Wuj Richin ri Nimalej Bix 6:10 - Kaqchiquel Bible

¹⁰ Rat kan at jebel ok achi'el ri kaj toq niseqer-pe. Kan janila at jebel ok achi'el ri ik', y yayik'lun achi'el ri q'ij. Rat kan at jebejoj ok achi'el ri ch'umila'.

Wuj Richin ri Nimalej Bix 6:10 ပူးပေါင်းရင်းမြစ်များ

Wuj Richin ri Achin Job 11:17

Ri ak'aslen kan más q'alaj ri xtuben, xa kan achi'el ri saqil ri pa nik'aj-q'ij. Y stape' niq'equmatej-pe chupan ri ak'aslen, rat kan xtana' chi achi'el xa niseqer-pe chawech.

Wuj Richin ri Achin Job 31:26

Re' xa kan juba' man junan rik'in toq kan nintzu' ri nisaqirisan ri q'ij, y toq niq'alajin chuqa' ri ik' rik'in ri rusaqil y kan jebel ok nitzu'un,

Wuj Richin Bix Chire ri Dios 14:5

Re winaqi' re' kan xkek'ark'ot roma xibinri'il, roma ri Jehová kan k'o kik'in ri kikuquban kik'u'x rik'in rija'.

Wuj Richin Etamabel-Tzij 4:18

Ri kibey ri chojmilej taq winaqi', kan junan rik'in ri nabey saqil ri niq'alajin-pe ri nimaq'a', nabey xa juba' ok ri saqil y napon k'a ri ramaj toq ri saqil kan jebel niberubana-pe.

Wuj Richin ri Nimalej Bix 1:15

Kan at jebejoj ok rat, wajowanel yin, kan janila wi at jebejoj ok. Ri runaq' taq awech kan janila e jebel ok. Kan e achi'el k'a runaq' taq kiwech ri paloma.

Wuj Richin ri Nimalej Bix 3:6

¿Achike kami ri jotol-pe pa tz'iran ruwach'ulew, y nuyek poqolaj achi'el ja ta ri sib pa'el chikaj? Rije' kan yejubulin e peteneq rik'in ri ruxla' ri pom, ri mirra y ri jalajoj kiwech jubulej taq aq'om.

Wuj Richin ri Nimalej Bix 6:4

Rat, wajowanel yin, kan janila at jebel ok achi'el ri tinamit Tirsá. Kan janila at rayixel achi'el ri tinamit Jerusalem. Nawelesaj ri wuchuq'a', roma kan at achi'el jun tzobaj aj-labal, ri kicholajen-ki'.

Wuj Richin ri Nimalej Bix 8:5

¿Achike kami ri jotol-pe pa tz'iran ruwach'ulew, y raq'en-pe roma ri rajowanel? Chuxe' jun che' richin manzana xink'asoj ri ajowabel chawe, akuchi ri ate' xyawej kan chawij, y k'ari' xaruya' chuwech re ruwach'ulew.

Wuj Richin ri Isaías 58:8

Keri' ri ik'aslen kan xtiyik'lun k'a achi'el toq nel-pe ri q'ij. Y ri iq'axomal kan chi'anin xtaq'omatej. Ri ruchojmilal kan xtok uk'uey iwichin y yin Jehová kan xkik'oje' chi'ikojol richin yixinchajij.

Wuj Richin ri Isaías 63:1

K'o k'a jun q'ij toq k'o jun ri xtuk'utuj: ¿Achike kami ri peteneq pa ruwach'ulew Edom, y k'o pa tinamit Bosrá, ri kan nich'ich'an ri rutziaq? ¿Achike kami ri rukusan-pe jun tzieq ri kan nitz'intz'ot y kan peteneq rik'in uchuq'a'?, xticha'. Ja yin Jehová ri yich'on pa ruchojmilal, y k'o wuchuq'a' richin yixinkol.

Os 6:5

Roma ri' yin kan nuq'alajirisan chik chiwech ri xtinbenbana' iwik'in koma ri q'alajirisanela' richin ri nuch'abel. Rik'in k'a ri nuch'abel xixink'is-el, ri ruchojmilal ri ninben yin kan niq'alajin k'a achi'el ri saqil.

