Tito 2:10 - Kaqchiquel Bible

¹⁰ ni man ta ye'eleq' kik'in. Kan utz ta nikiben chire ronojel y kan nikiya' ta kiq'ij, richin utz ta yetz'et koma ri kajaw, y keri' ri winaqi' ri' xtiketamaj chi kan jebel ri ruch'abel ri Dios ri qakolonel.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁰ Ma tok kiqꞌaꞌ pa ruwiꞌ ri ma kichin ta, xa kin tiqꞌalajin pa kikꞌaslen chi rukꞌulun chi ri kajaw kuqul rukꞌuꞌx kikꞌin, chin keriꞌ ndiqꞌalajin reqalen ri tijonik ri kꞌutun chiqawech roma ri Dios ri Qakolonel.

Kaqchikel Santa Maria de Jesus

¹⁰ Ni man jun kax tiquilakꞌaj chica ri cajaf. Can otz tiquibꞌanaꞌ cha nojiel, chi quireꞌ otz ncaꞌtzꞌiet cuma quinojiel ri vinak; y ri vinak xtiquiyaꞌ rukꞌij ri ruchꞌabꞌal ri Dios, ri Dios ri nkojrucol.

Kaqchikel Central Guatemala

¹⁰ Ni man que'elek' quiq'uin ri qui-patrón. Y can utz tiquibana' chire ronojel, richin utz yetz'et coma conojel ri vinek, y ri vinek ri' xtiquiya' c'a ruk'ij ri ruch'abel ri Dios ri Kacolonel.

Re C'ac'a Testamento pa Kach'abal

¹⁰ Y man que'lak' quiq'uin re qui-patrón. Y can otz tiquibana' cha ronojel, chin otz ye'tz'et coma conojel re vinak, y re vinak re' xtiquiya' ruk'ij re ruch'abal re Dios re nicola kachin chach re kamac.

Kaqchikel Western Solola

¹⁰ Ni majun tiquilek'aj el riq'ui ri quipatrón, xa can tiquitija' quik'ij chi ye'oc utzilaj tak mozos riche (rixin) chi queri' ri quipatrón can xtucukuba' ruc'u'x quiq'ui. Queri' tiquibana' riche (rixin) chi queri' ri winek can xtiquiya' c'a ruk'ij ri ruch'abel ri Dios ri Kacolonel.

Tito 2:10 ပူးပေါင်းရင်းမြစ်များ

Wuj Richin Bix Chire ri Dios 101:6

Jak'a ri winaqi' choj kik'aslen, ri' kan xkesamej pa wachoch, ri wineq ri kan nuk'uaj ri utzilej bey, jari' ri xtisamajin wichin.

Wuj Richin ri Isaías 12:2

Kan qitzij Dios, ja rat ri qakolonel. Roj kan xtiqakuquba' qak'u'x awik'in y man xtiqaxibij ta qi', roma kan ja rat ri yaya'on ri quchuq'a', y naya' jun bix chiqe. Chuqa' naya' qakolotajik.

San Mateo 24:45

Chupan ri q'ij ri' kan xtibanatej k'a achi'el ri nibanatej rik'in jun rajaw-jay ri ruya'on kan jun rusamajel pa kiwi' ri rusamajela' ri ek'o pa rachoch richin chi yerilij-apo y kan nuben k'a ri ruk'amon richin nuben.

San Mateo 5:16

Kan keri' ta k'a xtisaqirisan ri ik'aslen rix chikiwech ri winaqi'; Richin keri' toq xtikitz'et k'a ri utzilej taq ibanobal, ri winaqi' kan xtikiya' k'a ruq'ij-ruk'ojlen ri aj-chikajil qatata'.

San Lucas 1:47

Ri wánima kan nikikot rik'in ri Dios, ri nukolonel.

San Lucas 1:80

Keri' ri ak'ual ri xalex kik'in ri Zacarías y ri Elisabet, ruchapon k'a nik'iy y ruchapon nik'iy rik'in ri Dios. Y pa tz'iran ruwach'ulew xk'oje-wi, k'a toq xapon ri q'ij richin xutzijoj ri ruch'abel ri Dios chikiwech ri ruwinaq.

San Lucas 16:10

Jun ri kan utz nuben rik'in ri xa maneq rejqalen, kan utz k'a chuqa' xtuben rik'in ri kan janila rejqalen. Jak'a ri xa man choj ta nuben rik'in ri xa maneq más rejqalen, xa keri' chuqa' xtuben rik'in ri kan k'o-wi rejqalen.

San Juan 12:6

Toq rija' keri' xubij, man roma ta k'a chi kan janila yerajo' ri winaqi' ri man jun k'o kik'in. Xa kan roma k'a eleq'om y chi ja rija' ri yakol-méro kichin ri tijoxela' y k'o k'a nrelesala-el.

