Tito 2:12 - Kaqchiquel Bible

¹² Y ri ch'abel ri' chuqa' nuk'ut chiqawech chi niqaya' ta kan rubanik ronojel ri man niqa' ta chuwech ri Dios y ronojel ri itzel taq rayinik richin re ruwach'ulew. Tiqaq'ata-qi' chubanik ri man ruk'amon ta, y tiqak'uaj jun k'aslen choj, jun k'aslen ri niqa' chuwech ri Dios.

နောက်ထပ်ဗားရှင်းများ

Kaqchikel Santo Domingo (Xenacoj)

¹² Y ri favor riꞌ ndukꞌut chiqawech chi tiqayaꞌ kan rubꞌanik nojel ri itzel teq achike ri ndikibꞌanalaꞌ ri wineq maneq Dios pa kiwech y chi tiqayaꞌ kan nojel ri itzel teq rayinik ri ekꞌo chochꞌulew. Mientras rojkꞌo chochꞌulew, tiqajekꞌaꞌ qiꞌ rikꞌin ri ndiqabꞌij y ri ndiqabꞌen, tiqakꞌuaj jun chojmilej kꞌaslen y tiqabꞌanaꞌ ri ndiqaꞌ chuwech ri Dios.

Kaqchikel Santa Maria de Jesus

¹² nucꞌut jeꞌ chakavach chi nicꞌatzin ncaꞌkayaꞌ can nojiel ri man nika ta choch ri Dios y nojiel ri itziel tak kax ri icꞌo choch-ulief ri ncaꞌkarayij. Nucꞌut chakavach chi mientras cꞌa ojcꞌo vaveꞌ choch-ulief, kaꞌnaꞌ pensar otz ri nakaꞌan chi quireꞌ man nakayaꞌ ta lugar cha ri pecado, y kucꞌuaj jun utzulaj cꞌaslien, jun cꞌaslien ri nika choch ri Dios.

Kaqchikel Central Guatemala

¹² Y ri' chuka' nuc'ut chikavech chi tikaya' can rubanic ronojel ri man nika' ta chuvech ri Dios y ronojel ri itzel tak rayinic richin re ruvach'ulef. Re c'a ojc'o na re vave' chuvech re ruvach'ulef, man tikaya' k'ij chire ri mac, xa tikac'uaj jun c'aslen choj; jun c'aslen ri nika' chuvech ri Dios.

Re C'ac'a Testamento pa Kach'abal

¹² Y chuka' nuc'ut chakavach che takaya' can ronojel re man nika-ta chach re Dios y ronojel re itzel tak rayibal chin re ruch'ulef. Re c'a yojc'o vova' chach re ruch'ulef, man takaya' k'ij cha re mac, xa takac'uaj jun c'aslen choj, jun c'aslen re nika chach re Dios.

Kaqchikel Western Solola

¹² Y ri' nuc'ut chuka' chkawech chi tikaya' ca rubanic ronojel ri ma nika ta chuwech ri Dios y ronojel ri itzel tak raynic riche (rixin) re ruwach'ulef. Re c'a yojc'o na re wawe' chuwech re ruwach'ulef, ma tikaya' ta k'ij chare ri mac, xa tikac'uaj jun c'aslen choj; jun c'aslen ri nika chuwech ri Dios.

Tito 2:12 ပူးပေါင်းရင်းမြစ်များ

Wuj Richin Bix Chire ri Dios 105:45

Ronojel re', xuya' chike richin chi tikitaqej ri rupixa', y richin chi tikibana' ronojel ri rubin rija' chike. Kan tiqanimirisaj k'a ruq'ij ri Dios.

Wuj Richin Bix Chire ri Dios 4:3

Tiwetamaj k'a chi ri Jehová e rucha'on ri choj kik'aslen chuwech rija'. Roma ri' kan xtrak'axaj toq yin xkich'on rik'in.

Ez 36:27

Y kan xtik'oje' k'a ri nu-espíritu iwik'in richin niwajo' xtitaqej ronojel ri nupixa'.

