Wuj Richin ri Nimalej Bix 7:4 - Kaqchiquel Bible

⁴ Ri aqul kan liq'-liq' achi'el jun torre ri banon rik'in rey tix. Ri runaq' taq awech kan yech'ich'an achi'el rubanon ri ya' chupan ri yakbel-ya' ri k'o pan Hesbón, ri k'o pan okinen chire ri tinamit ri nibe pa Bat-rabim. Ri atza'n kan jebel ok achi'el ri juyu' Líbano, ri nitzu'un-qa pa Damasco.

Wuj Richin ri Nimalej Bix 7:4 ပူးပေါင်းရင်းမြစ်များ

Wuj Richin ri Nimalej Bix 4:4

Ri aqul janila jebel ok achi'el ri torre richin tobel richin ri David. Y ri awichinaj kan yeyok'olin achi'el ri janila chi tobel ri yerepelun ri e tzeqeban chirij ri torre.

Wuj Richin Bix Chire ri Dios 144:12

Tabana' chi ri qak'ajol kan chi'anin xkek'iy, achi'el jun ti che' ri rex-rex nitzu'un; ri qami'al kan xkek'iy ta choj-choj achi'el ri pilar ri e chapayon richin ri rachoch ri rey.

Hebreos 5:14

Jak'a ri kan e k'iyineq jebel, kan yetikir chik nikitej wey. Roma ri' ketaman chik ri achike ri utz y achike ri man utz ta.

Wuj Richin ri Isaías 54:4

Man tixibij-iwi' roma kan man jun bey chik xtiqasex iq'ij, ni man xkixk'ixbitej ta chik. Kan xtimestaj ri k'ix ri xiq'axaj toq man jani k'o k'iy ijuna'. Chuqa' kan xtimestaj toq xqasex iq'ij toq xixmalix kan koma ri iwachijil,

Wuj Richin ri Nimalej Bix 6:5

Kan tajech'ej k'a ri atzubal wik'in yin, roma kan yinach'ek. Ri rusumal-awi' yesilon achi'el taq tzobaj tzuntzun ri yetzopiyaj yexule-pe pa juyu' richin Galaad.

Wuj Richin ri Nimalej Bix 4:1

Kan janila at jebejoj ok wajowanel yin. Kan janila at jebejoj ok. Ri runaq' taq awech chukojol ri a-velo, janila e jebel ok, achi'el runaq' taq ruwech jun ti paloma. Toq yesilon ri rusumal taq awi', kan achi'el taq tzobaj tzuntzun ri yetzopiyaj yexule-pe chuwa taq juyu' richin Galaad.

Wuj Richin ri Nimalej Bix 1:10

Ri apalej kan jebejoj ok nitzu'un chikikojol ri ruwi' taq axikin. Ri aqul kan jebejoj ok niq'alajin rik'in ri awichinaj.

Wuj Richin Bix Chire ri Dios 45:8

Ri atziaq kan nijubulin k'a rik'in ri ruxla' ri mirra, ri canela y ch'aqa' chik jubulej taq aq'om; k'a chupan ri awachoch ri wiqon rik'in marfíl, ri bixanela' nikiya' aq'ij rik'in q'ojom richin yakikot.

2 Crón 8:6

Chuqa' xerupaba' chik q'anej ri tinamit Baalat y ri ch'aqa' chik tinamit akuchi yeyak-wi ronojel ri k'atzinel y ronojel ri jay akuchi ek'o-wi ri carruaje richin oyowal, ri jay kichin ri winaqi' ri yech'oke' chirij kiej y ronojel ri xrajo' xupaba-q'anej pa Jerusalem, y chuqa' pa ruwach'ulew Líbano y chupan ronojel ri ruwach'ulew ri k'o pa ruq'a'.

1 Rey 22:39

Y ronojel ri ch'aqa' chik ri xebanatej chupan ri q'atbel-tzij richin ri Acab e tz'ibatel kan ronojel chupan ri Wuj Ri Cholan Nich'on pa kiwi' ri rey richin ri Israel. Chiri' chuqa' e tz'ibatel-wi kan ronojel ri samaj richin ri jay ri xuben, ri xuya' ruwiqobal ri e banon rik'in rey tix, y chuqa' ri tz'aq ri xeruben richin xerusutij-kij ri tinamit.

1 Rey 10:22

Chuqa' ri rey k'o jun molaj ru-barco ri yebe pa ruwach'ulew Tarsis junan rik'in ri molaj ru-barco ri rey Hiram. Y ri barco ri' chi ox-ox juna' ye'ok'ulun kik'amon-pe k'iy q'anapueq, saqipueq y nima'q taq key tix; chuqa' e kik'amon-pe ri batz', y chuqa' ri pavo real.

1 Rey 10:18

Y ri rey xuben chuqa' jun nimalej rutz'uyubal, y xuben rik'in rey tix, y k'ari' xuya' q'anapueq chirij.

1 Rey 9:19

Y keri' chuqa' xerupaba-q'anej ri tinamit ri akuchi ek'o-wi ri ru-carruaje richin oyowal, ri tinamit akuchi xek'oje-wi ri achi'a' ri yech'oke' chirij kiej y ri tinamit ri akuchi ek'o-wi yakonabel richin ronojel ri nitij. Y chuqa' xupaba-q'anej ronojel ri xrajo' chi xban ri chiri' pa Jerusalem, ri chiri' pa Líbano y chijun ruwach'ulew ri k'o chuxe' ri ruq'atbal-tzij rija'.

1 Rey 7:2

Jun chike ri jay ri xuben-q'anej ja ri nima-jay ri rubini'an Che' richin Líbano. Re jay re' juwineq wuqu' jaj raqen y oxlajuj jaj rik'in nik'aj ruwech, y waqxaqi' jaj rujotolen. Chupan re jay re' xya'ox oxi' cholaj xata't ri e banon rik'in tiox-che', y pa ruwi' re' e ch'okol tem ri e banon rik'in tiox-che' chuqa'.

2 Sam 8:6

Chirij ri' ri David xeruyala' tzobaj chajinela' chupan chijun ri ruwach'ulew Siria. Y ri aj-Siria xe'ok rusamajela' ri David, y kan k'o chi xkitoj chire ri k'atzinel. Keri' ri Jehová xuya' k'a ch'akonik chire ri David xabakuchi xbe-wi.

Wuj Richin ri Rutikeribel 15:2

Y ri Abram xubij: Wajaw Jehová, rat jebel awetaman chi yin e maneq walk'ual ri xke'ichinan ta kan ronojel ri nubeyomel ri k'o wik'in, xaxe ri Eliézer ri k'o pa kiwi' ri nusamajela', ri achin aj-Damasco.

Wuj Richin ri Nimalej Bix 4:5

Ri ruwa-ak'u'x kan e buyul, achi'el ri taq seq kij kua'ch masat, ri yeyuq'ux chukojol ri kotz'i'j lirio.