1 Corintios 4:2

Y jun samajel kan nik'atzin chi tubana' ri samaj, achi'el ri rubin ri rajaw chire.

Efesios 4:1

Y roma ri' yin, ri xinok pa cárcel roma ninsamajij ri Dios, ninbij chiwe chi nik'atzin nik'uaj jun k'aslen ri ruk'amon, roma ja ri Dios ri xoyon qichin richin xojok ralk'ual.

Filipenses 1:27

Wakami k'a, ruk'amon chi rix tik'uaj jun k'aslen utz achi'el nubij ri ruch'abel ri Cristo. Wi xkinapon chik iwik'in, kan keri' ta ri ik'aslen xtinbenwila', y wi man xkinapon ta, xtinwak'axaj ta k'a chiwij, chi kan kuqul ik'u'x rik'in ri Cristo, chi xa jun ta iwech ibanon, y kan ta ito'on-iwi' richin itzeqeliben ri utzilej ch'abel richin kolotajik.

Filipenses 4:8

Wach'alal, pa ruk'isibel ninwajo' k'a ninnataj chiwe, chi ri ruk'amon nich'ob, ja ri qitzij, ri choj, ri ch'ajch'oj, ri jebel, ronojel ri k'o utzilej rutzijol, y ri kan ruk'amon richin niya'ox ruq'ij. Ronojel re' kan jare' ri tich'obo'.

1 Timoteo 1:1

Yin Pablo, jun chike ri e taqon roma ri Cristo Jesús roma keri' xubij ri Dios ri qakolonel y ri Cristo Jesús, ri qoyoben chi nipe chiqak'amik.

1 Timoteo 5:17

Ri uk'uey kichin ri molaj qach'alal ri kan jebel kik'uaxik nikiben chike ri qach'alal, kan ruk'amon chi ka'i' ta bey nikik'ul ri rajel ruk'exel. Y kan más ruk'amon chi nikik'ul keri', ri nikitzijoj ri ruch'abel ri Dios y ri yetijon.

1 Timoteo 6:1

Konojel ri qach'alal ri e ximon pa samaj, k'o chi nikinimaj kitzij ri kajaw, richin keri' man tiyoq'otej rubi' ri Dios y ri ruch'abel.

1 Timoteo 6:3

Y wi k'o jun, ri nuya' tijonik ri man junan ta rik'in ri utzilej tijonik ri ruk'amon-pe ri qajaw Jesucristo, y man junan ta rik'in ri tijonik ri nuk'en-pe ri k'aslen utz chuwech ri Dios,

Tito 1:3

Y xapon k'a ri q'ij toq ri Dios qakolonel xuq'alajirisaj ri ch'abel ri', y xuya' k'a q'ij chuwe richin nintzijoj. Y kan janila xuchilabej chuwe chi kan ta ninben re samaj re'.

Tito 3:4

Jak'a toq ri Dios ri qakolonel xuk'ut ri rutzil y ri rajowabal chiqawech,

1 Pedro 2:12

Roma ri' kan tik'uaj jun k'aslen utz, y choj chikikojol ri winaqi' ri man ketaman ta ruwech ri Dios. Richin chi stape' nikimol-pe tzij chiwij chi man utz ta ri ik'aslen, toq xtapon ri q'ij chi ri Dios nuq'et-tzij ri winaqi' ri' xtikiya' ruq'ij-ruk'ojlen ri Dios roma ri utzilej ibanobal rix.

1 Pedro 3:16

Kan man jun bey k'a tiben ri etzelal, richin man niq'axo ri iwánima. Richin keri' xkek'ixbitej ri yemolo-pe tzij chiwij y ri yebin chi man utz ta ri ik'aslen roma iniman ri Cristo.

2 Juan 1:9

Ek'o winaqi' ri nikibij chi k'o más etamabel kik'in chuwech ri tijonik richin ri Cristo, y xa man keri' ta. Re yebin k'a kere', maneq k'a ri Dios kik'in. Jak'a roj ri man niqaya' ta kan ri tijonik ri richin ri Cristo, kan k'o ri Tata'ixel y ri K'ajolaxel qik'in.

1 Sam 22:14

Chirij re' ri Ahimélec xubij chire ri rey: ¿Achike k'a chike ri asamajela', kan nuben ri nubij, achi'el nuben ri David y chuqa' rija' kan aji', wajaw yin, y chuqa' aj-raqen pa kiwi' ri ye'ilin awichin, y kan janila ya'on ruq'ij chiri' pan awachoch?

1 Sam 26:23

Y ja ta ri Jehová xtiya'on rajel ruk'exel chuwe achi'el ri ruchojmilal ri xinben, roma rija' kan xarujech pa nuq'a' wakami. Jak'a yin man xinwajo' ta xinjeluj nuq'a' chawij rat ri kan at cha'on roma ri Jehová richin at okineq rey.