Tito 1:6 - Kaqchiquel Bible

⁶ Jun uk'uey kichin ri qach'alal nik'atzin chi ruk'uan ta jun k'aslen utz, richin man jun nilitej chirij, nik'atzin chi xaxe jun rixjayil,*f1* y wi ek'o ta ralk'ual, k'o chi kan kikuquban ta kik'u'x rik'in ri Jesucristo. Jak'a wi ri ralk'ual kik'uan jun itzel k'aslen y man yeniman ta tzij, man ruk'amon ta chi ri tata'aj ri' nok kan uk'uey kichin ri qach'alal.

နောက်ထပ်ဗားရှင်းများ

Kaqchikel Santo Domingo (Xenacoj)

⁶ Y jun ri ndok ukꞌuey bꞌey chikiwech ri ndikimal kiꞌ pa rubꞌiꞌ ri Dios, ndikꞌatzin chi rukꞌuan jun chojmilej kꞌaslen, chin keriꞌ ma jun itzel ndilitej pa rukꞌaslen. Y ndikꞌatzin chi xaxe jun rixjayil kꞌo y chi kitaqin chuqaꞌ ri Jesucristo ri eralkꞌuaꞌl, y man ta ndibꞌix chikij ri eralkꞌuaꞌl chi kikꞌuan xa apux chi kꞌaslen o ma ngeniman ta.

Kaqchikel Santa Maria de Jesus

⁶ Jun anciano richin ri iglesia nicꞌatzin chi rucꞌuan jun utzulaj cꞌaslien, chi quireꞌ man jun kax nilitaj chirij. Nicꞌatzin jeꞌ chi joꞌc jun raxjayil cꞌo y ri ralcꞌual can quiniman ta ri Jesucristo. Y man ta niꞌeꞌx chiquij chi quicꞌuan jun itziel cꞌaslien y chi man niquinimaj ta tzij.

Kaqchikel Central Guatemala

⁶ Y jun uc'uey quichin ri kach'alal nic'atzin chi ruc'uan ta jun c'aslen utz, richin queri' man jun nilitej chirij. Y chuka' nic'atzin chi jun uc'uey quichin ri kach'alal xaxe jun rixjayil y ri ralc'ual quiniman ta chic ri Jesucristo. Pero vi ri ralc'ual quic'uan jun itzel c'aslen y man yeniman ta tzij, man ruc'amon ta chi ri tata'aj ri' noc can uc'uey quichin ri kach'alal.

Re C'ac'a Testamento pa Kach'abal

⁶ Y jun re nic'uan quichin re hermanos nic'atzin che ruc'uan-ta jun c'aslen otz, chin quire' man jun cosa re man otz-ta nilitaj chij. Y chuka' nic'atzin che jun re nic'uan quichin re hermanos xaxe jun ruxayil y re rajc'ual quiniman-ta chic re Jesucristo. Pero vo xa re rajc'ual quic'uan jun itzel c'aslen y man ye'niman-ta tzij, man ruc'amon-ta che re tata'aj re' ndoc can ec'uay quichin re hermanos.

Kaqchikel Western Solola

⁶ Y jun anciano riche (rixin) ri iglesia nic'atzin chi ruc'uan jun utzilaj c'aslen, riche (rixin) chi queri' majun tzij nibix ta chrij. Y chuka' nic'atzin chi xaxu (xaxe wi) jun rixjayil c'o y ri ralc'ual can quiniman ta ri Jesucristo. Y man ta quic'uan jun itzel c'aslen y can yeniman ta tzij.

Tito 1:6 ပူးပေါင်းရင်းမြစ်များ

Wuj Richin ri Rutikeribel 18:19

Kan q'alaj chik chinuwech chi rija' kan xtuk'ut kan chikiwech konojel ri ralk'ual y ri rijatzul chi k'o chi nikitaqej ri niqa' chinuwech yin, roma rije' k'o chi pa ruchojmilal xtikiben ronojel y jebel chuqa' ruchojmirisaxik xtikiben chike ri yebanatej, richin keri' yin Jehová xtinya' ronojel ri nusujun chire ri Abraham, xcha-qa.

Wuj Richin Etamabel-Tzij 28:7

Ri kan nuben ri nubij ri rupixa' ri Dios, kan q'alaj chi jun alk'ualaxel aj-na'oj, jak'a ri alk'ualaxel ri xa yerachibilaj ri xaxe wa'in nikiben, xa nuya' ruk'ix ri rutata'.

