Tito 1:8 - Kaqchiquel Bible

⁸ Nik'atzin chuqa' chi kan jebel yeruk'ul-apo ri ye'apon pa rachoch, chi beneq ránima chubanik ri utz, nuq'et-ri' chubanik ri etzelal, ruk'uan jun k'aslen choj y loq'olej y man nuya' q'ij chire ri mak.

နောက်ထပ်ဗားရှင်းများ

Kaqchikel Santo Domingo (Xenacoj)

⁸ Ndikꞌatzin chuqaꞌ chi jabꞌel ndukꞌen apu kiwech pa rachoch ri epataneq jukꞌan chik apeꞌ, bꞌaneq ránima chubꞌanik ri utz, ndunojij utz-utz ri ndubꞌen, rukꞌuan jun chojmilej kꞌaslen, chꞌajchꞌaj rukꞌaslen, y nditiker nduqꞌet riꞌ chuwech ri mak.

Kaqchikel Santa Maria de Jesus

⁸ Y nicꞌatzin jeꞌ chi jaꞌal ncaꞌruꞌon recibir ri hermanos pa rachuoch ri jun chic tanamet ncaꞌpa-ve, chi bꞌanak ránima nuꞌon ri otz, chi nuꞌon pensar jaꞌal ri ncaꞌruꞌon, chi rucꞌuan jun cꞌaslien choj, jun cꞌaslien otz choch ri Dios, y chi man nuyaꞌ ta lugar cha ri pecado.

Kaqchikel Central Guatemala

⁸ Y nic'atzin chuka' chi can jebel yeruc'ul-apo ri kach'alal pa rachoch, ri xa c'a pa jun chic tinamit yepe-vi. Nic'atzin chi benek cánima chubanic ri utz. Y nic'atzin chi yech'obon jebel. Nic'atzin chi quic'uan jun c'aslen choj, jun c'aslen utz chuvech ri Dios, y man tiquiya' k'ij chire ri mac.

Re C'ac'a Testamento pa Kach'abal

⁸ Y nic'atzin chuka' che can jabal ye'ruc'ul-apo re hermanos pa rachoch, re nic'atzin che ye'c'ul. Nic'atzin che binak ránma chubanic re otz. Y nic'atzin che nunojij jabal re nuban. Nic'atzin che ruc'uan jun c'aslen choj, jun c'aslen otz chach re Dios, y man tuya' k'ij cha re mac.

Kaqchikel Western Solola

⁸ Y nic'atzin chuka' chi can jabel yeruc'ul apo ri kach'alal pa rachoch, ri xa c'a pa jun chic tinamit yepe wi. Nic'atzin chi xaxu (xaxe wi) ri utz nurayij chi nuben. Y nic'atzin chi nuch'ob jabel ri yerubanala'. Nic'atzin chi ruc'uan jun c'aslen choj chiquiwech ri winek, y jun ch'ajch'ojlaj c'aslen chuwech ri Dios y ma tuya' ta k'ij chare ri mac.

Tito 1:8 ပူးပေါင်းရင်းမြစ်များ

1 Rey 5:1

K'o k'a jun achin rubini'an Hiram, rey richin ri ruwach'ulew Tiro, y rija' janila xrajo' ri David toq k'a k'es na. Y jun q'ij xeruteq k'a pe jun tzobaj rusamajela' richin xbekiq'ejela' ri Salomón roma xrak'axaj chi ja rija' xok kan rey pa ruk'exel ri David ri rutata'.

1 Rey 5:7

Toq ri rey Hiram xrak'axaj ri ch'abel ri rutaqon-el rubixik ri rey Salomón, janila xkikot y xmatioxin y xunimirisaj ruq'ij ri Jehová, roma kan ruya'on jun ruk'ajol ri David, ri janila runa'oj richin nuq'et-tzij pa ruwi' ri jun nimalej tinamit.

Wuj Richin Bix Chire ri Dios 16:3

Yin kan yikikot kik'in ri nuwinaq ri nikitzeqelibej ri Dios, y kik'in ri kan tz'aqet ri kik'aslen chuwech rija'.

Am 5:15

Rix ri ix rijatzul kan ri José, tiwixowaj ri itzel y tiwajo' ri utz. Kan tik'oje' ruchojmilal chikiwech ri to'onela'. Wi keri' xtiben, rik'in juba' xtinjoyowaj iwech yin Jehová ri Dios ri k'o ronojel uchuq'a' wik'in ri yibin.

