Wuj Richin ri Esdras 10:3 - Kaqchiquel Bible

³ Wakami k'a, kan qabana' jun jikibel-tzij rik'in ri qa-Dios, richin k'o chi niqach'er-qi' kik'in ri ixoqi' ri', y kik'in ri ak'uala' ri e alaxineq kik'in rije', achi'el nubij ri Jehová ri qa-Dios chupan ri rupixa'. Y kan tiqabana' k'a achi'el nubij ri pixa'.

Wuj Richin ri Esdras 10:3 ပူးပေါင်းရင်းမြစ်များ

Wuj Richin ri Esdras 9:4

Y xejel k'a pe wik'in konojel ri kan qitzij nikitzeqelibej ri ruch'abel ri qa-Dios, roma ri kimak ri xkiben ri xetzolin pa Jerusalem. Jak'a yin kan chiri' xik'oje-wi roma bis, k'a toq xapon na ri tiqaq'ij richin nisuj ri kamelabel.

Wuj Richin Bix Chire ri Dios 119:120

Yin kan ninxibij k'a wi' chawech rat Jehová. Ri apixa' kan k'o rejqalen chinuwech yin.

Wuj Richin Bix Chire ri Dios 119:59

Yin kan xinquqa' k'a rij ri bey ri in beneq-wi; kan xitzolin k'a richin ninnimaj atzij.

Wuj Richin ri Nehemías 9:38

Y roma k'a ronojel re xbanatej, roj xqaben jun jikibel-tzij richin niqataqej ri rupixa' ri Dios. Roma ri' niqatz'ibaj y niqaya' kan re jun retal re' rik'in ri qabi' chupan re wuj re'; ri e qatata'al, ri e levita y ri e sacerdote.

2 Crón 34:21

Kixbiyin; ja tibek'ulubej ri Jehová pa nuwi' yin y pa kiwi' ri winaqi' ri k'a ek'o kan pa ruwach'ulew Israel y pa ruwach'ulew Judá. Tik'utuj chire achike nel chitzij re nubij re wuj re xinwil, roma ri royowal ri Jehová kan nim wi ri xqaqa pa qawi'. Ronojel re' xa roma k'a ri qati't-qamama' man xkitaqej ta ri xubij ri Jehová, y kan man xkiben ta achi'el ri tz'ibatajineq kan chupan re wuj, xcha'.

Deut 29:12

Roj qamolon-qi' wawe' richin chi noqaqa chi'ik'u'x richin nitaqej ri jikibel-tzij ri xiben rik'in ri Jehová ri qa-Dios.

Ez 9:4

Y xubij chire chi tibe chukojol ri tinamit y tuya' ketal nik'aj-kiwech ri winaqi' ri yebison y yejilon, roma ri itzel taq banobel ri yekiben ch'aqa' chik winaqi' chiri', ri kan nrixowaj rija'.

Wuj Richin ri Isaías 66:2

Ja yin ri xibanon ronojel re banobel re', y keri' xbanatej. Ja yin Jehová ri yibin. Jak'a yin kan utz xtintz'et ri wineq ri ruqasan-ri', ri nibison ránima toq nimakun, y ri kan nuk'en rukiy ri nuch'abel.

Wuj Richin ri Isaías 8:20

Pa ruk'exel ri', rix k'o chi nik'ut ta ri rupixa' ri Dios richin niwetamaj wi niban ta tijonik achi'el nubij ri pixa'. Y wi man keri' ta, ri Dios man ruya'on ta ri saqil kik'in ri winaqi' ri'.

Wuj Richin ri Nehemías 8:14

Y rije' xq'ax k'a chikiwech ri tz'ibatel chi k'o chi yek'oje' pa taq kachoch ri e banon rik'in ruq'a-che' chupan ri ik' ri'.

Wuj Richin ri Esdras 10:44

Konojel re achi'a' re' xek'ule' k'a kik'in ixoqi' ri man e kiwinaq ta; y ek'o k'a chike ri ixoqi' ri' xek'oje' kal kik'in ri achi'a' ri'.

2 Crón 34:27

y kan xsilon ri awánima y xaqasaj-awi' toq xawak'axaj ri nubij pa ruwi' re tinamit y pa kiwi' ri winaqi'; y roma kan xaqasaj-awi' chinuwech, xaretz ri atziaq chawij y janila xatoq' chinuwech; yin kan xatinwak'axaj yan k'a.

2 Crón 30:12

Chuqa' pa ruwach'ulew Judá, ri Dios kan xusiloj k'a ri kánima ri winaqi' richin tikibana' ri rubin kan rija' chire ri rey y ri e tata'al.

2 Crón 29:10

Y roma ri' yin xinch'ob chi ninjikiba' nutzij chuwech ri Jehová ri qa-Dios chi junan ta qawech, richin ta chi xtik'o-el ri royowal chiqij.

2 Rey 11:17

K'ari' ri sacerdote Joiadá xuben jun jikibel-tzij chuwech ri Jehová, y chuwech ri rey y ri winaqi' richin ri tinamit, richin chi rije' nikitzeqelibej ri Jehová. Chuqa' xuben chi ri rey y ri tinamit xjunamatej-kiwech.

Wuj Richin ri Josúe 9:6

Y keri' xe'apon chuwech ri Josué, akuchi ek'o-wi-qa pa Guilgal, y xkibij chire rija' y chike ri ruwinaq: Roj oj peteneq pa jun ruwach'ulew janila nej-nej. Tibana' k'a utzil tijunamatej-iwech qik'in, xecha'.

Wuj Richin ri Esdras 10:9

Keri' konojel ri achi'a' richin ri ruwach'ulew Judá y ri ruwach'ulew Benjamín xkimol k'a ki' chiri' pa Jerusalem chupan ri oxi' q'ij ri'. Y ronojel re' xbanatej chupan ri q'ij juwineq richin ri ik' beleje'. Y konojel ri winaqi' kan xetz'uye' k'a chiri' chupan ri nima'q ruwech bey richin molojri'il chiri' chuwech ri rachoch ri Dios, y kan yebaybot k'a roma re ch'abel re', y chuqa' roma ri job ri najin.

Wuj Richin ri Esdras 10:11

Wakami k'a, tik'utuj kuyubel imak chuwech ri Jehová ri qa-Dios ri chuqa' ki-Dios ri qati't-qamama'. Tibana' k'a ri nrajo' rija', y kan tich'ara' k'a iwi' kik'in ri winaqi' ri kichin ch'aqa' chik ruwach'ulew, y kik'in ri ixoqi' ri man e qawinaq ta, xcha'.

Wuj Richin ri Nehemías 10:1

Ja ronojel bi'aj re' ri niq'alajin chuwech re jun wuj re', kan xqaya' kan retal rik'in ri qabi' chiqajujunal: Yin Nehemías in ruk'ajol ri Hacalías in aj-raqen pa ruwi' ri ruwach'ulew. Y chuqa' xkitz'ibaj kan kibi' ri Sedequías,