Wuj Richin ri Esdras 1:3 - Kaqchiquel Bible

³ Chi'iwonojel k'a rix ri ix ruwinaq ri Jehová, ja ri Dios xtito'on iwichin. Y rik'in ri ruto'onik rija' xkixbe pa Jerusalem, richin nibepaba-q'anej ri rachoch ri Jehová, ri Dios ri iwichin rix israelita, roma ja rija' ri Dios ri niya'ox ruq'ij ri chiri' pa Jerusalem.

Wuj Richin ri Esdras 1:3 ပူးပေါင်းရင်းမြစ်များ

Dn 6:26

Yin ri in rey ninya' k'a pan iwi' chi'iwonojel re jun pixa' re': Kan konojel k'a ri winaqi' ri ek'o chupan ri wajawaren kan tikiqasaj k'a ki' chuwech ri ru-Dios ri Daniel; Roma ri Dios ri' kan jari' ri k'aslik Dios; ja rija' ri Dios richin tibe-q'ij tibe-seq. Ri rajawaren kan man jun k'a xtiwulan richin; ri ruq'atbal-tzij kan man k'isel ta k'a.

Wuj Richin ri Jeremías 10:10

Jak'a rat Jehová kan at qitzij Dios. Ja rat ri at k'aslik Dios, rey richin q'asen. Toq nipe awoyowal, ri ruwach'ulew kan nisilon y ri tzobaj taq winaqi' man yetikir ta nikikoch' ri awoyowal.

Hechos 10:36

Chiqakojol k'a roj judío xorutzijoj-wi-qa chi nuteq pe ri Jesucristo wawe' chuwech re ruwach'ulew, y rija' ri qajaw qonojel roj winaqi'. Y re ch'abel re' xoruya-qa kolotajik y uxlanen pa taq qánima.

San Mateo 28:20

Y tik'utu' chikiwech chi tikitaqej ronojel ri nubin kan. Y yin kan q'ij-q'ij k'a xkik'oje' iwik'in; k'a toq re ruwach'ulew xtapon chupan ri ruk'isibel q'ij, xcha'. Kan keri' ta k'a.

Wuj Richin ri Isaías 45:5

Ja yin Jehová y kan man jun chik. Kan man jun chik Dios k'o. Yin kan xtinya' awuchuq'a', stape' rat man jani awetaman ta nuwech.

Wuj Richin ri Josúe 1:9

Tawak'axaj k'a ri ninbij chawe: Tatija' k'a aq'ij y kow k'a kak'oje', man taxibij-awi', ni man timayamo-qa ri awánima roma yin Jehová ri a-Dios kan xkik'oje' awik'in xabakuchi xkabe-wi, xcha' ri Dios chire ri Josué.

Deut 32:31

Ri e etzelanel iwichin jebel ketaman y kan nikitz'et chi ri kito'onel rije' kan man junan ta rik'in ri Jehová ri ito'onel rix.

Dn 2:47

Y xubij k'a chire ri Daniel: Wakami kan ninimaj chi ri i-Dios rix kan jari' ri Dios pa kiwi' konojel ri ch'aqa' chik dios. Rija' kan ajaw pa kiwi' konojel ri rey. Kan xaxe rija' ri nitikir niq'alajirisan ronojel ri ewatel, y roma ri' rat kan xatikir xaq'alajirisaj chinuwech re jun achik' re', xcha'.

Wuj Richin Bix Chire ri Dios 83:18

Tabana' ronojel re' richin niketamaj, chi ri abi' rat, Jehová, y chi kan xaxe rat yaq'aton-tzij pa ruwi' ri ruwach'ulew.

1 Crón 28:20

Kan tatija' k'a aq'ij y kof kak'oje', man tamalij ak'u'x y man taxibij-awi' richin naben re samaj re', roma ri Jehová ri qa-Dios kan xtik'oje' awik'in. Rija' man xkaruya' ta kan, y man xkarumalij ta kan.

