Wuj Richin ri Esdras 1:2 - Kaqchiquel Bible

² Kere' k'a ri ninbij yin, Ciro, rey richin Persia: Ri Jehová, ri Dios richin ri kaj, xuya' ronojel ri q'atbel-tzij pa nuq'a' richin chijun ruwach'ulew. Y ri Dios xubij chuwe chi tinpaba-q'anej jun rachoch pa tinamit Jerusalem, ri k'o chiri' pa ruwach'ulew Judá.

Wuj Richin ri Esdras 1:2 ပူးပေါင်းရင်းမြစ်များ

Wuj Richin ri Isaías 44:26

Ja yin ri yibanon richin xtibanatej ri nikik'utuj ri e nusamajela', y chuqa' ja yin yibanon chi xtibanatej ri nikibij rije' pa ruwi' ri xtibanatej-apo, chi ri Jerusalem xkek'oje' chik winaqi' chupan, y chuqa' ri ch'aqa' chik tinamit richin ri Judá. Y kan xkepabex chik jun bey.

Dn 5:23

Pa ruk'exel chi xaqasaj ta awi', xa kan xanimirisaj-awi' chuwech ri Dios. Roma ri animirisanen kan xateq k'a ruk'amik ri qumbel ri xa e richin ri rachoch ri Dios ri rajaw ronojel, y chupan ri' xaqumun-wi rat, ri achi'a' ri k'o kiq'ij, ri awixjayilal y ri e a-concubina. Pa ruwi' ri' kan xaya' k'a kiq'ij ri dios ri e banon rik'in q'anapueq, saqipueq, q'enq'oj-pueq, q'eqapueq, che' y abej, stape' ri dios ri' xa man yetzu'un ta, ni man ye'ak'ex ta, ni man jun ketaman. Jak'a ri Dios ri achoq pa ruq'a' k'o ri ak'aslen, ri kan rutzuliben ronojel ri abey, kan man jun bey k'a xaya' ruq'ij.

Dn 4:32

Wakami xa xkatelesex k'a el chikikojol ri winaqi', y xa chikikojol k'a ri aj pa q'ayis taq chikopi' ri xkabek'ase-wi. Kan xtatej k'a ri q'ayis achi'el ri kiwaybal ri wákix. Y wuqu' k'a juna' keri' xtaben, k'a toq xtawetamaj chi kan xaxe ri nimalej Dios ri k'o pa ruwi' ronojel y nuya' ri ajawaren chire ri achike nrajo' rija', xcha' chuwe.

Dn 4:25

Kan xkatelesex k'a el chikikojol ri winaqi' y xkabek'ase' chikikojol ri chikopi' aj pa q'ayis. Kan xtatej k'a ri q'ayis achi'el ri kiwaybal ri wákix. Y xaxe k'a rik'in ri raxq'ab xkatatin-wi. Keri' xkak'oje', k'a toq xtiq'ax na chawech chi kan xaxe wi ri nimalej Dios ri k'o pa ruwi' ri ajawaren richin ri ruwach'ulew y kan nuya' ri ajawaren pa ruq'a' ri achike nrajo' rija'. Y re' xtuk'uaj wuqu' juna'.

Dn 2:28

Jak'a, kan k'o jun Dios ri k'o chila' chikaj ri niq'alajirisan ronojel ri e ewatel. Rija' xtiq'alajirisan chawech ri xtik'uluwachitej chiqawech-apo. Wakami k'a xtinq'alajirisaj ri awachik' y ri nel chi tzij.

Dn 2:21

Ja rat yabanon richin yeq'ax ri ik' y ri juna'. Ja rat yaya'on ri q'atbel-tzij, y rat yatelesan kichin. Ja rat yaya'on na'oj chike ri e aj-na'oj, ri etamabel kan rat k'a yaya'on chike ri etamanela'.

Wuj Richin ri Jeremías 10:11

Ja rat xabin chuwe chi ninbij chike ri nuwinaq chi ri wachibel ri' man ja ta rije' xebanon ri kaj, ni ri ruwach'ulew. Y rije' kan xkek'is k'a el chuwech re ruwach'ulew y man jun k'a chike rije' xtik'oje' kan.

