Tito 2:5 - Kaqchiquel Bible

⁵ chi nikiq'et ta ki' chubanik ri man ruk'amon ta, nikik'uaj ta jun k'aslen ch'ajch'oj, beneq ta ruwech nikiben ri k'atzinel pa kachoch, nikiben ta ri utz kik'in konojel y nikinimaj ta kitzij ri kachijilal; richin chi man niyoq'otej ta ri ruch'abel ri Dios.

နောက်ထပ်ဗားရှင်းများ

Kaqchikel Santo Domingo (Xenacoj)

⁵ chi tikijekꞌaꞌ kiꞌ rikꞌin ri ndikibꞌij y ri ndikibꞌen, chi tikikꞌuaj jun chꞌajchꞌaj kꞌaslen, chi jabꞌel tikibꞌanaꞌ chare ri kopísa chikachoch, chi utz tikibꞌanaꞌ chake chꞌaqa, y chi tikinimaj kitzij ri kachijil. Keriꞌ tijonik tikiyaꞌ chake ri ixoqiꞌ ri más kꞌa eꞌakꞌolaꞌ chin ma tiyoqꞌotej ri rutzij ri Dios.

Kaqchikel Santa Maria de Jesus

⁵ tiquibꞌanaꞌ pensar otz ri niquiꞌan chi quireꞌ man niquiyaꞌ ta lugar cha ri pecado, tiquicꞌuaj jun cꞌaslien sak, tiquibꞌanaꞌ cuenta ri cachuoch, otz quinoꞌj tiquibꞌanaꞌ quiqꞌuin quinojiel, caꞌniman chica ri cachajil, chi quireꞌ man jun kax itziel xtiꞌeꞌx chirij ri ruchꞌabꞌal ri Dios.

Kaqchikel Central Guatemala

⁵ chi man tiquiya' k'ij chire ri mac, tiquic'uaj jun c'aslen ch'ajch'oj, can ta e samajela', utz tiquibana' quiq'uin conojel, quequinimaj ri cachijlal, richin chi man niyok'otej ri ruch'abel ri Dios.

Re C'ac'a Testamento pa Kach'abal

⁵ che man tiquiya' k'ij cha re mac, tiquic'uaj jun c'aslen ch'ajch'oj, can-ta je samajel pa tak cachoch, otz tiquibana' quiq'uin conojel re vinak, que'quinimaj re quichijlal, chin che man tiyok' re ruch'abal re Dios.

Kaqchikel Western Solola

⁵ chi can tiquik'ila' qui' chare ri mac, tiquic'uaj jun c'aslen ch'ajch'oj, can tiquibana' cuenta rupan ri cachoch, utz quina'oj tiquibana' quiq'ui quinojel, y quequinimaj ri cachijlal, riche (rixin) chi man ta niyok'otej ri ruch'abel ri Dios.

Tito 2:5 ပူးပေါင်းရင်းမြစ်များ

Wuj Richin ri Rutikeribel 18:9

Y toq xekolaj xkibij chire ri Abraham: ¿Akuchi k'o-wi ri Sara ri awixjayil?, xecha'. Y ri Abraham xubij: Wawe' k'o-wi, k'o pa jay, xcha'.

Wuj Richin ri Rutikeribel 3:16

Y ri Dios xubij chire ri ixoq: Yin xtinben chawe chi kan janila k'a xkaq'axon toq awoyoben richin nibe'alex awal y kan rik'in k'a rukiy xkatalan. Y man rik'in ri', rat kan k'a xtarayij na ruwech ri awachijil y kan xkak'oje' k'a chuxe' ri rutzij rija', xcha'.

2 Sam 12:14

Y roma xaben ri mak ri', chuqa' xaben chire ri Jehová chi maneq rejqalen chikiwech ri e etzelanel richin, roma ri' ri ak'ual ri k'a juba' talex, xa xtibeken, xcha'.

Wuj Richin Bix Chire ri Dios 74:10

Nimalej Dios, ¿k'a janipe' kami xtitane' chiqij ri yojya'on pa q'axo'n? ¿Chaq xtuyoq' ta k'a ri abi' ri etzelanel awichin richin q'asen?

Wuj Richin Etamabel-Tzij 7:11

Ri ixoq ri' kan niq'alajin k'a chi janila najowan y jebel rubanik richin nich'on. Kan man nukoch' ta nik'oje' pa jay, y xaxe ta pa bey nrajo' nik'oje-wi.

Hechos 9:36

Chupan ri tinamit Jope, ri q'ij ri' k'o k'a jun qach'alal ixoq rubini'an Tabitá, y Dorcas*f23* nibix chire ri pa ch'abel griego. Re ixoq k'a re' janila jebel kik'in ri winaqi', y rija' yerutola' k'a ri winaqi' ri man jun k'o kik'in.

Hechos 9:39

Ri Pedro kan xbe k'a kik'in k'a pa Jope. Toq rija' xapon, xukusex k'a pa jay ri li'an-wi ri kamineq. Ri malkani' taq ixoqi' xe'apon rik'in; ye'oq' y nikik'utula' k'a apo chuwech ri tzieq ri xerubanala' ri Dorcas toq k'a k'es na.

Romanos 14:16

Man tiqaya' q'ij chi yech'on itzel chiqij, stape' ruk'amon ri niqaben.

Romanos 2:24

Qitzij k'a ri nubij chupan ri ruch'abel ri Dios,*f3* chi ri winaqi' ri man e qawinaq ta nikiyoq' rubi' ri Dios toq nikitz'et ri itzel taq ibanobal rix.

1 Corintios 11:3

Yin kan ninwajo' chi rix niwetamaj chi ri Dios ja rija' ri jolomaj pa ruwi' ri Cristo. Y ri Cristo jari' ri jolomaj pa kiwi' ri achi'a', y ri achi'a' ja rije' ri e jolomaj pa kiwi' ri kixjayilal.

1 Corintios 14:34

Toq nimol-iwi' pa rubi' ri Dios, ri ixoqi' kan ruk'amon chi tikinimaj tzij y man keq'ajan-apo, roma man ruk'amon ta richin yech'on; xa kan kek'oje' chuxe' kitzij ri kachijilal, achi'el nubij ri pixa'.

Efesios 5:33

Y ninbij chik jun bey chiwe chi'ijujunal chi tiwajo' ri iwixjayil, kan achi'el niwajo-qa-iwi' rix. Y rix ixoqi' tibana' chike ri iwachijil chi kan k'o-wi kiq'ij.

Colosenses 3:18

Rix ixoqi', tinimaj kitzij ri iwachijilal, roma keri' ruk'amon chi niben roma iniman chik ri ajaw.

1 Timoteo 5:10

wi etaman chi kan e utz taq ixoqi', wi e kik'iytisan jebel ri kal, wi jebel e kik'ulun ch'aqa' chik winaqi' pa kachoch, wi ekilin rik'in qasanri'il ri qach'alal ri ye'apon pa kachoch, wi e kito'on ri nikitej poqon, y wi ronojel ruwech utzil e kibanalon.

1 Timoteo 6:1

Konojel ri qach'alal ri e ximon pa samaj, k'o chi nikinimaj kitzij ri kajaw, richin keri' man tiyoq'otej rubi' ri Dios y ri ruch'abel.

Tito 2:4

Richin keri' nikik'ut ta chikiwech ri ixoqi' ri k'a e ak'uala' na chi kekajo' ri kachijilal y ri kal,