1 Rey 8:23

y xubij chire ri Jehová: Rat Jehová ri at qa-Dios roj, kan man jun chik k'a Dios achi'el rat, ni ri chila' chikaj, ni pa ruwi' re ruwach'ulew. Rat kan naben ri ajikiban y kan najoyowaj kiwech ri yesamajin awichin ri kitaqen ri abey rik'in ronojel kánima.

1 Rey 18:39

Y toq xkitz'et konojel ri winaqi' ri', kan kexukuk xeqaqa pan ulew y rik'in ronojel kuchuq'a' xkibij: ¡Ri Jehová jari' ri Dios! ¡Ri Jehová jari' ri Dios!, xecha'.

Wuj Richin ri Esdras 1:4

Iwonojel k'a rix ri man yixtzolin ta chik ri xabakuchi ixk'o-wi, kixto'on k'a kik'in ri iwinaq ri yetzolin. Kixto'on-el rik'in saqipueq, q'anapueq y ri achike nik'atzin chike, chuqa' rik'in kawej. Y man xaxe ta k'ari', chuqa' tiya-el rik'in ronojel iwánima sipanik richin ri rachoch ri Dios, ri k'o pa Jerusalem, xcha-el chupan ri wuj.

Wuj Richin ri Esdras 5:3

K'ari' xapon kik'in ri Tatenai ri q'atoy-tzij pa ruwi' ri ruwach'ulew ri k'o pa qajbel-q'ij chire ri raqen-ya' Éufrates, y ri Setar-boznai y ri e kachibil; y kere' k'a xubij chike ri judío: ¿Achike k'a xya'on q'ij chiwe richin chi nipaba' chik q'anej re jay re' y kan jebel niwiq?

Wuj Richin ri Isaías 37:16

Jehová k'iytisanel richin ronojel, ri at qa-Dios roj israelita. Rat atk'o pan atz'uyubal richin q'atoj-tzij chikikojol ri querubín. Xaxe k'a rat ri at Dios kichin konojel q'atoy taq tzij richin ri ruwach'ulew. Rat xabanon ri kaj y ri ruwach'ulew.

Wuj Richin ri Esdras 4:3

Jak'a ri Zorobabel, ri Josué y ri ch'aqa' chik aj-raqen xkibij chike: Man ruk'amon ta richin niqapaba-q'anej ri rachoch ri Dios junan iwik'in rix. Kan qayon roj xtiqapaba-q'anej ri rachoch ri Jehová, ri qa-Dios, roma kan keri' xubij chiqe ri Ciro rey richin Persia, xecha'.

Wuj Richin ri Esdras 5:13

Jak'a chupan ri nabey juna' richin ri q'atbel-tzij richin ri Ciro, rey chuqa' pa ruwi' ri Babilonia, rija' xubij richin chi tiban chik q'anej jun bey ri rachoch ri ki-Dios.

Wuj Richin ri Esdras 6:7

Y tiya' q'ij chi niban chik k'a q'anej ri samaj richin ri rachoch ri Dios. Tiya' q'ij chi ri aj-raqen ri k'o pa kiwi' ri judío y chuqa' ri rijita'q taq achi'a', richin nikipaba' chik q'anej ri rachoch ri Dios ri chiri' pa ruk'ojelibal.

Wuj Richin Bix Chire ri Dios 132:13

Roma rat Jehová kan jak'a ri tinamit Sión ri acha'on. Jari' k'a ri xawajo' richin chi chiri' yak'oje-wi.

Wuj Richin ri Isaías 44:28

Chuqa' ja yin ri yibin chire ri rey Ciro chi ja rija' ri xtok yuq'unel wichin, y ja rija' xtibanon ronojel ri nurayibel. Ri Ciro xtubij chi xtipabex chik jun bey ri tinamit Jerusalem, y chi ri wachoch kan xtipabex chik jun bey.