San Mateo 12:32

Y xabachike k'a wineq ri nibin ch'abel chuwij yin, ri xiqaqa-pe achi'el wineq chi'ikojol, kan k'a nikuyutej na rumak. Jak'a ri nibin ch'abel chirij ri Loq'olej Espíritu, kan man xtikuyutej ta rumak re wakami, ni ri chiqawech apo.

San Mateo 16:24

K'ari' xubij k'a chike konojel ri rutijoxela': Wi k'o jun nrajo' nitzeqeliben wichin, tuqasaj-ri', man tupoqonaj-ri' richin nuk'owisaj tijoj-poqonal y kirutzeqelibej.

San Mateo 28:20

Y tik'utu' chikiwech chi tikitaqej ronojel ri nubin kan. Y yin kan q'ij-q'ij k'a xkik'oje' iwik'in; k'a toq re ruwach'ulew xtapon chupan ri ruk'isibel q'ij, xcha'. Kan keri' ta k'a.

San Lucas 1:6

Re juk'ulaj winaqi' re' choj kik'aslen chuwech ri Dios, y kan nikiben ri nubij ri pixa'.

San Lucas 1:75

Y rik'in jun chojmilej y ch'ajch'ojilej qak'aslen, jantape' yojk'ase' ta el chuwech re ruwach'ulew.

San Juan 14:30

Y re wakami xa man k'iy ta chik ch'abel re xtinbij kan chiwe, roma ri Itzel-Wineq ri chapayon re ruwach'ulew noqaqa yan. Jak'a rija' man jun ruq'a' chuwe yin.

San Juan 6:25

Toq re winaqi' re' xbekila' ri Jesús ri juk'an ruchi' ri choy, xkik'utuj k'a chire chi jampe' tapon chiri'.

Hechos 24:16

Roma ri' yin kan nintej k'a nuq'ij chi man ninben ta ri itzel chuwech ri Dios y chikiwech chuqa' ri winaqi'. Keri' ri wánima kan utz wi k'a nuna'.

Hechos 24:25

Ri Pablo xapon kik'in, y xuchop k'a rubixik chike chirij ri achike rubanik jun k'aslen choj, ri achike rubanik richin naq'il-awi' richin man naben ta ri mak, y chi ri pa ruk'isibel ri Dios xtuq'et-tzij pa kiwi' ri winaqi'. Ri Félix janila xuxibij-ri' rik'in ri xrak'axaj, y xubij chire ri Pablo: Wakami k'a kabiyin. Y toq xtijame' chik k'a juba' nuwech, xkatinwoyoj chik k'a jun bey, xcha' ri Félix.

Romanos 12:2

Man titzeqelibej ri kik'aslen ri winaqi' ri k'a kikuquban na kik'u'x rik'in re ruwach'ulew. Xa kan tiya' q'ij chire ri Dios richin nujel ri ich'obonik, richin keri' kan tijalatej k'a chuqa' rubanik ri ik'aslen. Y keri' xtiwetamaj ri achike nrajo' ri Dios chi niqaben. Ri nrajo' rija': Ja ri utz, ri jebel y ri choj.

Romanos 6:12

Roma ri' kan man k'a tiqaya' q'ij chi ri mak nik'oje' pa qak'aslen chi nibin chiqe ri k'o chi niqaben. Qetaman chi xqojken, y roma ri' man tiqaya' q'ij chi ja ri itzel taq rayinik ri ye'uk'uan qichin.

Romanos 6:19

K'ayew richin chi niq'ax chiwech ronojel re', y roma ri' xinkusaj ri k'ambel-tzij ri'. Toq rubanon kan, rix xiya' q'ij chi xok ri mak iwik'in, richin niben ronojel ruwech mak. Jak'a re wakami kan tijacha-iwi' richin yixukusex roma ri Dios chubanik ri choj; richin keri' kan ch'ajch'oj ri ik'aslen chuwech rija'.

