Tito 3:1 - Kaqchiquel Bible

¹ Kan tabij k'a chike ri qach'alal chi nikinimaj ta kitzij ri q'atoy taq tzij. Kan nikiben ta k'a ri nibix chike, y kan chi'anin ta nikiben ronojel ruwech utzilej taq samaj,

နောက်ထပ်ဗားရှင်းများ

Kaqchikel Santo Domingo (Xenacoj)

¹ Takꞌuxlaꞌaj chake ri hermanos chi tikinimaj kitzij ri ngebꞌanun gobernar y kekinimaj chuqaꞌ ri chꞌaqa chik ri kꞌo uchuqꞌaꞌ pa kiqꞌaꞌ pa ruwiꞌ ri tinamit. Takꞌuxlaꞌaj chuqaꞌ chake chi ndikꞌatzin chi jumul tikꞌojeꞌ pa kánima chi ndikibꞌen jalajaj ruwech utz chake chꞌaqa,

Kaqchikel Santa Maria de Jesus

¹ Taꞌej chica ri hermanos chi caꞌniman cha ri gobierno y chica ri nicꞌaj chic autoridades. Can riqꞌuin nojiel cánima tiquibꞌanaꞌ nojiel utzulaj samaj ri niꞌeꞌx chica.

Kaqchikel Central Guatemala

¹ Can tabij c'a chique ri kach'alal chi tiquinimaj quitzij ri k'atoy tak tzij. Can tiquibana' c'a ri nibix chique, y riq'uin ronojel cánima tiquibana' ronojel ruvech utzilej samaj.

Re C'ac'a Testamento pa Kach'abal

¹ Rat can tabij chique re hermanos che tiquinimaj quitzij re autoridades. Can tiquibana' re nibex chique, y riq'uin ronojel cánma tiquibana' ronojel otz rach samaj.

Kaqchikel Western Solola

¹ Can tabij c'a chique ri kach'alal chi can quequinimaj ri aj k'atbel tak tzij. Can tiquinimaj c'a ri nibix chique, y riq'ui ronojel cánima tiquibana' ronojel utzilaj tak samaj.

Tito 3:1 ပူးပေါင်းရင်းမြစ်များ

Wuj Richin Etamabel-Tzij 24:21

Rat, nuk'ajol yin, kan tik'oje' rukiy ri Jehová chawech y chuqa' chuwech ri rey, y man jun bey taxol-awi' kik'in ri winaqi', ri maneq Dios, ni maneq rey chikiwech.

Wuj Richin ri Molojri'il 10:4

Wi ri runa'oj ri q'atoy-tzij man utz ta chik awik'in rat, man tisach ak'u'x, xa taqasaj-awi' y re' nuben chawe chi man naben ta ri man ruk'amon ta.

Wuj Richin ri Isaías 43:26

Tibana' chuwe chi noqaqa chinuk'u'x ri xbanatej ojer kan. Y wi k'o ri niwajo' richin nibij chuwe, tiqachojmirisaj k'a. Kixch'on rix richin niq'alajirisaj chi maneq imak.

Wuj Richin ri Jeremías 27:17

Man ke'iwak'axaj k'a; xa kan kixk'oje' k'a chuxe' rutzij ri rey richin Babilonia, richin xkixk'ase' chi utzil. Y wi man niwajo' ta, ri Jerusalem xtitole' kan.

San Mateo 22:21

Rije' xkibij k'a chire chi richin ri rey César. Y ri Jesús xubij: Titojo' k'a chire ri César rik'in ri méro ri ruk'amon chi niya' chire rija'. Jak'a tiya' chire ri Dios, ronojel ri ruk'amon chi niya' chire, xcha'.

1 Corintios 15:58

Y roma ri', wach'alal ri janila yixinwajo', ninbij k'a chiwe chi kan kow kixk'oje', y man tiya' kan. Kan beneq k'a ruwech tibana' ri rusamaj ri ajaw, y jebel tibana' chire, roma ronojel ri niben roma rija', kan k'o-wi utz ri nuk'en-pe chiwe.

Efesios 2:10

Ja ri Dios xbanon qichin roj, y xuben chiqe chi junan qawech rik'in ri Cristo, richin niqaben banobel ri kan e utz, roma jari' ri runaban-pe chiqe ojer yan ri' richin niqaben.

Deut 17:12

Jak'a wi k'o jun nupaba-ri' y man xtunimaj ta kitzij, ri wineq ri' kan xtikamisex k'a, richin keri' xtel ri itzel chukojol ri tinamit Israel.

