Tito 3:7 - Kaqchiquel Bible

⁷ Y roma ri rutzil ri Jesucristo, man jun qamak yojk'ulun chuwech ri Dios, y xqak'ul yan ri utzilej k'aslen ri man xtik'is ta, ri qoyoben.

နောက်ထပ်ဗားရှင်းများ

Kaqchikel Santo Domingo (Xenacoj)

⁷ Y ri Dios xubꞌen keriꞌ chin nixta jun qamak ndiqeqalej chuwech roma ri favor ruyoꞌon chaqe, chin keriꞌ ndok qichin ri utzulej kꞌaslen ma ndikꞌis ta ri qoyobꞌen rikꞌin nojel qánima.

Kaqchikel Santa Maria de Jesus

⁷ Y rumareꞌ xiel chi man jun chic ka-pecado choch ri Dios, y reꞌ ruma ri favor ri xuꞌon jajaꞌ chika. Rumareꞌ vacame kataꞌn chi xtiyoꞌx chika ri utzulaj cꞌaslien ri man xtiqꞌuis ta, jareꞌ ri ka-esperanza.

Kaqchikel Central Guatemala

⁷ Y riq'uin ri' man jun kamac yojc'ulun chuvech ri Dios, y ri' xa can roma ri rutzil ri Dios. Y chuka' xtikichinaj ri utzilej c'aslen ri man xtiq'uis ta. Y roj koyoben ri c'aslen ri'.

Re C'ac'a Testamento pa Kach'abal

⁷ Y riq'uin re' man jun kamac ndel chach re Dios, y re' xa roma camas utzil c'o riq'uin re Dios. Y chuka' xtakac'ul re utzulaj c'aslen re man xtiq'uis-ta. Y yoj kayaben re c'aslen re'.

Kaqchikel Western Solola

⁷ Riche (rixin) chi queri' tek kac'ulun chic ri rutzil ri Dios, Riya' yojrutz'et chi majun chic kamac. Y queri' xuben chake riche (rixin) chi ntoc kiche (kixin) ri c'aslen riche (rixin) xtibe k'ij xtibe sek, can achi'el wi ri koyoben.

Tito 3:7 ပူးပေါင်းရင်းမြစ်များ

San Mateo 25:34

Y jari' k'a toq yin ri in rey xtinbij chike ri ek'o pa wijkiq'a': Kixanpe k'a rix, ri ik'ulun chik ri rutzil ri nata' Dios; kixk'oje' k'a pan ajawaren ri kan iwichin wi rix toq rubanon pa rutikeribel richin re ruwach'ulew.

Marcos 10:17

Ri Jesús xuchop chik el bey; jari' toq k'o jun achin junanin xoqaqa rik'in xxuke' chuwech y xubij chire: Rat utzilej tijonel, tabij chuwe: ¿Achike k'a ruk'amon chi ninben yin richin chi ninwichinaj ri k'aslen richin q'asen?, xcha'.

Romanos 11:6

Roj ri oj cha'on roma ri Dios, man oj cha'on ta roma ri jebel qabanobal. Roma wi ta keri', man ta nibix chi oj cha'on roma ri rutzil ri Dios.

Romanos 3:24

Roma ri rutzil ri Dios toq man jun qamak yojk'ulun chuwech rija'. Man jun k'a rajel nuk'utuj chiqe, roma ri Cristo Jesús xken richin xojtotej.

Romanos 3:28

Y keri', niq'alajin k'a chi xabachike wineq ri nukuquba' ruk'u'x rik'in ri Jesús, man jun rumak nik'ulun chuwech ri Dios. Jak'a man roma ta nuben xaxe achi'el nubij ri pixa'.

Romanos 4:16

Ri Dios kan xujikiba' rutzij rik'in ri Abraham roma xukuquba' ruk'u'x rik'in. Xuben keri', roma xrajo' chi ri xusuj chike ri e rijatzul, kan jun sipanik chike rije'. Ri xusuj nuya' chuqa' chiqe qonojel ri yojniman, stape' oj judío ri k'o ri pixa' qik'in, o ni; ri nik'atzin xaxe tiqakuquba' qak'u'x, achi'el xukuquba' ruk'u'x ri Abraham. Roma ri' ja rija' ri qatata' qonojel roj ri qakuquban qak'u'x rik'in ri Dios.

Romanos 4:4

Ri wineq ri nisamej, kan nuch'ek-wi ri rajel ri rusamaj. Ri nuch'ek man choj ta nisipex-el chire.

Romanos 8:17

Y roma oj ralk'ual chik ri Dios, roj kan xqojichinan k'a chuqa' junan rik'in ri Cristo. Jak'a nik'atzin chi man tiqapoqonaj niqatej poqon, achi'el xutej poqon rija', richin keri' xtiqak'ul qaq'ij junan rik'in rija'.