Romanos 8:13

Roma wi xqojkik'uaj ri itzel taq rayibel ri', xa kamik nikik'en-pe chiqe. Jak'a wi yojuk'uex roma ri Loq'olej Espíritu richin nukamisaj ri itzel taq rayibel ri'; xtiqil k'aslen.

2 Corintios 1:12

Ri kikoten ri k'o qik'in roj wakami, kan roma qetaman chi ri qabanobal kan rik'in wi ch'ajch'oj qánima yeqaben, y kan qitzij wi chuwech ri Dios. Man qana'oj ta k'a roj ri niqakusaj, xa kan ja ri na'oj ri qak'ulun rik'in ri Dios. Kan keri' ri qak'aslen ri qak'utun chikiwech ri ek'o chuwech re ruwach'ulew, y más chiwech rix.

2 Corintios 7:1

Keri' wach'alal ri yalan yixinwajo', roma ri rusujun kan ri Dios chiqe, kan tiqach'ajch'ojirisaj-qi' chire ronojel ri xa man ch'ajch'oj ta, richin chi ri qach'akul y ri qánima kan ch'ajch'oj ta chuwech ri Dios. Y rik'in ri rukiy ri Dios tiqatija' qaq'ij chi jantape' oj ch'ajch'oj chuwech rija'.

Gálatas 1:4

roma ri Jesucristo xuya-ri' richin xkamisex richin xojrukol chuwech ri qamak y ri etzelal ri k'o wawe' chuwech re ruwach'ulew. Ronojel re' xuben roma kan ja wi ri' ri rurayibel ri qatata' Dios,

Gálatas 5:24

Keri', qonojel k'a ri oj richin chik ri Cristo, achi'el ta kan xojbajix rik'in rija', richin roj xeqaya' kan ri itzel taq rayinik.

Efesios 1:4

Roma toq k'a man jani k'o ta re ruwach'ulew, jari' toq ri Dios xojrucha' yan richin xojok richin rija' roma ri xaxe jun xqaben rik'in ri Cristo. Richin chi xojok loq'olej y man ta jun mak k'o pa taq qak'aslen. Kan roma k'a ri ajowabel ri k'o rik'in ri Dios.

Efesios 2:2

ri xixk'oje' chupan toq xisamajij ri rajaw ri ajawaren ri k'o pa kaq'iq'. Re' ja re' ri espíritu ri k'o pa kánima ri kan man nikinimaj ta rutzij ri Dios.

Colosenses 1:22

Jak'a re wakami rix junan chik iwech rik'in ri Dios, roma ri samaj ri xuben ri Ruk'ajol. Kan xok-wi k'a wineq achi'el roj y xken richin chi rix xixok loq'olej, ch'ajch'oj ri ik'aslen, maneq imak y man jun itzel nitz'etetej chiwij toq xkixruya' chuwech ri Dios.

1 Tesalonicenses 4:7

Ri Dios man xojroyoj ta richin niqak'uaj jun itzel k'aslen. Rija' xojroyoj richin niqak'uaj jun k'aslen ri kan loq'olej.

1 Tesalonicenses 4:9

Jak'a chirij ri ajowabel ri k'o chi nik'oje' chi'ikojol rix chi'iwach'alal-iwi', ri Dios ruk'utun chik chiwech chi k'o chi niwajowala-iwi'. Y roma ri' man nik'atzin ta chi ninnataj chik chiwe.

1 Timoteo 4:12

Man taya' q'ij chi k'o yebitej-pe chawij roma k'a at k'ajol ala' na. Xa kan tak'utu' ri achike niqa' chuwech ri Dios rik'in ri abanobal, ri ach'abel, ri awajowabal, ri ak'aslen ri uk'uan roma ri Dios y akuquban ak'u'x rik'in, y rik'in ch'ajch'ojilej ak'aslen.

1 Timoteo 6:17

Y rat Timoteo, tabij chike ri qach'alal ri e beyoma' chi man tikinimirisaj-ki', ni man tikoyobej chi ri beyomel nuk'en-pe ronojel chike, roma ri beyomel xa nik'is. Pa ruk'exel ri' xa kan tikikuquba' kik'u'x rik'in ri Dios ri niya'on ronojel ri utz chiqe paruk'iyal richin nikikot ri qánima.