Filipenses 1:11

Y richin niq'i' re', ri Jesucristo kan xkixruto' k'a richin chi kan choj ri ik'aslen xtik'uaj, y niwachin ta jebel. Y keri', ri Dios xtuk'ul ta ruq'ij-ruk'ojlen.

Colosenses 1:10

Keri' xtik'uaj jun k'aslen ri kan niqa' chuwech ri Dios y kan ta niwachin; niben ta ronojel ri utzilej taq banobel y niwetamaj ta más chirij ri Dios.

1 Timoteo 2:2

Tiqak'utuj k'a chire ri Dios chi keruto' ri rey, y chuqa' ri ch'aqa' chik q'atoy taq tzij, richin keri' xqojk'ase' rik'in ch'uch'ujil, y man ta k'o q'axomal xtiqak'owisaj, richin xtiqaya' ruq'ij-ruk'ojlen ri Dios.

1 Timoteo 4:6

Y rat Timoteo, wi xke'atijoj ri qach'alal chire ri xinbij yan qa chawe chupan re wuj re', at jun utzilej rusamajel ri Jesucristo, tijon rik'in ri kuqubabel-k'u'x rik'in rija' y rik'in ri utzilej taq tijonik.

1 Timoteo 5:10

wi etaman chi kan e utz taq ixoqi', wi e kik'iytisan jebel ri kal, wi jebel e kik'ulun ch'aqa' chik winaqi' pa kachoch, wi ekilin rik'in qasanri'il ri qach'alal ri ye'apon pa kachoch, wi e kito'on ri nikitej poqon, y wi ronojel ruwech utzil e kibanalon.

2 Timoteo 1:6

Y roma ri' ninbij chawe chi tatija' aq'ij chi jantape' ta k'es awik'in ri sipanik ri ruya'on ri Dios chawe toq xinya' ri nuq'a' pan awi'.

2 Timoteo 2:14

Tanataj k'a ronojel re' chike ri qach'alal y tabij chike pa rubi' ri ajaw chi man tikiben oyowal pa ruwi' tijonik y nojibel ri xa man jun nuk'en-pe chike, ri xa yeruya' pa wululen ri ye'ak'axan.

2 Timoteo 2:21

Keri' chuqa' ri ralk'ual ri Dios, wi nucher-pe-ri' rik'in ri etzelal, kan xtok achi'el ri samajibel ri k'o rejqalen, loq'olej y runaban ri' richin nuben ronojel ruwech utzilej samaj.

Tito 1:16

Nikibij chi ketaman ruwech ri Dios, jak'a kan niq'alajin chi man qitzij ta, roma ri itzel ri nikiben. Rije' itzel yekitz'et konojel, y man yeniman ta tzij. Chuqa' man jun utz ri yetikir nikiben.

Tito 2:14

Rija' kan man xupoqonaj ta xuya-ri' pa kamik pa qak'exel, richin chi xojrukol chuwech ronojel ruwech mak, y richin chuqa' xuch'ajch'ojirisaj ri qak'aslen. Keri' xuben qik'in roj ri xojok richin rija', richin nibe qánima chubanik ri utz.

Tito 3:14

Ri qach'alal k'o chi niketamaj nikiben ri utz, y yekito' k'a konojel ri k'o nik'atzin chike, richin ri qach'alal ri' jebel ta niwachin ri kik'aslen.

Tito 3:8

Ronojel re xinbij yan, kan qitzij wi. Roma ri' ninwajo' chi man tatanaba' kitijoxik ri qach'alal chire ronojel re', richin keri' kan beneq ruwech tikitija' kiq'ij nikiben ri utzilej taq banobel. Ronojel re' kan utz wi y kan k'o utz nuk'en-pe chiqe qonojel.

Hebreos 13:21

xtuya' ta k'a ronojel rutzil chiwe, y xkixtikir ta xtiben ri utzilej taq banobel richin niben ri rurayibel rija'. Y nuben ta qik'in roj ri niqa' chuwech rija' rik'in ri rusamaj ri Jesucristo ri ruk'amon chi nuk'ul ruq'ij-ruk'ojlen richin jantape'. Keri' ta k'a.

2 Pedro 1:12

Roma ri' yin kan man jun bey xkitane' chubixik chiwe, stape' rix kan iwetaman y chuqa' kan kuqul-wi ik'u'x rik'in ri qitzij tijonik ri ik'ulun.

Judas 1:5

Y wakami ninwajo' k'a ninnataj chiwe ri xuben ri Dios ojer kan. Rix iwetaman chi ri Dios xerelesaj-pe ri qati't-qamama' chupan ri ruwach'ulew Egipto. Jak'a toq xekolotej yan pe, k'ari' xeruk'is ri man xkikuquba' ta kik'u'x rik'in.