Ez 44:22

Man jun chike ri sacerdote ri' ri xtik'ule' rik'in jun ixoq malka'n o rik'in jun rujachon-ri' rik'in rachijil. Xa kan xaxe utz nik'ule' rik'in jun xten o rik'in jun malka'n rixjayil kan jun sacerdote.

Wuj Richin ri Chojmirisabelri'il 21:14

Kan man ruk'amon ta nik'ule' rik'in jun malka'n o jun rujachon-ri' rik'in ri rachijil, o ri qasan ruq'ij, o rik'in jun ixoq itzel ruk'aslen; xa kan xaxe rik'in jun k'a xten na nik'ule-wi y junan kijatzul rik'in.

Wuj Richin ri Chojmirisabelri'il 21:7

Man k'a kixk'ule' rik'in jun ixoq ri itzel ruk'aslen, o rik'in jun ixoq ri qasan ruq'ij roma jun achin, o rik'in ta jun ixoq ri rujachon-ri' rik'in ri rachijil, roma rix kan ix sacerdote ix ch'aron chuwe, xcha' ri Dios.

Wuj Richin ri Malaquías 2:15

Ja ri Dios xbanon iwichin rix y ri iwixjayilal richin xa jun xiben, y chuqa' xa jun espíritu. ¿Achike kami roma xuben? Richin nik'iyer ri iwijatzul ri kan ch'aron chire rija'. Roma ri' kan tichajij-iwi', y man tiq'ol ri iwixjayil ri achoq ik'in xixk'ule-wi toq k'a ix alaboni' na.

San Lucas 1:5

Chupan k'a ri ruwach'ulew Judea toq ri rey Herodes ri Nim niq'aton-tzij, xk'oje' k'a jun sacerdote ri xubini'aj Zacarías. Rija' k'o k'a kik'in juq'at sacerdote ri kibini'an ri e richin ri Abías. Ri Zacarías k'ulan rik'in jun ixoq rubini'an Elisabet,*f1* chuqa' jun riy-rumam kan ri nimalej sacerdote Aarón.

Efesios 5:18

Man kixq'aber, roma ruyon itzel nuk'en-pe chiwe. Pa ruk'exel ri' tiya' q'ij chire ri Loq'olej Espíritu chi yixruyuqej.

1 Tesalonicenses 5:14

Chuqa', qach'alal, ke'ipixabaj ri qach'alal ri k'o kiq'oral. Y ri qach'alal ri xa ka'i' kik'u'x rubanon, tikuqubala' kik'u'x. Y ri man jani k'o ta kuchuq'a' jebel chupan ri kik'aslen rik'in ri Jesucristo, kan ke'itola'. Y chuqa' ke'ikoch'ola' konojel.

1 Timoteo 1:9

Y qetaman chi ri pixa' man k'o ta pa kiwi' ri winaqi' ri choj kik'aslen. Jak'a xa pa kiwi' ri winaqi' ri man nikiben ta ri nubij: Pa kiwi' ri man yeniman ta tzij, ri man utz ta kik'aslen chuwech ri Dios, ri aj-maki', ri k'o itzel pa taq kánima, ri nikixolq'otij ri rubi' ri Dios, ri yekikamisala' kite-kitata' y ri yekikamisala' xabachike winaqi',

1 Timoteo 3:12

Ri qach'alal achin ri nilin kan nik'atzin chi xaxe jun rixjayil, y jebel ta kik'uaxik rubanon chike ri aj pa rachoch.

Tito 1:10

Roma ek'o e k'iy ri man yeniman ta tzij. Ri winaqi' ri' nikitzijoj ch'abel ri man jun rejqalen y kan yekiq'ol ri ch'aqa' chik winaqi'. Y chikikojol rije' ek'o nuwinaq judío.

1 Sam 2:11

K'ari' ri Ana y ri Elcaná xetzolin-el pa kachoch k'a pa Ramá. Y ri ak'ual xk'oje' kan pa ruq'a' ri sacerdote Elí richin nusamajij ri Jehová.

1 Sam 2:22

Jak'a ri Elí janila ri'j chik y nrak'axaj k'a ronojel ri itzel ri yekibanala' ri ruk'ajol kik'in ri kiwinaq. Chuqa' yek'oje' kik'in ri ixoqi' ri yesamej chiri' chuchi' ri rachoch ri Dios.