1 Timoteo 6:9

Jak'a ri winaqi' ri nikirayij ye'ok beyoma', man k'ayew ta chi yeq'olotej, y yetzaq pa pikbel. Rije' xa e nakaneq y ri itzel taq rayibel xa yeruk'uaj pa tijoj-poqonal.

2 Timoteo 3:12

Y kan qitzij, chi konojel ri jun kibanon rik'in ri Cristo y nikajo' nikik'uaj jun k'aslen utz chuwech ri Dios, kan xtikitej poqon pa kiq'a' ch'aqa' chik.

2 Timoteo 4:10

Roma ri Demas xa xirumalij kan y xbe pa tinamit Tesalónica roma xa xbe ránima chirij ri nusuj re ruwach'ulew. Ri Crescente beneq ri pa Galacia. Y ri Tito beneq pa ruwach'ulew Dalmacia.

Tito 3:3

Roma toq rubanon kan, roj chuqa' oj nakaneq rik'in ri qach'obonik. Man xojniman ta tzij, y yalan oj sachineq ri chiri'. Man xojtikir ta xqaq'il-qi' chuwech ri mak. Xa kan xqaben ronojel ri itzel ri xqarayij. Yalan itzel ri qak'aslen xqak'uaj. Itzel xeqatz'et ri ch'aqa' chik roma ri utz k'o kik'in. Y kan niqetzelaj-qi'.

Hebreos 8:11

Kan man jun k'a nik'atzin-wi chi nikitijola-ki' chikiwech richin ketaman nuwech, roma konojel rije' kan xtiketamaj nuwech, nitikir-el rik'in ri más ko'ol y napon-q'anej rik'in k'a ri más nim,

Santiago 1:27

Roma ri kan qitzij nuya' ruq'ij ri Dios, yerutola' ri malkani' taq ixoqi' y ri ak'uala' ri e maneq chik kite-kitata', y chuqa' man nunim ta chik ri' chupan ri etzelal richin re ruwach'ulew.

2 Pedro 2:9

Ronojel re' nuk'ut chi ri Dios kan yerukol ri e uk'uayon jun k'aslen ri achi'el nrajo' rija' toq yek'oje' pa jun tijoj-poqonal. Jak'a ri winaqi' ri man kik'uan ta jun choj k'aslen, rija' xa yeruyek-apo richin ri q'ij toq xtiq'at-tzij pa kiwi'.

2 Pedro 3:11

Roma k'a ronojel ri' rix yalan nik'atzin chi kan nik'uaj jun loq'olej k'aslen ri kan niqa' chuwech ri Dios,

1 Juan 2:27

Jak'a rix kan ja ri Loq'olej Espíritu ri k'o pa taq iwánima, ri ya'on chiwe roma ri Jesucristo. Ja rija' ri nitijon iwichin y man nik'atzin ta na jun chik. Ri nuk'ut rija', kan qitzij y man q'oloj ta. Tinimaj k'a ri nubij chiwe, y jantape' jun tibana' rik'in ri Jesucristo.

1 Juan 2:6

Y wi niqabij chi jun qabanon rik'in, k'o chi niqak'uaj jun k'aslen achi'el ri k'aslen ri xuk'uaj ri Jesucristo.

1 Juan 5:19

Qetaman chuqa' chi oj richin chik ri Dios. Jak'a ri ch'aqa' chik winaqi' ri k'a kikuquban na kik'u'x rik'in re ruwach'ulew, k'a ek'o na pa ruq'a' ri Itzel-Wineq.

Judas 1:18

Rije' xkibij chi chupan ri ruk'isibel taq q'ij xkepe winaqi' ri yeyojoben, y kan xaxe ri itzel taq rayinik ri k'o kik'in.

Apocalipsis 14:12

Re rutzijol re' kan nuben k'a chi ri e ralk'ual ri Dios k'o chi kow y tikuqer más kik'u'x rik'in ri Jesús y tikibana' ri nubij.