Wuj Richin ri Malaquías 4:2

Jak'a rix ri k'o nukiy chiwech kan pa ruchojmilal k'a ri xtinben iwik'in. Ri ruchojmilal kan xtiyik'lun pan iwi' achi'el niyik'lun ri q'ij. Y chupan ri q'ij ri', rix kan xtik'ul raxnaqil achi'el toq nimeq'e-pe ri q'ij. Kan xkixropiyaj k'a roma kikoten achi'el yeropilan ri taq alaji' wákix toq yebe'el-pe pa ki-coral.

San Mateo 13:43

Jak'a ri winaqi' ri choj chik kik'aslen, kan xkech'ich'an achi'el ri q'ij. Kan xkeq'alajin k'a chi ek'o pa rajawaren ri aj-chikajil qatata'. Ri k'o k'a rak'axabal, kan trak'axaj k'a ri xinbij, xcha'.

San Mateo 17:2

Chiri' ri Jesús xjalatej k'a ruwech chikiwech ri e oxi' rutijoxela'. Xok k'a achi'el nitzu'un ri q'ij toq jebel niyik'lun. Y ri rutziaq kan xok achi'el ri saqil.

Romanos 8:37

Jak'a chupan ronojel ruwech tijoj-poqonal, roj kan yojch'akon-wi chire ronojel roma ri Cristo ri kan yojrajo'.

Efesios 5:27

Keri' xuben richin chi roj ri qakuquban qak'u'x rik'in, man jun ta qamak xtiq'alajin chuwech. Xa nrajo' chi kan ch'ajch'oj ri yojapon rik'in, achi'el jun tzieq ri ch'ajch'oj chik; banon chik ruchojmil, y man yochoyik ta chik.

Apocalipsis 1:16

Ri pa rijkiq'a' e ruk'uan wuqu' ch'umila', ri pa ruchi' nik'ulun-pe jun espada ri k'o ka'i' rey, y ri nitzu'un, achi'el ri q'ij toq janila ruchuq'a'.

Apocalipsis 10:1

Yin xintz'et chik k'a chi chila' chikaj chupan jun sutz' peteneq jun ángel, ri kan k'o uchuq'a' pa ruq'a' ri pa rujolon k'o jun kotoq'a', ri rupalej achi'el ri q'ij, y ri raqen achi'el ruxaq q'aq'.

Apocalipsis 12:1

K'ari' xintz'et chi ri chikaj xbeq'alajin-pe jun nimalej retal; xintz'et k'a jun ixoq ri rupison ri' chupan ri q'ij achi'el xa ta jari' ri rutziaq. Ri ik' k'o qa chuxe' ri raqen y pa rujolon k'o jun corona ri ek'o kablajuj ch'umila' chuwech.

Apocalipsis 21:23

Ri tinamit ri' man nik'atzin ta ri rusaqil ri q'ij y ri ik' chire, roma ri nisaqirisan richin ja ri rusaqil ri Dios, y ri Karne'l chuqa' nisaqirisan achi'el jun lámpara.

Apocalipsis 22:16

Yin Jesús, nutaqon k'a ri nu-ángel richin nuq'alajirisaj ronojel re' chiwech rix ri molaj nimanela'. Ja yin k'a ri in riy-rumam kan ri rey David ri k'o chi xtipe. Ja yin chuqa' ri achi'el nima-ch'umil ri niyik'lun nimaq'a-yan, xcha'.

Apocalipsis 22:5

Ri chiri' chupan ri tinamit ri', man jun bey xtiq'equmer ta richin nokoq'a-qa. Y konojel ri ek'o chupan ri tinamit ri', man jun xtik'atzin-wi ri rusaqil jun q'aq' o rusaqil ta ri q'ij chike. Roma kan ja ri Dios ri ajaw ri xtisaqirisan kichin. Y konojel re', jere' ri xkeq'aton-tzij richin tibe-q'ij tibe-seq.