Wuj Richin ri Isaías 66:1

Ri Jehová nubij: Ri nutz'uyubal k'o wawe' chikaj, y ri rupalibal ri waqen, ja ri ruwach'ulew. ¿Akuchi kami nich'ob rix richin nipaba-q'anej jun wachoch? ¿Akuchi kami nich'ob niben-wi jun k'ojelibel richin yinuxlan juba'?

2 Crón 2:12

Nim ruwa-ruq'ij ri Jehová ri Dios richin Israel, ri xbanon ri kaj y ri ruwach'ulew, ri kan xuya' chire ri rey David jun ruk'ajol ri aj-na'oj, ri k'o retamabal y kan choj, y kan ja rat ri'; y roma ri', rat k'a yapaban-q'anej ri rachoch ri Jehová y ri awachoch rat richin naq'et-tzij.

1 Rey 8:27

Chuqa' ri Salomón xubij k'a chire ri Dios: ¿Kan qitzij kami chi rat Dios yak'oje' chuwech re ruwach'ulew re'? Roma rat kan at nimalej-wi, y ri kaj chi tz'etel, chi man tz'etel ta kan man nitikir ta yarukuch; k'a ta la' chik re jay re xinpaba-q'anej re awichin rat.

Wuj Richin ri Esdras 1:5

K'ari' xeyakatej-q'anej konojel ri aj-raqen kichin ri tzobaj ri Judá y ri Benjamín, y chuqa' ri e sacerdote y ri ch'aqa' chik levita. Kan konojel k'a rije', ri Jehová xuben chike richin xusiloj ri kánima richin xkipaba' chik q'anej ri rachoch rija', ri k'o pa Jerusalem.

Wuj Richin ri Esdras 3:7

Y xkiya' k'a méro chike ri aj-tz'aq y chike ri ajanela' ri xkebesamej. Y chuqa' xkiya' kiway-kuk'ya' y aceite, chike ri aj-Sidón y ri aj-Tiro, richin chi nikik'en-pe tiox-che' k'a pa Líbano y nikik'uaj k'a pa Jope pa ruwi' ya'. Y ronojel re' xban roma ri Ciro, rey richin Persia, kan xuya' q'ij chike.

Wuj Richin ri Esdras 4:3

Jak'a ri Zorobabel, ri Josué y ri ch'aqa' chik aj-raqen xkibij chike: Man ruk'amon ta richin niqapaba-q'anej ri rachoch ri Dios junan iwik'in rix. Kan qayon roj xtiqapaba-q'anej ri rachoch ri Jehová, ri qa-Dios, roma kan keri' xubij chiqe ri Ciro rey richin Persia, xecha'.

Wuj Richin Bix Chire ri Dios 136:26

Tiqanimirisaj k'a ruq'ij ri Jehová ri Dios ri k'o chila' chikaj: Roma ri rujoyowanik rija' kan richin jantape'.

Wuj Richin ri Isaías 41:2

¿Achike kami xbanon richin xbek'ulun-pe jun rey chiri' pa relebel-q'ij? ¿Achike kami xya'on ri ajawaren pa ruq'a'? ¿Achike kami xejachon-el ri tzobaj winaqi' richin ri ruwach'ulew pa ruq'a'? Y ¿Achike kami xq'aton kichin ri ch'aqa' chik rey? Ri rey ri xtipe kere' pa relebel-q'ij, xkerukamisaj ri winaqi' chi espada, y rije' xke'ok poqolaj. Chuqa' xkerukamisaj rik'in ri rute-ruch'ab, y ri rupoqolajul ri kich'akul ri winaqi' ri' xtuk'uex-el roma kaq'iq', achi'el nuben ri solot.

Wuj Richin ri Isaías 44:28

Chuqa' ja yin ri yibin chire ri rey Ciro chi ja rija' ri xtok yuq'unel wichin, y ja rija' xtibanon ronojel ri nurayibel. Ri Ciro xtubij chi xtipabex chik jun bey ri tinamit Jerusalem, y chi ri wachoch kan xtipabex chik jun bey.

Wuj Richin ri Isaías 45:1

Kere' nubij ri Jehová chire ri Ciro: Yin kan xatincha' rat, y at nuyuqen chi awijkiq'a', richin naqasaj kiq'ij ri ch'aqa' chik ruwach'ulew, y chuqa' richin nawelesaj kan ri kamisabel pa kiq'a' ri ki-rey. Y kan ja yin xkibanon chi ri okibel kichin ri tinamit kan kiyon xkejaqatej chawech, y ri okibel ri' kan man xketz'apetej ta chik.

