Wuj Richin ri Esdras 10:4 - Kaqchiquel Bible

⁴ Kayakatej k'a, roma re' kan k'atzinel chi naben, y roj kan xqojk'oje' awik'in. Tatija' k'a aq'ij, y kan tabana' k'a, xcha' ri Secanías chire ri Esdras.

Wuj Richin ri Esdras 10:4 ပူးပေါင်းရင်းမြစ်များ

1 Crón 28:10

Tawetamaj k'a chi ri Jehová ri xacha'on richin napaba-q'anej ri jay richin rija'. Roma ri' tatija' aq'ij y tabana' ri samaj, xcha' ri David chire.

Wuj Richin ri Molojri'il 9:10

Y ronojel k'a ri natz'et richin chi niban, kan tabana' k'a, roma chupan ri jul ri akuchi xkabemuq-wi kan, xa maneq chik samaj, maneq chik ch'obonik, maneq chik retamaxik más etamabel, ni retamaxik na'oj.

Hebreos 10:24

Y tiqakanoj k'a achike rubanik niqaben richin niqatola-qi' qonojel, richin niqetamaj yojajowan, y más ta niqarayij niqaben ri utzilej taq banobel.

1 Crón 22:19

Roma ri' kan rik'in k'a ronojel iwánima y rik'in kikoten, tikanoj ri Jehová ri qa-Dios. Xtipaba' k'a q'anej ri rachoch ri Dios richin xtibeq'axex-pe ri káxa richin ri rujikibel-tzij chiri', y chuqa' ronojel ruwech samajibel ri e ch'aron richin ri jay ri', xcha'.

1 Crón 22:16

rik'in q'anapueq, ri saqipueq, rik'in q'enq'oj-pueq y ri q'eqapueq. Ek'o e k'iy samajela' ri man yatikir ta nawajlaj. Kan kasamej k'a pa rachoch ri qa-Dios y ja rija' xkato'on, xcha' ri David.

Marcos 13:34

Roma ri nupetebal yin kan achi'el toq jun achin nuya' kan ri rachoch y nibe nej, juk'an chik tinamit. Rija' nuchilabela' k'a kan ri rusamaj chike ri rusamajela'. Kan nuyala' k'a kan kisamaj chikijujunal, y chire ri chajinel kan nubij k'a kan chi jantape' troyobej-apo ri rupeten.

1 Crón 28:21

Jare' ri sacerdote y ri levita ri xkesamej chi sol chi sol chupan ri rachoch ri Dios. Y chire ronojel re samaj xtak'ul to'onik kichin ri nima'q taq achi'a' ri k'o ketamabal richin xabachike samaj; y ri e tata'al y chijun ri tinamit kan xtikinimaj ronojel ri xtabij chike, xcha' ri David.

Wuj Richin ri Esdras 10:5

K'ari' xyakatej-q'anej ri Esdras y xuben chike ri ruwinaq chi xkiya' kitzij ri tata'al kichin ri e sacerdote y ri tata'al kichin ri levita, y chuqa' konojel ri ruwinaq, chi kan kere' k'a tikibana'. Y rije' kan xkiya' kitzij.

1 Crón 28:20

Kan tatija' k'a aq'ij y kof kak'oje', man tamalij ak'u'x y man taxibij-awi' richin naben re samaj re', roma ri Jehová ri qa-Dios kan xtik'oje' awik'in. Rija' man xkaruya' ta kan, y man xkarumalij ta kan.