1 Corintios 6:11

Y ri rubanon kan, keri' ri ik'aslen rix. Jak'a re wakami ch'ajch'oj chik ri iwánima, ix ch'aron chik richin ri Dios, y man jun chik imak yixk'ulun chuwech rija' roma ri samaj ri xuben ri ajaw Jesús y ri Loq'olej Espíritu.

Gálatas 2:16

Man rik'in ri' qetaman chi ri wineq kan nik'ulun chi man jun rumak chuwech ri Dios*f3* xaxe toq nukuquba' ruk'u'x rik'in ri Jesucristo, y man roma ta chi nutaqej ri pixa'. Roma ri' roj judío chuqa' qakuquban qak'u'x rik'in ri Jesucristo richin chi man jun qamak yojk'ulun chuwech ri Dios, y man roma ta chi qataqen ri pixa'. Roma man jun nik'ulun chuwech ri Dios chi maneq ta rumak xaxe roma nutaqej ri pixa'.

Gálatas 3:29

Y roma ri' qonojel ri oj richin chik ri Cristo, xojok riy-rumam kan ri Abraham. Y niqichinaj k'a chuqa' ri utzil ri xusuj ri Dios chire rija' ri ojer kan.

Gálatas 4:7

Rik'in k'a ri' niq'alajin chi kan oj ralk'ual wi ri Dios, y man ojk'o ta chik chuxe' ri pixa'. Y roma oj ralk'ual chik ri Dios, niqichinaj ri nuya' rija'.

2 Tesalonicenses 2:16

Ri qakolonel Jesucristo y ri tata'ixel ri janila xojrajo' y xuya' kuqubabel-k'u'x chiqe richin qoyoben ri q'ij toq xqojbe chila' chikaj roma ri rutzil,

Tito 1:2

Y rik'in ri' kan qoyoben k'a ri utzilej k'aslen ri man jun bey xtik'is. Y ja k'aslen ri' ri sujun roma ri Dios ojer kan toq k'a man jani k'o ta re ruwach'ulew. Y kan nuya-wi, roma ri Dios kan nuben-wi ri rubin.

Tito 2:11

Roma ri rutzil ri Dios ri k'amayon-pe kolotajik chiqe qonojel winaqi', xoq'alajin wawe' chuwech re ruwach'ulew.

Tito 2:13

Roma qoyoben ri q'ij toq xtipe chik jun bey, y xtiq'alajin ri ruq'ij-ruk'ojlen ri nimalej qa-Dios Jesucristo ri qakolonel.

Hebreos 1:14

Ri ángel ri' choj e rusamajela' ri Dios y ja rije' ri yetaq roma ri Dios richin yekito' ri xkekolotej.

Hebreos 11:7

Chuqa' ri Noé xk'oje' kuqubabel-k'u'x rik'in. Roma ri' toq ri Dios xch'on rik'in pa ruwi' ri man jani nibebanatej, rik'in rukiy ri Dios xuben jun nimalej barco richin xerukol ri e aj pa rachoch. Y rik'in ri' xbeq'alajin-pe chi ri ch'aqa' chik winaqi' man utz ta xkiben, y xq'at-tzij pa kiwi'. Jak'a ri Noé roma kan xukuquba' ruk'u'x, ri Dios xuben chire chi man jun rumak xk'ulun chuwech.

Hebreos 11:9

Kan rukuquban-wi ruk'u'x rik'in ri Dios, y roma ri' xk'oje' achi'el jun q'axel chupan ri ruwach'ulew ri sujun chire. Y roma ri' xa chupan jay e banon rik'in tzieq xk'oje-wi. Achi'el chuqa' xkiben ri Isaac y ri Jacob, roma rije' sujun chuqa' chike ri ruwach'ulew ri'.

Hebreos 6:17

Roma ri' ri Dios xuya' k'a rutzij chire ri Abraham chi nuya' ri rutzil chire, richin nuk'ut chikiwech ri rijatzul chi rija' man nujel ta ri achike ri ruch'obon-pe y kan nuben-wi ri nusuj.

Santiago 2:5

Wach'alal ri kan yixinwajo', tich'obo' k'a jebel re xtinbij chiwe. Ri Dios ja ri winaqi' ri man jun ok k'o kik'in chuwech re ruwach'ulew ri xerucha' richin yebeyomer rik'in ri kikuqubabel-k'u'x, y nikichinaj ri ajawaren ri rusujun chike ri ye'ajowan richin.

1 Pedro 3:7

Y keri' chuqa' rix achi'a', kan rik'in k'a na'oj kixk'ase' kik'in ri iwixjayilal, kan ke'ipoqonaj k'a roma rije' man junan ta kuchuq'a' iwik'in. Tik'oje' chi'ik'u'x chi junan kik'in rije' xtiwichinaj ri utzilej k'aslen ri nuya' ri Dios chiwe, richin keri' ri ich'owen choj napon rik'in ri Dios.