San Lucas 2:25

Ri chiri' pa Jerusalem k'o jun achin rubini'an Simeón. Rija' choj ri ruk'aslen y ya'ol ruq'ij ri Dios. Kan k'o-wi ri Loq'olej Espíritu rik'in y royoben toq xtipe ri Cristo chukolik ri tinamit Israel.

Hechos 24:25

Ri Pablo xapon kik'in, y xuchop k'a rubixik chike chirij ri achike rubanik jun k'aslen choj, ri achike rubanik richin naq'il-awi' richin man naben ta ri mak, y chi ri pa ruk'isibel ri Dios xtuq'et-tzij pa kiwi' ri winaqi'. Ri Félix janila xuxibij-ri' rik'in ri xrak'axaj, y xubij chire ri Pablo: Wakami k'a kabiyin. Y toq xtijame' chik k'a juba' nuwech, xkatinwoyoj chik k'a jun bey, xcha' ri Félix.

1 Tesalonicenses 2:10

Ri Dios kan xutz'et y rix chuqa', chi toq roj xojk'oje' iwik'in, ri qak'aslen kan utz wi chiwech rix, y kan man jun itzel xilitej pa qak'aslen.

1 Timoteo 3:2

Jak'a kan k'atzinel chi ruk'uan jun k'aslen utz, richin chi man jun niyako pe tzij chirij. K'o chi xaxe jun rixjayil,*f1* nuna' jebel ri yerubanala', retaman nuq'il ri' chuwech ri mak, ruk'amon chi ninimex rutzij, kan jebel yeruk'ul-apo ri ye'apon pa rachoch y jebel nuk'ut ri ruch'abel ri Dios,

1 Timoteo 4:12

Man taya' q'ij chi k'o yebitej-pe chawij roma k'a at k'ajol ala' na. Xa kan tak'utu' ri achike niqa' chuwech ri Dios rik'in ri abanobal, ri ach'abel, ri awajowabal, ri ak'aslen ri uk'uan roma ri Dios y akuquban ak'u'x rik'in, y rik'in ch'ajch'ojilej ak'aslen.

1 Timoteo 6:11

Jak'a rat, Timoteo, ri at rusamajel ri Dios, katanimej chuwech ronojel re'; kan tatija' aq'ij nak'uaj jun k'aslen choj, jantape' tabana' ri niqa' chuwech ri Dios, kan takuquba' ak'u'x rik'in ri Cristo, katajowan, kakoch'on y tak'uaj jun k'aslen ch'uch'uj.

2 Timoteo 2:22

Chuqa' rat katanimej chuwech ri itzel taq rayinik ri nipe pa kik'aslen ri k'a e k'ajola' na. Tatija' aq'ij chi nak'uaj jun k'aslen choj. Kan takuquba' ak'u'x rik'in ri Dios, katajowan y tik'oje' uxlanibel-k'u'x awik'in kik'in konojel ri rik'in ch'ajch'ojilej kánima yech'on rik'in ri Dios.

2 Timoteo 3:3

man xtikijoyowaj ta kiwech ri ch'aqa' chik winaqi', ni man xkekuyun ta, xketz'uku tzij, xtik'o ruwi' ri itzel ri xtikiben chire xabachike wineq, jantape' xke'oyower, kan xtiketzelaj ri utz

Tito 2:7

Y rat, Tito, chuqa' nik'atzin chi nak'ut chikiwech ri ch'aqa' chik achike chi k'aslen k'o chi nikik'uaj. Y toq ye'atijoj chire ri ruch'abel ri Dios, k'o chi naben rik'in ch'ajch'ojilej ak'aslen, y eqal tanik'oj ri ruch'abel ri Dios.

1 Juan 3:14

Roj kan oj eleneq chik pe chupan ri kamik, richin chi xojq'ax chupan ri k'aslen. Y qetaman jebel chi keri' roma kan niqajowala-wi-qi' chiqach'alal-qi'. Jak'a ri man nikajo' ta ki', kan e kaminaqi' chuwech ri Dios.

1 Juan 5:1

Xabachike wineq ri nunimaj chi ri Jesús jari' ri Cristo, kan ralk'ual chik ri Dios. Y toq k'o jun tata'aj ri yalan niqajo', kan yeqajo' k'a chuqa' ri e ralk'ual rija'.

1 Sam 18:1

Toq ri Saúl y ri David xetane' richin yetzijon, jari' toq ri Jonatán kan janila xrajo' ri David, y roma ri' xok rachibil. Kan xrajo' achi'el nrajo-qa-ri' rija'.