija'; konojel rije' xebek'oje' pa taq kitinamit. Y ri ch'aqa' chik israelita chuqa' xebek'oje' pa taq kitinamit.

Wuj Richin ri Isaías 48:20

Toq xtitz'et ronojel re', kixel-pe chiri' pa Babilonia. Kixanimej-pe chikiwech rije'. Tiya' k'a re rutzijol re' rik'in raqoj-chi'ij y rik'in kikoten. Tiya' rutzijol k'a pa ruk'ulba't ri ruwach'ulew. Tiya' rutzijol chi yin Jehová xixinkol rix israelita.

Wuj Richin ri Jeremías 50:19

Xtinben chi rix xkixtzolin pan iruwach'ulew. Y chiri' kan jebel xkixwa' achi'el jun karne'l ri nik'oje' k'iy ruq'os chiri' pa juyu' Carmelo, pa ruwach'ulew Basán, pa k'echelaj richin Efraín y chiri' pa Galaad.