Dn 6:25

Xeri' ri rey Darío xutz'ibaj k'a el wuj chike konojel winaqi' ri ek'o pa rajawaren, y kere' k'a ri nubij ri wuj: Ja ta ri uxlanibel-k'u'x ri xtik'oje' iwik'in chi'iwonojel.

Wuj Richin ri Jonás 1:9

Rija' xubij chike: Yin in hebreo, y ninya' ruq'ij ri Jehová ri Dios ri rajaw ri kaj, ri xbanon re palou y ri ruwach'ulew, xcha'.

Wuj Richin ri Esdras 5:15

richin tuk'uaj-el pa rachoch ri ki-Dios ri k'o pa Jerusalem. Y rik'in re' kan xtipabex chik q'anej jun bey ri jay ri' ri chiri' pa ruk'ojelibal.

Wuj Richin ri Esdras 6:3

Chupan k'a ri nabey juna' toq niq'aton-tzij ri rey Ciro, xuya' k'a re ruchojmilal re' pa ruwi' ri rachoch ri Dios, ri k'o pa Jerusalem, richin tipabex chik q'anej jun bey ri jay ri', ri akuchi nisuj-wi kamelabel. Y kan jebel keban kan chire ri ruxe'. Y ri tz'aq richin ri jay k'o chi nuk'uaj waqlajuj jaj ri rujotolen y waqlajuj jaj ri ruwech.

Wuj Richin ri Esdras 6:10

Rik'in ronojel re' xtikisuj kamelabel ri niqa' chuwech ri ki-Dios, ri rajaw ri kaj, richin rije' yech'on rik'in ri ki-Dios pa ruwi' ri nuk'aslen yin y pa ruwi' ri kik'aslen ri walk'ual.

Wuj Richin ri Esdras 7:12

Yin, Artajerjes, rey kichin ri e rey, ninteq rubixik re' chawe Esdras sacerdote y tz'ibanel ri k'o awetamabal rik'in ri pixa' ri xuya' ri Dios ri rajaw ri kaj. K'o ta uxlanibel-k'u'x awik'in.

Wuj Richin ri Nehemías 1:4

Toq xinwak'axaj k'a re ch'abel re' xitz'uye' k'a qa y xinoq'. Kan xinchajij k'a ri nubis y k'o k'iy q'ij ri man xiwa' ta, y xich'on k'a rik'in ri aj-chikajil Dios.

Wuj Richin ri Nehemías 1:5

Y xinbij k'a chire: Nink'utuj utzil chawe Jehová, Dios ri rajaw ri kaj, ri k'o janila awuchuq'a', y naben chiqe chi niqamey ronojel ri naben y kan k'o akiy. Y chuqa' kan man namestaj ta ri atzij ri xajikiba', y najoyowaj k'a kiwech ri ye'ajowan awichin y ri nikitaqej ri apixa';

Wuj Richin Bix Chire ri Dios 85:2

Kan xakuy k'a qamak; ronojel k'a ri mak ri xeqabanala' kan xatz'apej ruwi'.

Wuj Richin Etamabel-Tzij 21:1

Kan achi'el ri ya' richin jun raqen-ya', kan keri' ri rubanik ri ruk'aslen ri rey pa ruq'a' ri Jehová; roma kan akuchi nrajo-wi rija' chi niq'ax-wi, chiri' k'o chi nibe-wi.

Wuj Richin ri Jeremías 27:5

Kan rik'in k'a ri nimalej wuchuq'a' xinben ri ruwach'ulew, ri winaqi' y ri chikopi' ri ek'o chuwech. Y xinya' chire ri achoq chire xinwajo' xinya-wi.

Wuj Richin ri Jeremías 29:10

Yin kan ninjikiba' nutzij chi toq xtitz'aqet ri oxk'al lajuj juna' ri kixk'oje' chiri' pa Babilonia, yin xtinben utzil chiwe richin xkixtzolin-pe wawe' chupan ri iruwach'ulew.

Dn 1:21

Y ri Daniel xsamej chiri', y kan k'a k'o chiri' toq ri Ciro aj-Persia xuch'ek kan ri ruwach'ulew Babilonia.